Zacarias 13
13
Ja Dyosi, oj sak' lek ja schonab'ili
1-3—Ja k'ak'u jawi, ke'n oj ch'ayi ja smul ja jchonab'ili. Ja yintil jumasa ja David sok ja swinkil jumasa ja chonab' Jerusaleni sok ke'n oj sta' skoltajele'a. Ja k'u'lub'al dyos jumasa janek' ay b'a lu'umi, ojni jch'ay sna'jel spetsanila, sok mixani nunka ma' oj na'juk yujile'a. Cho jach'ni jas aluman dyose jumasa oj ni jch'ay sna'jele'a, wanix k'umaniye jan ajyi'a, ja jas wax yalawe'i, ja' wax a'ji jul sk'ujole yuj ja tan pukuj ja jas oj yal'e'i. Ta yuj k'a ay ma wa sk'ana oj slo'laye, wax yalawe wane k'umal b'a jparte ke'na, asta ja mismo snan state'i, wax yalwe yab' oj ni chamuke'a sok ye'n mismo wa smilawe. Ke'non ja Dyos it jel ja kipi, ja jas wax kala yujni jach' oj k'u'l merana.
4-5—Ja k'ak'u jaw ja aluman Dyos jumasa, jel oj k'ixwuke yuj ja jastik mi meranuk yaluneje'i, sok mixani nunka ma' ojto slo'laye pilan majke'a. Mixa oj sk'an'e oj alxuk sb'aje aluman dyosil, oj yal'e' a'tijume b'a alaj, man yora mas untike'to yujni ti' wax a'tijiye b'a alaj ja. 6Ta yuj k'a ay ma wa sjob'o yuj ja senya'e jumasa yi'oj b'a sk'ab'e jumasa, oj yal'e' st'oso sb'aje b'a snaje ja yamigo'e jumasa, sok mi ti'uk b'a sk'ulto ja dyose jumasa it mix na'xi sb'aji—
Wokol sok koltajel
7Ja Dyos it jel ja yipi, jach' yala jastal iti:
—Machit, k'e'an tulu ab'aj,
mila ja jmandaranum tsa'ub'al kuji—
—Mila ja mero lekil kamigo—
B'a jach' oj ch'ak waj saktatan ja jchonab'il jumasa
ke'nxa oj ch'ak sna'jel ja yintile jumasa.
8-9—Ja kristyano b'a niwan chonab' iti
oj chamuke mas yuj ja snalan ja janek' aye'i,
jel T'usan ja janek' oj kan sak'ani;
kechan oj ni ka'yi'e wokola b'a jach' oj stukb'es ja smodo'e'i,
sok oj kumxuke b'a oj sk'u'ukone.
Ke'n Dyos yuj ja israelenio,
ja jas wax kala yujni jach' oj k'u'l merana.
—Yaj ni oj sk'umukone'i, oj ni jk'umuke'a;
ja ke'n oj na' sb'aje jastal kuntikil,
jaxa ye'nle'i, oj sna'e jb'aj yuj ke'n Dyoson yujile—.
Currently Selected:
Zacarias 13: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
