Numeros 2
2
Cholan ja snaje ja israelenio jumasa
1Ja Dyosi, yal yab' ja Moises sok ja Aaroni:
2—Ja israelenio jumasa, najat t'usan oj stojb'es ja snaje b'a sjoyanal ja snajtsil tsomjeli, b'a jujune oj syam ja sbandera'e sok ja jas oj skolta sb'aje sok ja janek' smoj alijel sb'aje'i.
Ja b'ajtan k'ole'i ja b'a stojol wax jak ja k'ak'u
3-9Ja k'ole iti ja oj snoch e' ja bandera b'a slok'ol ja Juda.
| Sk'ole | ja lok'olili | ja janek' |
|---|---|---|
| ja sb'a Judai | Nahason ja stat ja Aminadabi | 74,600 |
| ja sb'a Isacari | Natanael ja stat ja Suari | 54,400 |
| ja sb'a Zabuloni | Eliab ja stat ja Heloni | 57,400 |
| ja' spetsanil | 186,400 |
Ja schab'il k'ole'i ja b'a ko'el k'inali
10-17Ja k'ole iti ja oj snoche' ja bandera b'a slok'ol ja Rubeni:
| ja sb'a Rubeni | Elisur ja stat ja Sedeuri | 46,500 |
| ja sb'a Simeoni | Salumiel ja stat ja Surisadai | 59,300 |
| ja sb'a Gadi | Eliasaf ja stat ja Reueli | 45,650 |
| ja' spetsanil | 151,450 |
—B'a spatik ja ye'nle'i, ti oj wajuk ja yintil jumasa ja Levi, sok ja k'u'uts wax tojb'i sok ja snajtsil tsomjeli.
Ja yoxil k'ole'i ja b'a stojol wax och ja k'ak'u
18-24Ja k'ole iti ja oj snoch e' ja bandera b'a slok'ol ja Efraini:
| ja sb'a Efraini | Elisama ja stat ja Amihudi | 40,500 |
| ja sb'a Manasesi | Gamaliel ja stat ja Pedasuri | 32,200 |
| ja sb'a Benjamini | Abidan ja stat ja Guidoni | 35,400 |
| ja' spetsanil | 108,100 |
Ja schanil k'ole'i ja b'a k'e'el k'inali
25-31Ja k'ole iti ja oj snoch e' ja bandera b'a slok'ol ja Dani:
| ja sb'a Dani | Ahiezer ja stat ja Amisadai | 62,700 |
| ja sb'a Aseri | Paguiel ja stat ja Ocrani | 41,500 |
| ja sb'a Neftali | Ahira ja stat ja Enani | 53,400 |
| ja' spetsanil | 157,600 |
Ja soldado israelenio
32Ja k'ak'u ch'ak ajtab'axuk ja israelenio jumasa, ja spetsanile'i, aye wake syen oxe mil sok jo'e syen chab' tajb'e lajune soldado (603,550). 33Ja Dyosi, yal yab' ja Moises mok lom yajtab'en ja yintil jumasa ja Levi. 34Ja israelenio jumasa, ch'ak sk'u'uke spetsanil ja jastal alji yab' ja Moises yuj ja Dyosi. B'a jujune ti ajyiye sok ja sbandera'e'i, lajan b'ej yiye' sok ja yuntikile'i, cho jach'ni sok ja k'ole b'a' ye'i.
Currently Selected:
Numeros 2: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021