Miqueas 2
2
Ja smul ja ma'tik jel niwak ja ya'tele'i
1—Ja Dyosi, ti cho yala'a:
—Ja we'nlex ja ma'tik mi lek jastalexi,
jel wokol oj ek'uk a wujilex ja we'nlexi
wax waj wayaniki, ti waxa chapawex ja jas mi lekuk oj ja k'u'lukexi;
yaj ni wala k'eyexi, ja'ni waxa k'ulanexa,
yuj ja jel ja wa wipex waxa wabyex b'a oj ja k'u'lukexi.
2Ta yuj k'a waxa k'anawex lu'um, waxa japawex;
ta yuj k'a waxa k'anawex na'its, waxa wi'ajex kana;
waxa wixtala'anex ja ma' sb'aji,
cho jach'ni waxa wutajex ja yuntikile'i,
sok ja lo'lanel jawi wax ch'ak a nutsex ele.
3—Ja'yuj ja ke'n ja Dyos yuj ja israelenio,
cho ay jas chapan kuj b'a mi lekuk b'a wa b'aj we'nlex:
oj jek a wi'ex jun wokol
b'a mi oj b'ob' a kolta b'ajex.
Oj jak tiempo wokol a b'ajex
oj ch'akuk ja jastal jel waxa toyo a b'ajexi.
4Yaj nix k'ot ja k'ak'u jawi,
jel oj stse'ukex ja kristyano jumasa
sok ti oj sts'eb'ojta a wi'ex ja ts'eb'oj iti:
—Kanyexta jipan
—Ja mas b'ajtani we'n yuntikilex ja Dyosi,
jaxa juts'in a tukb'es a wajwalex
—Ja jsoldadotik jumasa ch'ak yamjuke
sok ch'ak jpil jb'ajtik ja slu'ume'i.
5—Maklayik lek ja jas oj kal israelenio jumasa
We'n kuntikilex ajyi,
jaxa ya'n mixa ojto ka'wi'ex pilan majke ja lu'umi.
6-7—Ja we'nlex israelenio jumasa
mixa k'anawex ja aluman Dyos jumasa
oj yala wabyex lo'il b'a mi lekuk.
Ja we'nlexi mixa k'anawex ay
jas mi lekuk oj ek'uk a wujilex;
ja'yuj mi jas xa k'ana oj ja maklayex.
Wax alji a wabyex mi tajkelukon,
ja ke'n mi ja'uk ja modo jastal jawi.
Wax yalawe ja tola bida lek wax kila
spetsanil ja ma' lek was k'u'lani.
8—Ta yuj k'a we'n kuntikilex ajyi,
¿Jas yuj ja kontra waxa wilawonex ja ya'n b'a?
Ja ma'tik wax k'umxi b'a tiro'aneli
gusto wax wajye ja b'a b'eji,
wax elk'aji yi'e ja sk'u'e'i;
9ja ixuke jumasa b'a jlugartikoni
wax japji yi'e ja snaje jumasa,
ja b'a lek aye ajyi'i,
jach'ni ja yuntikile'i wax elk'aji yi'e
ja jastik ke'n ka'oj yi'e'i.
10—Ja ya'ni mas lek, ch'akan elanik ja ili.
—Ja we'nlexi, jach' a wilawex ja jnaj
jastal jun snajtsil tajnel.
—Ja'yuj oj ni jch'ay a na'jelexa.
11Ja we'nlexi jel gusto wala ajyiyex
sok ja ma' aluman Dyos le'uj ab'ali
kechan ja wane sta'jel ti' ya'lel ts'usub' sok pajal yalel ts'usub'i.
Ja Dyosi, wax ya'a sniwan sk'ujol ja schonab'ili
12—Jaxa yintil jumasa ja Jacob
kanyeto sak'ani,
jtsomowe' jastal jun nole chej.
B'ob'ta mi jel jitsanuke,
ojxta och wo'oljuke.
13Ke'n oj ajyukon b'a sti' sat ja ye'nle'i
b'a oj jam yi' ja sb'eje b'a libre oj ek'uke'i.
—Ke'n ja Dyos yujile'i,
sok ke'n ja smandaranumone'i.
Currently Selected:
Miqueas 2: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
