Oseas 7
7
Ja Dyosi was k'ana oj skoltaj ja schonab'ili
1Ja Dyosi ti cho yala'a:
Ja ke'ni wax k'ana oj koltaj ja jchonab'ili,
jayuj wax kila spetsanil ja ye'nle'i
sk'uluneje niwak mulal jumasa.
Spetsanile ja ye'nle'i jel sle'awe ab'al sok jex elk'aniye;
wax och elk'anuke ja b'a na'its jumasa
sok b'a mero kaye jumasa wa sjapaweyi jastik junuk jas smoje'i.
2Ja ke'n wax na'a lek sb'aje:
b'ut'ele sok ja skistalile'i,
jayuj ja ye'nle'i mis k'an oj sna'e.
3Sok ja smule sok ja le'uj ab'ali
wax ya'we tsamalb'uk ja sk'ujol ja smandaranume sok ja s'olomale jumasa.
4Mini ay june ja ye'nle
toj aye' sok jas nupanele'i;
lajane sok jun orno b'a jel k'ak',
b'a mixa sk'ana oj k'ixnaxuk smoj:
ja k'ulu pani kechan was majlan
b'a oj sits'uk ja arina.
5—Yaj ni was k'u'lan jun k'in ja mandaranumi,
ja olomal jumasa t'ilan oj yakb'uke lek;
—Ye'nle ja yakb'um jumasa jaw was tse'ine ja reyi,
6Ja'xa ja ye'nle'i wa smojowe ja mandaranumi
wa sna'awe b'a oj yi'e spatik.
Mix jijliye snajtil ja a'kwali,
wax ek' yujile schapjel
jastal oj yi'e spatik ja b'a pilan k'ak'u.
7Lajane sok jastal jun orno:
—b'a wan ajlel b'a oj tsik
jas mandaranum jumasa—
Wax ya'we elyi ja b'a was k'u'lan mandar jas mandaranume'i—
—jayuj mini june ja ye'nle'i wa sle'awe ja koltaneli—
Ja jchonab' jumasa wa sjipawe kan ja Dyosi
8—Jas swinkil ja Israeli was yajtan sb'aje
sok ja kristyano mis k'u'anoni.
Ja jchonab'ili jach' jastal ja pan it mi tak'anuk leki:
b'a jun sts'e'el tak'an lek
jaxa b'a pilan sts'e'eli mi tak'anuk.
9Ja egipsiano jumasa sok ja sirio jumasa
wane ch'akjel ja Israeli,
jayuj ja Israeli mini t'un wa sna'a'a.
—Ch'akjita ja yipe jumasa,
jayuj mini wax cho sna'a we'a—
10—Ja israelenio jumasa mis k'anawe oj sutxuk jas k'ujole'i
sok mi sle'awone ja ke'n,
ke'non ja Dyos yujile'i.
Yuj ja jel niwan wax ya'a sb'aje'i ja'yuj mis aji sk'u'luke.
11—Ja israelenio jumasa was k'ana oj koltajuk yuj
ja chonab' jumasa b'a Egipto sok b'a Asiria.
Jach' was k'u'lane jastal jun pumus
jomel olom ay sok mi na'a jas oj sk'u'luk;
12jayuj yaj ni oj wa sle' skoltajeli,
oj yam ja jastal ja yal chan jumasa
sok oj ka stupe yuj jas jel kistal was k'u'lani.
13—Jel wokol oj ek' yujile—
—Tsa'an oj sna'e jasyuj ja lom sjipawone kani—
—Jel tsats ja wokol jumasa oj jak sb'aje'i
yuj ja jel kistal sta'awone ti'i—
Ja ke'n chapan ayon b'a oj koltaye,
jaxa ye'nle'i kechan wa sle'awe ki ab'al.
14Ja b'a sch'ate'i wax ok'ye yuj jas yajal ja sb'ak'tele'i,
sok wa syajb'es sb'aje yujni jach' wa sk'anawe'a,
ja was k'umane ja dyos mi meranuk ja jas wax yalawe'i;
wa sk'anawe ki lek ja jas oj ya'we eluki,
jun xta ni ja jastale'a.
15—Ja ke'n je'ata yi'e,
ka'ata yi'e jitsan yipe,
jaxa ye'nle'i was chapawe b'a oj yil'one kontra.
16—Mix yi'ajone kwenta,
ja'yuj mix el lek spetsanil ja jas was k'u'lane'i.
Ja ma'tik jel niwak ja ya'tel yujile'i,
jel tsats wax ya'a sb'aje,
jayuj oj chamuke ja b'a job' wax ajyi ja tiro'aneli
jaxa egipsiano jumasa jel oj tse'ijuke yuj.
Currently Selected:
Oseas 7: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
