Oseas 6
6
Ja israelenio jumasa sutxi ja sk'ujole'i
1Ja'yuj ja israelenio jumasa ti yalawe'a:
—La kumxukotik sok ja Dyosi—
A'nima ja ye'n jel xa ya'ta ki'tik ja wokoli,
jayuj oj sch'ay ki'tik ja jmultiki.
2Chab' k'ak'u ma oxe malan sok
b'a oj jtojb'ukotik.
3—La kumxukotik sok ja Dyosi—
Ta wan k'ax k'u'lantik jachuk,
ja ye'n oj jak sle'otik;
oj jakuk ja jastal ja k'ak'u b'a jujune' sakb'eli,
—ja jastal ja sb'ajtanil awasero
wax ko ja b'a sk'ak'u'il ja'i—
Ja Dyosi sjak'ayi ja israelenio jumasa
4Jaxa Dyosi ti yala'a:
Swinkilex Israel sok Juda:
¿jasun oj k'uluk amokex ja we'nlexi?,
¿jastal oj kil'ex?
Ja we'nlexi waxa walawex waxa yajtayonex,
jayuj jas yajal ja wa k'ujolexi jachuk ja jastal ja asoni
sok ja jastal ja tsujulil ja sakb'eli:
—jel juts'in wax ch'ayi—
5—Ja'yujil ja jas kal awab' yex
ja ya ek'uka ja aluman Dyos jumasa,
waj jastal jun chawuk b'a wax ch'akwani
lajan sok smilawex.
6—Ja we'nlexi waxa wi'ajex jan ki jmajtan,
jayuj ja jawi mi ja'uk ja jas wax k'ana.
Ja wax k'ana ja oj ja yajtayonexi
sok oj ja na'ex ke'non ja wa Dyosonexi.
7Jayuj ja we'nlexi jach' a k'u'lanex jastal Adan:
wala lo'laniyex sok mi jas xa k'u'anex,
yuj ja me'xa k'u'lanex ja trato ka'a wi'ilexi.
8Ja b'a chonab' Galaadi
kechan ay kristyano b'a jel kistal sok wax milwani.
9Ja b'a b'ej wax ik'wani
b'a snajtsil tsomjel b'a Siquemi,
ja pagre jumasa lajane sok jastal elk'anum:
was nak'a sb'aje b'a oj sjap'e' jastik junuk sok b'a oj milwanuke
b'a spetsanil ja ma wax ek' ja tiwi.
10—Ja b'a kiluneji,
ja we'nlex swinkilex Israel cho jel tukex:
jun winik ixukex mi tojukex sok mi jas xa k'u'anex.
11—Ja we'nlex swinkilex Juda,
la kaltik mi jel lekukex,
ja'yuj oj ja wi'ex ja wa wokolexi—
tsa'an, oj ka' kumxuk ja jchonab'ili
oj kumxuke b'a slu'ume'i.—
Currently Selected:
Oseas 6: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
