Oseas 11
11
Jas yajal sk'ujol ja Dyos sok ja schonab'ili
1Ja Dyosi ti yala yab' ja yuntikil Israelenio,
ja yora jel toj untika.
Ke'n ka elan ja b'a Egipto
porke lajan sok jastal jun kunina.
2Ja'xa yajni jel xle'awa ja k'en,
mas wala el najat mok,
ja waxa wa'yi smajtan
ja wa k'u'lub'al dyos jumasa,
y mini dyosuke merana.
3-4Israelenio,
yuj ja jel jas yajal jk'ujol a mokexi
jchecha wi ja wa k'ab'ex jastal jun yal untik,
je'a awi jastal oj b'ejyanik,
ka wa'anik
sok koltayex ja b'a wa wokolex jumasa;
jayuj ja we'nlexi mini t'un jak a k'ujolex
b'a spetsanil ja jastal iti.
5—Mi a k'anawex oj kumxanik jmok;
mi ak'anawex oj ja wa'wex kan ja kistal jas waxa k'u'lanexi.
Ja'yuj oj ka'a tup'ex
sok oj cho wajanik b'a yib k'abal b'a Egipto;
ja'yuj ye'n ja Asiria oj sk'u'luka mandari.
6Oj ajyuk tiro'anel ja b'a wa chonab'ilexi,
ja wa kontra oj smil spetsanil ja kristyano jumasa,
sok oj sch'ay'e' sna'jel ja jas chapan awuji.
7—Jchonab'il jumasa, a neb'awex ta lek;
ja a jipawonex kan yuj ja pilan dyos jumasa.
Wanama xa walawex ta jel ja yipe ja ye'nle yuj ke'n,
jayuj mi oj b'ob' skoltayex.
8—Israelenio,
—Ja ke'n mix b'ob' jip'ex kani—
—Mix b'ob' kujil b'a oj kuluk
—Mix b'ob' jch'ay a na'jelex,
ja jastal jch'ayaj sna'jel ja kristyano jumasa jel malo
b'a Adma sok b'a Seboimi—
—Jas yajal jk'ujol a mokex sok ja we'nlexi
mix ya' el kon b'a yib k'abali—
9—Mixa oj tajkukon a mokex ja we'nlexi;
sok mixani oj cho ch'ay a na'jelex,
yuj ja mi tukuk winikukon;
—Dyosoni'a,
sok ti wala ajyiyon b'a snalan ja jchonab'il jumasa—
10-11—Ja ke'n oj awanukon jastal jun choj,
jaxa we'nlexi oj ja k'u'ukonex.
Man b'a Egipto sok man b'a Asiria,
ja wa wintilex jumasa oj kumxuke jmok;
wa'ne k'ik'unel oj kumxuke yuj ja xiweli,
jastal ja yal chan wax wajye b'a stojol wax mukxi ja k'ak'u,
ke'n oj ki'e b'a snaje
b'a oj cho b'ob' ayuke tiwi.
Ke'non ja Dyos yuj ja israelenio jumasa,
meran wax kala yujni jach' oj ek'uka.
Ja smul ja schonab'il ja Dyosi
12—Ja we'nlex israelenio
waxa le'awex ki ab'al spetsanil k'ak'u;
spetsanil k'ak'u waxa lo'layonex.
Jaxa we'nlex b'a Juda waxa wi'ajex jpatik,
yuj ja waxa toyowex k'u'lub'al dyos mi meranuk.
Currently Selected:
Oseas 11: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
