Oseas 10
10
1—Ja we'nlex israelenio jumasa,
jel niwan wajyex yuj ja jastik jel awi'ojexi;
—lajanex sok jastal jun ste'il ts'usub' b'a jel ja sati—
Jayuj ja jel ja jastik ab'ajexi, jel
waxa k'u'lanex ja snaj ja wa dyosex jumasa;
yuj ja wax ya'a ja sb'a'al ja wa lu'umexi, jel
tsamal waxa k'u'lanex ja wa ts'akab' tonexi
sb'aj ja wa k'u'lub'al dyosexi.
2—Ja'yujil ja Dyosi oj ya'a tup'ex;
oj ch'ak sjom ja snajtsil wa tsomjel sok ja wa ts'akab' tonexi,
oj ya'a tup'ex yuj ja wa mulexi,
yuj ja b'a jun xta k'ak'u waxa k'anawex
oj ja yajtayex ja Dyosi sok ja dyos jumasa it mi meranuki.
3—Jaxa yan ja we'nlexi oj ja wal'ex:
Yuj ja mix kisatik ja Dyosi,
mixa ay jmandaranumtik.
Jayuj a'nima cho ayuk,
mixa oj b'ob' skoltayotik.
4—Ja we'nlexi wala k'umaniyex kechan k'umal;
waxa k'u'lanex jun trato jayuj mixa k'ulayex meran.
—Ja we'nlexi a ts'unuwexta jun kistal
ja b'a sb'ej oj ts'unxuk ja smeranili—
5-6—Ja swinkil jumasa ja Samaria,
ja b'a snalan ja chonab' Israeli,
jel niwan wax ya'a sb'aje sok ja waw wakax
was toyowe b'a Bet-aveni.
Jayuj oj jakuk ja soldado jumasa b'a Asirio
sok oj yi'e ja k'u'lub'al dyos jaw b'a schonab'ile
ja jastal jun smajtan oj yi'e och yi jas mandaranume'i.
—Ja'yuj ja israelenio jumasa
oj ok'anik sok oj k'itk'unanik yuj ja wa xiwelexi,
lajan sok ja wa pagre'ex jumasa;
ja yan apetsanilex jel oj k'ixwanik
yuj ja a toyo wex ja k'u'lub'al dyos jumasa jawi.
7Ja wa rey ja tey b'a Samaria,
oj i'juk yuj ja yok ja'
ja jastal xe'n ak'inte'.
8—Ja snajtsil tsomjel jumasa tey b'a witsi
oj ch'ak jomxuk,
yuj ja ti wa sle'awe tiw ajyi ja smule'
b'a wa stoyowe ja dyos it mi meranuki.
Ja b'a smonton lu'ume'i oj k'i'uk
mal k'ul jumasa sok ja k'i'ix.
Ja' xa we'nlex israelenio jumasa
oj ja k'an'ex jun wits
a moka b'ajex b'a oj smil'ex—.
Ja Dyosi skomo ja israelenio
9Ja Dyosi ti yala yab' ja schonab'il jumasa:
Israelenio jumasa,
—ja we'nlexi jel kistalex—
Ti och a tul'ex sle'jel ja wa mulex b'a Guibea,
sok minixa wa'wex kan sk'ulajel man k'ak'u yan;
ja'yuj ja oj ch'ak a na'jelex
ja b'a jun xta chonab' a le'a ja wa mulexi.
10-11Oj ka' sta' sb'aje ja chonab' jumasa
b'a oj skontra ukex;
jach' oj ka tup'ex jastal jawi,
sok jach' oj kankon lek.
Ja we'nlexi jel tsamal oj ja k'u'ukonex,
jayuj jel xa a le'ata ja wa mulexi
ja'yuj ja ya'n oj ni ka'a tup'exa.
Mini june ja b'a Juda sok ja b'a Israeli
oj skoltan sb'aje ja b'a wokoli—.
K'umani ja aluman Dyosi
12Jaxa Oseasi ti yala yab' ja schonab'ili:
—Chapa ab'ajik b'a oj ja le'ex ja Dyosi—
Ja we'nlexi lajanex sok jastal jun yajk'achil alaj;
b'a wax ts'unxi jun inat b'a lek,
oj ja jach' ex spetsanil b'a lek.
Jaxa Dyosi oj jakuk b'a oj ya elanik b'a yib k'abali;
lajan sok jastal ja ja'
yajni wax ko ja b'a takin lu'umi.
13—Jayuj ja we'nlexi a ts'unuwex jastik b'a kistal;
ja'yuj ja ya'n oj ja wa'wex el toj jastik b'a kistal
sok ja oj ja wabyex ja sat ja wa le'uj ab'alexi.
Ja'a niwan k'ujolanex
ja yip ja wa soldado'exi.
14Jaxa ya'n oj k'e'uk ja tiro'aneli,
ja chanil ts'akab' ton jumasa oj ch'ak jemuk,
sok oj chamuk ja nanal jumasa sok ja yuntikile'i,
ja jastal ja mandaranum Salman
sch'aka sna'jel ja chonab' Bet-arbeli.
15Jach' jun xta ek' yujile jastal jaw
ja swinkil jumasa ja Beteli,
yuj ja jel niwan jas smule'i.
—Kechani ja sakb'i altiro,
ja mandaranum b'a Israeli ch'ay ja sak'anili—
Currently Selected:
Oseas 10: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
