Hageo 1
1
K'e tojb'uk pilan majke ja snajtsil tsomjeli
1-3Ja Dyosi, yala yab' ja aluman Dyos Hageo jun lo'il sb'aj ja Zorobabel yunin ja Salatieli, sok sb'a Josue yunin ja Josadaki. Ja iti, ja ek' ja sb'ajtanil k'ak'u b'a yixawil Eluli,#1:1-3 yixawil Eluli: Ja swakil ixaw b'a jab'il yuj ja judio jumasa, ja'xa b'a jtiempo ke'ntiki, snalan ja ixaw b'a agosto sok snalan ja yixawil septiembre. ja b'a schab'il, jab'il wan sk'u'lajel mandar ja Dario, mandaranum b'a Persia. Ja mandaranum b'a Juda ja tiempo jawi, ja Zorobabeli, jaxa ma' mas niwan ja ya'tel yuj ja pagre jumasa ja Josueji.
Ja Dyosi, ti yal yab' ja Hageo:
—Ke'n Dyos yuj ja israelenio.
Ja we'nlexi, waxa walawex mito stiempo'uk
oj k'e tojb'esxuk ja b'a jel xa jomel ja snajtsil tsomjeli,
4—ti ayex b'a tsamal na'its jumasa
jaxa snajtsil ja jtsomjeli lajan sok jastal jun jipub'al na'its—
5—Ke'n Dyos yuj ja israelenio,
sok wax k'ana oj ja na'ex lek smeranil
ja jas wa'nex sk'u'lajeli.
6Ja we'nlexi, jel jitsan waxa ts'unuwex,
waxa jach'awex t'usan,
wala wa'yex pero mix ek' ja wa wa'inexi,
waxa wu'ajex ja' pero mix ek' ja takin ti'i,
waxa potso lek ab'ajex pero mi smaka ja che'eji,
ja wa ts'akolex janek' wala tupjiyex soki
minix ya'a a wujilexa.
7—Ke'n Dyos ja israelenio,
sok wax k'ana oj ja pensara'ukex lek smeranil
ja jas wa'nex sk'u'lajeli.
8-11Ja we'nlexi, waxa k'anawex jitsan ja jas oj ja ta'exi,
sok jel T'usan ja janek' waxa ta'awexi;
ja janek' waxa nolowex b'a wa najexi,
juts'in altiro wax ch'aka el sna'jel.
¿Wa'n a maxa na'awex jas yuj ja lom jach' jk'u'lani?
—ja'yuj ja lom jipan ay ja snajtsil jtsomjeli
jaxa we'nlexi, kechan ja wa'nex pensar
b'a oj ja tojb'esex lek ja wa najex we'nlexi—
Ja'yuj mix ka jakuk ja ja'i
b'a oj ya' po'xuk ja wa walajexi sok ja b'a wits jumasa;
ja'yuj naka wa'n ch'ayel ja sat wa
trigo'exi, ja sat wa ts'usub'ex sok ja ya'lel ja aceite olivo;
—ja'yuj wax yi'aj wokol ja kristyano sok ja chante jumasa—
—ke'n Dyos yuj ja israelenio.
Ta yuj k'a waxa k'ana oj ja wil'ex gusto oj ajyukon,
sok wan k'axa k'ana oj ja wil'ex ja jniwanili,
ka'axik b'a yax k'ul jumasa
kax i'ajik jan te';
—k'e'an tojb'estik ja snajtsil jtsomjel b'a jelxa yi'oji—
Ja jas yala ja aluman Dyosi
12Yaj ni yabye ja Zorobabel sok ja Josue ja lo'il sjeka yi ja Dyos ja Hageo, ja ye'nle sok ja T'usan janek' kanele ja schonab'ili, jel xiwye. 13Jaxa aluman Dyos Hageo ya' kulan sk'ujole. Yal yabye oj ni koltajuke meran yuj ja Dyosa. 14-15Jach' sk'u'lan jastal jaw ja Dyos it jel ja yipi, ya k'ot sk'ujole' a stojb'ese gusto ja snajtsil tsomjeli. Kechanxta ek' jun tajb'e chane k'ak'u, ja Zorobabeli, ja Josue sok ja T'usan ja schonab'il kani, k'e stul'e ya'teltajel ja snajtsil tsomjeli.
Currently Selected:
Hageo 1: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
