Exodo 17
17
Ja Dyosi, ya el ja' b'a jun patak'
1Ja israelenio jumasa ti ch'ak wajuke b'a takin satk'inal b'a Sin, sok ti wax jijliye ja b'a wax alji yabye yuj ja Dyosi. Yajni k'otye b'a sb'i'il Refidim ti sk'u'lan tiw ja snaje' k'u'lub'al sok k'u'uts, yuxta mey ja', 2ja'yuj ti ochye k'umal sok ja Moisesi:
—Jel xa takin ja jti'tikoni—. —A'ki'tikon ja' b'a oj ku'tikon—
Ti yala ja Moisesi:
—¿Jasyuj ja ke'n wala ochyex k'umal mok b'a? ¿Jasyuj ja mixa k'u'anex ja yip ja Dyos b'a?
3Jaxa ye'nle'i, jel xa takin ja sti'e'i, ja'yuj ti och stujmaye ja Moisesi. Ti wax yalawe yab'a:
—¿Jach' sb'ej jastal it ja t'ilan wa' elkotikon b'a Egipto? ¿Yuj sb'a kechan oj jak a mil'otikon takin ti' sok ja kuntikiltikon sok ja jchante'tikoni?
4Ja'yuj ja Moisesi, ti sk'ana yi ja Dyos a koltajuk yuj, ti yala yab'a:
—¿Jasun oj k'u'lyi ja kristyano jumasa iti? —T'usan me' sch'oj jowone ton.
5-6Ti alji yab' yuj ja Dyosi:
—Wax k'ana oj ja wi' och ki ja israelenio jumasa man b'a wits Horeb. Ti oj majluka tiw b'a sat patak', we'n oj ek'an b'ajtan sok chab' oxuk ja ma'tik ma' niwak ja ya'tel yuj ja kristyano'i. Cho i'aj ja wa najb'ate it wa pax chik'il sok ja niwan ja' b'a Nilo. Yajni la k'ot ja tiwi, k'ojtsin yi ja patak' ja wa najb'ate'i. Ja b'a patak' jawi, b'a jach' oj el ja' ja b'a patak' jawi, sok oj b'ob' yu' ja' b'a spetsanil ja kristyano'i.
Ja Moisesi, ti sk'u'lan b'a sti' sat spetsanil ja ma'tik ay ya'tel yuj ja israelenio jumasa. 7Jaxa lu'um k'inal jawi, ya sb'i'iluk Meriba, wa sk'ana yale, —Tajb'anel—, yujni stajb'ane ja Dyos ja kristyano'a. Cho ya sb'i'iluk Masa, wa sk'ana yale, —Me'y lek sk'u'ajel—, yuj ja mini wa sk'u'ane ta meran ojni koltajuke yuj ja Dyosi.
Ja israelenio jumasa tiro'aniye sok ja swinik ja Amaleki
8Ja kristyano jumasa sb'a Amaleki, wajye tiro'anel sok ja israelenio, ja tiro'anel jawi, ti ajyi b'a Refidim. 9Ja Moisesi, ti yala yab' tiw ja Josueji: —Tsa'a chab' oxuk winike, b'a oj wajanik tiro'anel sok ja swinik jumasa ja Amaleki. Jechel ti oj ajyukon b'a cha'anil wits ja ke'n, oj lik ja najb'ante' it makuni kuj b'a ka yi'e wokol ja egipsiano jumasa.
10Ja Josueji, jach'ni sk'u'lan ja jastal alji yab' yuj ja Moisesi, ti waja waj tiro'anuk sok ja swinik jumasa ja Amaleki. Jaxa Moisesi, ja Aaron sok ja Uri, ti k'e'ye b'a sni' ja witsi. 11Yajni slika ja sk'ab' ja Moisesi, ja israelenio wa'n b'ob'el yujile' ja tiro'aneli, jaxa yajni och ya ko'uk ja sk'ab' ja Moisesi, och b'ob' yujile' ja swinik ja Amaleki. 12Takal takal k'umb'i ja sk'ab' ja Moises yuj ja likan yuji, ja'yuj sle'awe jun ton ja Aaron sok ja Ur b'a ya'we kulanuk, ti yi'aje yi jujune ja sk'ab'i slikaweyi, jach' sk'u'lane man och ja k'ak'u. 13Jachuk b'ob' yujile ja israelenio jumasa.
14Ti cho alji yab' ja Moises yuj ja Dyosi: —Spetsanil ja jas ek' ja b'a tiro'aneli ts'ijb'an kani, jachuk ojto na'xuk ja tsa'ani. Ala yab' ja Josueji, ke'n mixa ma oj ka na'juke yuj ja Amaleki—.
15Ti sk'u'lan jun altar tiw ja Moisesi, ya sb'i'iluk —Ja Dyosi, ye'n ja jbandera—, 16ti yala'a:
—Tey b'a jk'ab'
ja sbandera ja Dyos kujtiki—
—Ja Dyosi, yalata ojxa ajyuk ja tiro'anel
sok ja swinik ja Amaleki
sok spetsanil ja yintile jumasa.
Currently Selected:
Exodo 17: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
