Exodo 13
13
B'ejyel b'a takin lu'um k'inal
(13:1—18:27)
Ja sk'inil ja waj mey slevadura'ili
1Ja Dyosi, ti yala yab' ja Moisesi: 2—Ja sb'ajtanil alats oj yil sat ja israelenio jb'ajni ke'na'a. Cho jach'ni ja sb'ajtanil yal chante jumasa, jb'ajni ke'na'a —xchi ja Dyosi.
3Jaxa Moisesi, ti yala yab' ja israelenio jumasa:
—Mok ch'ayuk a k'ujolex ja k'ak'u iti. Ja Dyos kujtiki, sok spetsanil yip ya elkotik k'ab'al b'a mochanotik te' ajyi b'a Egipto. Ja'yuj ja we'nlexi, man ya'n mini jun ma' oj b'ob' swe' waj b'a ay slevadura'il. 4-5Ja Dyosi, sk'apayi ja ma ek' paxta a wujilexi, oj ya'yi ja niwan chonab' b'a Canaani, ja juts'in pilan ma' ti' aye'a. —Ja chonab'i, jel lek jel ja jastik junuk.
—Ja iti, ja sb'ajtanil ixaw b'a jab'ili. Ja yajni xya b'a a k'ab'ex ja Dyos ja lu'um it sk'apunej a wi'exi, b'a spetsanil ja jab'il jumasa, ja junxta ixaw iti mok ch'ayuka k'ujolex oj ja k'ulukex ja sk'inil ja pan it mey slevadura'ili. 6-7B'a yojol juke k'ak'u oj ja we'ex waj b'a mey yi'oj levadura, b'a sjukil k'ak'u oj ja k'u'lukex jun k'in b'a oj ja toy'ex ja Dyos kujtiki. Ja k'ak'u jumasa jawi, mi ma oj b'ob' snol waj b'a ay yi'oj levadura ja b'a snaji.
8—B'a sjukil k'ak'u, ti oj ja wal'ex yab' ja wa wuntikilexi: —Wax k'u'lantikon ja k'in iti, ja sna'ulab'il wax ka'tikon yi ja Dyos yuj ja jastal ya elkotikon b'a Egipto. 9Ja k'in iti, lajan sok jastal jun senya yi'oj ja b'a wa k'ab'ex ma b'a wa patanexi. Ja Dyosi, oj ya jul a k'ujolex jastal sok spetsanil yip ya elanik k'ab'al b'a Egipto. Ja'yuj sb'ej mini oj ch'ayuk a k'ujolex ja mandar jumasa. 10Na'awik lek, spetsanil ja jab'il jumasa, oj ja k'u'lukex ja k'in iti, jach' oj ja wawex yi'.
11Yajnix ya' b'a a k'ab'ex ja Dyos ja lu'um k'inal b'a Canaan it k'apji yi'e ja ma ek' paxta a wujilexi, 12jachuk ja we'nlexi, t'ilan oj ja wa'wex yi ja sb'ajtanil wa wuntikilex keremi, cho jach'ni ja sb'ajtanil yal chante jumasa, sb'aj ye'n ja Dyosi. 13Ja sb'ajtanil yal burro mi oj b'ob' a tsik ex yi b'a smajtan ja Dyosi, ja b'a ja yal burro jawi, jun yal chej oj b'ob' a wa'wex yi b'a smajtani, jach'ni oj ja k'u'lukex sok ja sb'ajtanil a wuntikilex keremi, yajni oj ja wi'ex och b'a sti sat ja Dyosi, i'ajik och sok jun limosna.
14Jaxa yajni oj sjob' wa wuntikilex jas lom waxa tsikawex ja chante jumasa, ti oj ja wal'ex ja we'nlexi: Ja'yuj ja sok spetsanil yip ya elkotikon ja Dyos ja yora moso ajyitikon b'a Egipto. 15Ja mandaranum b'a chonab' jawi, jel ch'u'uy b'i ja sk'ujoli, mix ya elkotikon k'ab'al ajyi. Ja'yuj ja Dyosi, ya stupe ch'ak smil spetsanil ja sb'ajtanil yuntikile ja egipsiano jumasa, cho jach'ni ja sb'ajtanil yal chante jumasa. Ja'yuj ja ke'ntikoni, ja wax milatikon b'a sti sat ja Dyos ja sb'ajtanil yal jchante'tikoni, jaxa b'a ja b'ajtan yal alats kujtikoni, wax ka'tikon yi jun limosna. 16Ja jastal waxa milawex yi ja chante jumasa ja Dyosi, lajan sok jastal jun senya b'a wa k'ab'ex ma b'a wa patanex b'a ti oj ja na'ex sok spetsanil yip ja Dyos ya' elanik ja b'a Egipto.
Ja Dyosi, sje'a yi b'a oj wajuke ja israelenio jumasa
17Yajni a'ji eluke k'ab'al yuj ja mandaranum b'a Egipto ja israelenio jumasa, ye'n ja Dyos oj sje'a ja b'ej b'a oj wajuke'i, mi ya ek'uk ja b'a kulane ja filisteo jumasa, a'nima ja'uk ja b'ej b'a jel toji. Yuj ja Dyosi, sneb'a lek xwaj timjuke b'ej yuj ja filisteo jumasa, oj xiwuke oj b'ob' yal oj kumxuke pilan mak'e b'a Egipto, ja'yuj ti i'jiye b'a pilan b'ej. 18Ja'yuj ja Dyosi, ya ya'yi jun ek'ele' ja b'a b'ej b'a takin lu'um k'inal it ti wax el k'ot b'a niwan paman ja' it jel ja yakili.#13:18 niwan paman ja' it jel ja yakili: Ja iti wax cho alxi, Mar Rojo. Jach' b'ob' eluke k'ab'al b'a Egipto, 19jaxa Moisesi, yala ke'a yi'e ja sb'akel ja Jose, yuj ja yora me' xchami, yala yab' ja smoj alijel jumasa: —Wax na'a lek Dyos oj jak skoltayex; yajni jach' wa'n sk'u'ljel ja Dyosi, jaxa we'nlexi tsomowik ja jb'akeli, i'ajik.
20Elye ja israelenio jumasa b'a chonab' Sucoti, ti k'otye b'a Etam, ti wa stuluyi tiw ja takin lu'um k'inali. Ti' sk'u'lan tiw jas karpa'e'i. 21-22Mini t'un a'ji ye kan stuch'ile yuj ja Dyosi. B'a k'ak'u jun nole ason wax je' jiyi'e b'a oj wajuke'i, jaxa b'a a'kwali, jun tsome k'ak' wax ajli b'a sb'eje'i.
Currently Selected:
Exodo 13: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Exodo 13
13
B'ejyel b'a takin lu'um k'inal
(13:1—18:27)
Ja sk'inil ja waj mey slevadura'ili
1Ja Dyosi, ti yala yab' ja Moisesi: 2—Ja sb'ajtanil alats oj yil sat ja israelenio jb'ajni ke'na'a. Cho jach'ni ja sb'ajtanil yal chante jumasa, jb'ajni ke'na'a —xchi ja Dyosi.
3Jaxa Moisesi, ti yala yab' ja israelenio jumasa:
—Mok ch'ayuk a k'ujolex ja k'ak'u iti. Ja Dyos kujtiki, sok spetsanil yip ya elkotik k'ab'al b'a mochanotik te' ajyi b'a Egipto. Ja'yuj ja we'nlexi, man ya'n mini jun ma' oj b'ob' swe' waj b'a ay slevadura'il. 4-5Ja Dyosi, sk'apayi ja ma ek' paxta a wujilexi, oj ya'yi ja niwan chonab' b'a Canaani, ja juts'in pilan ma' ti' aye'a. —Ja chonab'i, jel lek jel ja jastik junuk.
—Ja iti, ja sb'ajtanil ixaw b'a jab'ili. Ja yajni xya b'a a k'ab'ex ja Dyos ja lu'um it sk'apunej a wi'exi, b'a spetsanil ja jab'il jumasa, ja junxta ixaw iti mok ch'ayuka k'ujolex oj ja k'ulukex ja sk'inil ja pan it mey slevadura'ili. 6-7B'a yojol juke k'ak'u oj ja we'ex waj b'a mey yi'oj levadura, b'a sjukil k'ak'u oj ja k'u'lukex jun k'in b'a oj ja toy'ex ja Dyos kujtiki. Ja k'ak'u jumasa jawi, mi ma oj b'ob' snol waj b'a ay yi'oj levadura ja b'a snaji.
8—B'a sjukil k'ak'u, ti oj ja wal'ex yab' ja wa wuntikilexi: —Wax k'u'lantikon ja k'in iti, ja sna'ulab'il wax ka'tikon yi ja Dyos yuj ja jastal ya elkotikon b'a Egipto. 9Ja k'in iti, lajan sok jastal jun senya yi'oj ja b'a wa k'ab'ex ma b'a wa patanexi. Ja Dyosi, oj ya jul a k'ujolex jastal sok spetsanil yip ya elanik k'ab'al b'a Egipto. Ja'yuj sb'ej mini oj ch'ayuk a k'ujolex ja mandar jumasa. 10Na'awik lek, spetsanil ja jab'il jumasa, oj ja k'u'lukex ja k'in iti, jach' oj ja wawex yi'.
11Yajnix ya' b'a a k'ab'ex ja Dyos ja lu'um k'inal b'a Canaan it k'apji yi'e ja ma ek' paxta a wujilexi, 12jachuk ja we'nlexi, t'ilan oj ja wa'wex yi ja sb'ajtanil wa wuntikilex keremi, cho jach'ni ja sb'ajtanil yal chante jumasa, sb'aj ye'n ja Dyosi. 13Ja sb'ajtanil yal burro mi oj b'ob' a tsik ex yi b'a smajtan ja Dyosi, ja b'a ja yal burro jawi, jun yal chej oj b'ob' a wa'wex yi b'a smajtani, jach'ni oj ja k'u'lukex sok ja sb'ajtanil a wuntikilex keremi, yajni oj ja wi'ex och b'a sti sat ja Dyosi, i'ajik och sok jun limosna.
14Jaxa yajni oj sjob' wa wuntikilex jas lom waxa tsikawex ja chante jumasa, ti oj ja wal'ex ja we'nlexi: Ja'yuj ja sok spetsanil yip ya elkotikon ja Dyos ja yora moso ajyitikon b'a Egipto. 15Ja mandaranum b'a chonab' jawi, jel ch'u'uy b'i ja sk'ujoli, mix ya elkotikon k'ab'al ajyi. Ja'yuj ja Dyosi, ya stupe ch'ak smil spetsanil ja sb'ajtanil yuntikile ja egipsiano jumasa, cho jach'ni ja sb'ajtanil yal chante jumasa. Ja'yuj ja ke'ntikoni, ja wax milatikon b'a sti sat ja Dyos ja sb'ajtanil yal jchante'tikoni, jaxa b'a ja b'ajtan yal alats kujtikoni, wax ka'tikon yi jun limosna. 16Ja jastal waxa milawex yi ja chante jumasa ja Dyosi, lajan sok jastal jun senya b'a wa k'ab'ex ma b'a wa patanex b'a ti oj ja na'ex sok spetsanil yip ja Dyos ya' elanik ja b'a Egipto.
Ja Dyosi, sje'a yi b'a oj wajuke ja israelenio jumasa
17Yajni a'ji eluke k'ab'al yuj ja mandaranum b'a Egipto ja israelenio jumasa, ye'n ja Dyos oj sje'a ja b'ej b'a oj wajuke'i, mi ya ek'uk ja b'a kulane ja filisteo jumasa, a'nima ja'uk ja b'ej b'a jel toji. Yuj ja Dyosi, sneb'a lek xwaj timjuke b'ej yuj ja filisteo jumasa, oj xiwuke oj b'ob' yal oj kumxuke pilan mak'e b'a Egipto, ja'yuj ti i'jiye b'a pilan b'ej. 18Ja'yuj ja Dyosi, ya ya'yi jun ek'ele' ja b'a b'ej b'a takin lu'um k'inal it ti wax el k'ot b'a niwan paman ja' it jel ja yakili.#13:18 niwan paman ja' it jel ja yakili: Ja iti wax cho alxi, Mar Rojo. Jach' b'ob' eluke k'ab'al b'a Egipto, 19jaxa Moisesi, yala ke'a yi'e ja sb'akel ja Jose, yuj ja yora me' xchami, yala yab' ja smoj alijel jumasa: —Wax na'a lek Dyos oj jak skoltayex; yajni jach' wa'n sk'u'ljel ja Dyosi, jaxa we'nlexi tsomowik ja jb'akeli, i'ajik.
20Elye ja israelenio jumasa b'a chonab' Sucoti, ti k'otye b'a Etam, ti wa stuluyi tiw ja takin lu'um k'inali. Ti' sk'u'lan tiw jas karpa'e'i. 21-22Mini t'un a'ji ye kan stuch'ile yuj ja Dyosi. B'a k'ak'u jun nole ason wax je' jiyi'e b'a oj wajuke'i, jaxa b'a a'kwali, jun tsome k'ak' wax ajli b'a sb'eje'i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021