Rasulan De AʼAmal 24

1Te panj dináṉ pichchhon sardár káhin Hanániáh baʼze buzurgáṉ te ikk wakíl Tartullus núṉ nál laike áyá. 2Uhnán Paulus de khiláf hákim núṉ samjháyá, te jad uh saddiá gaya. Tartullus ilzám láke ih ákhan laggá, paí Ai Feliks bahádur, is waste paí asíṉ lok terí ráhíṉ baṛá sukh pane háṉ, te is qaum laí terí dúr andeshí thoṉ change change intizám kite jánde ne. 3Asín har gall te har tháṉ vichch ihnáṉ galláṉ núṉ baṛí shukrguzárí nál tera ihsán manne hán. 4Par is wáste paí maiṉ tainúṉ bahuti taklíf na deáṉ, terí mínnat karná háṉ, paí mihrbání karke sáḍíáṉ thoṛíáṉ jihíán galláṉ sun. 5Kyúṉ jo asáṉ is jane núṉ ikk balá, te dunyá de sáre Yahúdiáṉ vichch fasádí, te Násariáṉ de bidʼatí firqe dá muhrlá ḍiṭṭhá hai. 6Us koshish bhí kítí, paí haikal núṉ palít kare, te uh núṉ asáṉ qábú kítá. 7Ihnáṉ sáriáṉ galláṉ dí bábat jíhnáṉ dá ilzám asíṉ uh de utte láne háṉ, túṉ áp jáchke uh de thoṉ maʼlúm kar sakengá. 8Te Yahúdíáṉ bhí rallke daʼwá kítá, paí Ih galláṉ ise tarah ne. 9Te jad hákim uh núṉ bolan dí sainat kiti, táṉ Paulus jawab dittá, Is karke paí maiṉ jánná háṉ, paí túṉ bahut warheáṉ thoṉ is qaum dá munsif hain, maiṉ ḳhushí nál apṉí bábat ʼuzr karná háṉ. 10Kyúṉ jo túṉ maʼlúm kar sakná hain, paí ih bárah dinoṉ thoṉ waddh nahíṉ hoe, jadoṉ maiṉ ʼibádat karan laí Yarúshalím núṉ gaya. 11Te uhnáṉ mainúṉ na haikal vichch kise de nál jhagaṛdiáṉ te na lokáṉ vichch fasád kardián vekhia, na ʼibádat kháneáṉ vichch te na shahr vichch. 12Te na ihnáṉ galláṉ núṉ, jihnáṉ dí bábat hun mere utte ilzám lánde ne, tere sámne uh sabút kar sakde ne. 13Par ih maiṉ tere agge man laina háṉ, paí jís ráh núṉ uh bidʼat ákhde ne, maiṉ use tarah apne piudádeáṉ de Ḳhudá dí sewá karná háṉ; te jo kujh Tauret te nabiáṉ díáṉ kitábáṉ vichch likhiá hoiá hai, sáre te merá ímán haí. 14Te maiṉ Ḳhudá koloṉ ummed rakkhná háṉ, paí nekáṉ te badáṉ dí qiámat howegí, jih núṉ ih áp bhí pae uḍikde ne. 15Maiṉ bhí ih de vichch koshish karná háṉ, paí Ḳhudá te ádmiáṉ de agge merá dil kade mainúṉ malámat na kare. 16Te bahut warheáṉ pichchhoṉ maiṉ apní qaum núṉ ḳhairát pahunchán, te chaṛháwe chaṛháṉ áyá. 17Uhnáṉ mainún pák hoiáṉ bhíṛ te shor sharábe bináṉ ih kamm kardián kardián haikal vichch ḍitṭhá, (háṉ Ásia de kujh Yahúdí hai sán). 18Te uhnáṉ núṉ cháhidá sí, paí tere agge házir hunde, te je mere utte uhnáṉ koí gall lání hundí, táṉ nálish karde. 19Yá ih ápí dassan, paí jad maiṉ sadr majlis de agge khalotá sáṉ, uhnáṉ mere vichch kí buriáí ḍiṭṭhí, 20Siwá ikk gall de, jihṛí uhnáṉ de vichkár khalotíáṉ hoiáṉ maiṉ uchchí áwáz nál akhi, paí Murdeán de jí uṭṭhan dí bábat ajj tuháḍe sámne mere utte muqaddama piá hundá hai. 21Par Feliks, jihṛá is ráh de hal thoṉ ziyáda wáqif sí, uhnáṉ dí táríḳh pá dittí, te ih akhiá, paí Jadoṉ paltan dá sardár Lusiás áwegá, tad maiṉ tuhádíáṉ g̣alláṉ núṉ daryáft karángá. 22Te us subedár núṉ hukm dittá, paí Paulus dí rákkhí kar, te uh núṉ sukh nál rakkh; te uh de dostaṉ vichchoṉ kise núṉ uh dí ṭahl karan thoṉ na rok. 23Pas kujh dináṉ pichchhoṉ Feliks apní wahuṭí Drusillá de nál, (jihṛí Yahúdan sí,) á gaya, te Paulus núṉ sadd ghalliá, te uh de koloṉ Masíh Yisúʼ de dín dí bábat sunia. 24Te jad uh nekí te parhezgárí te áunwálí ʼadálat dí bábat bayán piá kardá sí, tad Feliks ne ḳhauf kháke jáwáb dittá, Is vele túṉ ja. Mauqʼa vekhke maiṉ tainúṉ saddángá. 25Nále uh núṉ ummed sí, paí Paulus koloṉ mainúṉ kujh rupae milange. Ise galle uh uhnúṉ ghaṛi muṛí saddke uh díáṉ gálláṉ kardá rahṉda sí. 26Par jad do waṛhe púre hoe, Feliks de tháṉ Parkius Festus muqarrar hoiá, tad Feliks is niyat utte, paí Yahúdíáṉ núṉ ihsánmand rakkhe. Paulus núṉ qaid vichch hí chhaḍḍ gayá.

Currently Selected:

Rasulan De AʼAmal 24: PNT1927R

Highlight

Copy