Rasulan De AʼAmal 15

1Te kaí Yahúdía thoṉ áke bháíán núṉ sikhalan lagge, paí Je Músá dí rít mújib tusíṉ suntí na baho, tán tuháḍí naját nahíṉ ho sakdí. 2Jad Paulus te Barnabá dá uhnáṉ lokán nál bahut jhagṛá te bahs hoí, tad ih gall ṭhahráí, paí Paulus, Barnabá, te kaí hor bande uhnáṉ vichchon is masle de puchchhan laí rasúláṉ te buzurgáṉ de kol Yarúshalím núṉ ján. 3So kalísiá walloṉ uh ṭore gaye, te gair qaumáṉ de ímán liáúṉ dá bayán karde hoe Finíke te Samaria thoṉ laṉgh gaye, te sabhnáṉ bháíáṉ núṉ bahut khush kítá. 4Te jad Yarúshalím appaṛe, tad kalísiá te rasúláṉ te buzurgáṉ ne uhnáṉ dí ḳhátir kítí; te jo kujh Ḳhudá uhnáṉ de nál kítá sí, so uhnáṉ ákh sunáyá. 5Par Farísíán de firqe vichchoṉ baʼze, jehṛe ímán liáe san, uṭṭhke ákhan lagge, pai zarúr uhnáṉ núṉ suntí bahan dá te Músá dí sharíʼat núṉ mannan dá hukm deṉ. 6Te rasúl to buzurg ikaṭṭhe hoe, paí is gall núṉ sochan. 7Te jad bahut bahs boi. Patras uṭṭhke uhnáṉ nuṉ akhan lagga, Ai bháío, tusíṉ jánde ho, paí bahut chir hoíá hai, Ḳhudá tuháḍe vichchoṉ mainúṉ chun liya, paí merí zabání gairqaum ḳhushḳhabarí dá kalam sunan, te ímán liáún. 8Te Ḳhudá (jihṛá diláṉ dá jáṉchanwálá hai) uhnáṉ utte gawáhí dittí, paí jis tarah sánúṉ, tihá uhnáṉ núṉ bhí us Pák Rúh dittá. 9Te uhnáṉ de dil ímán nál pák sáf karke sáḍe te uhnáṉ de vichch kujh farq na rakkhiá. 10So hun tusíṉ kyúṉ Ḳhudá núṉ ázmánde ho, paí shágirdáṉ dí dhaun utte ajihí panjálí rakho, jih núṉ na sáḍe piudáde, te na asíṉ chuk sakde sán? 11Sagoṉ sánúṉ yaqín hai, paí jis tarah uhnáṉ núṉ, use tarah sánúṉ bhí Ḳhudáwand Yisúʼ de fazl nál naját milegí. 12Tad sárí jamáʼat chup kar gayi, te Barnabá te Paulus thoṉ sunan lagge, paí Ḳhudá ne kiho jiháṉ nishániáṉ te karámátáṉ uhnáṉ dí hatthíṉ gairqaumáṉ vichch vikhálíáṉ sán. 13Te ján uh chup hoe, táṉ Yaʼqúb ákhan laggá, paí Ai bháio, merí suno. 14Shamaʼún bayán kítá hai, paí kikar Ḳhudá pahloṉ gairqaumáṉ utte nigáh kítí, paí uhnáṉ vichchoṉ ikk ummat núṉ apne náṉ de laí chun lawe. 15Te is gall nál nabíáṉ de kalam rallde ne, jis tarah likhiá hai, paí 16Ih de thoṉ pichchhe maiṉ pher áwángá, te Dáúd de digge hoe ḍere núṉ muṛ khalá karángá, te uh de kholo pher khalo karángá, te jih núṉ murke usárángá. 17Táṉ jo báqí de ádmí Ḳhudáwand núṉ labbhan: nále sáre gairqaumwále bhí, jihṛe mere náṉ de akhwánde ne. 18Ḳhudáwand hí ih galláṉ ákhdá hai, jis dunyá de muḍḍhoṉ ihnáṉ galláṉ dí ḳhabar dittí hai. 19Is karke merí saláh hai, paí uhnáṉ lokáṉ núṉ, jihṛe gairqaumáṉ vichchoṉ Ḳhudá wall phire ne, asíṉ aukhiáṉ na karie. 20Par uhnáṉ núṉ likhie, paí butáṉ díáṉ palítíáṉ thoṉ te harámkárí thoṉ, te gal ghuṭṭiáṉ hoíáṉ chízáṉ thoṉ, te lahú thoṉ bache rahan. 21Kyúṉ jo puráne zamáne thoṉ shahr shahr Músá dí Tauret dí manádí karanwále hunde áe ne, te uh har Sabt núṉ ʼibádatḳháneáṉ vichch paṛhí jándí hai. 22Tad rasúláṉ te buzurgáṉ ne sárí kalísiá sane achchá jániá, paí apne vichchoṉ kaí bande chunan, te Paulus te Barnabá de nál Antákía núṉ ghallan, yaʼne Yahúdá núṉ, jihṛá Barsabá akhwándá hai, te Sílás núṉ, jihṛe bháíáṉ vichch bare ádmí sán, 23Te uhnáṉ de hatth ih likh ghalliá, paí uhnáṉ bháíáṉ nuṉ, jihṛe Antákía te Súría te Qiliqía vichch rahnde ne, te gairqaumáṉ vichchoṉ ne, rasúláṉ te buzurg bháíáṉ dá salám. 24Asán suniá, pai sáḍe vichchoṉ kaíáṉ jáke galláṉ nál tuhánún ghabrá dittá, te tuháḍe diláṉ núṉ vigáṛiá, (par asán uhnáṉ núṉ hukm nahíṉ sí dittá). 25Is waste asán ikk dil hoke achchhá jániá, paí kaí ádmiáṉ núṉ chunke apne piyáre Barnabá te Paulus de nál 26Jihṛe is qísm de bande ne, jihnáṉ apniáṉ jánáṉ núṉ sáḍe Ḳhudáwand Yisúʼ Masíh de náṉ utte ḳhatre vichch pá dittá) tuháḍe kol ghallie. 27So asáṉ Yahúdá te Sílás núṉ ghalliá hai. Uh áp ih gallán muṉh zabání dassange. 28Kyúṉ jo Pák Rúh núṉ te sánúṉ changá laggá, paí uhnáṉ zarúrí galláṉ de bináṉ tuháḍe utte hor kujh bhár na páie, paí 29Tusíṉ butáṉ dé chaṛháweán thoṉ, te lahú thoṉ, te gal ghuṭiáṉ hoíáṉ chizáṉ thoṉ, te harámkárí thoṉ bache raho. Je tusíṉ ihnáṉ chízáṉ thoṉ apne áp núṉ bacháe rakkhoge, tán changá karoge. Salámat raho. 30So uh widiyá hoke Antakíá núṉ áe, te jamáʼat núṉ ikatthián karke uhnáṉ núṉ chiṭṭhí dittí. 31Uh uhnúṉ paṛhke tasallí dí gall thoṉ bahut ḳhush hoe. 32Te Yahúdá te Sílás ne, (kyúṉ jo uh bhí nabí sán) bháíán núṉ bahut sáríáṉ galláṉ dí nasíhat deke tagṛiáṉ kítá. 33Te uh kujh chir rahke apne ghallanwáleáṉ de kol rází ḳhushí bháíáṉ koloṉ vidiyá hoe. 35Te Paulus te Barnabá Antákíá vichch rah gaye, te bahutereáṉ hornáṉ lokáṉ sane Ḳhudáwand de Kalám dí taʼlím te ḳhushḳhabarí dende rahe. 36Te kujh dinán pichchhoṉ Paulus ne Barnabá núṉ ákhiá, paí Chalie, te har ikk shahr vichch jitthe kitthe asáṉ Ḳhudá dá Kalám sunáyá hai, pher uhnaṉ dí khabar laie, paí uhnáṉ dá ki hál hai. 37Te Barnabá dí saláh sí, pai Yúhanná núṉ bhí, jihṛá Marqus akhwándá hai, apne nál le jáie. 38Te Paulus thík na játá, paí uh núṉ nál lai jáwe, kyúṉ jo uh Pamfúlía vichch uhnáṉ thoṉ wakkh ho gayá, te kamm karan núṉ uhnáṉ de nál nahín sí gayá. 39Te uhnáṉ vichch aiḍí anban ho gayi, paí uh ikk dujje, thoṉ wakkhre ho gaye. Te Barnabá Marqus núṉ nál laike jaház utte chaṛhiá, te Kupras núṉ tur gayá. 40Par Paulus Sílás núṉ chuniá, te bháíáṉ thoṉ Ḳhudá de fazal de hawále hoke ṭur piá. 41Te kalísiáṉ núṉ mazbút kardá hoiá Súríá te Kilikía vichch phiriá.

Currently Selected:

Rasulan De AʼAmal 15: PNT1927R

Highlight

Copy