Zakariya 13
13
Omalamalihiwa wa maprofeeti
1“Vanihukuni nenenenno anaattuuttu anoopiluwela ekhapira ya Davide ni amaki a oYerusaleemu weera yaatteelihe mwa soottheka ni soohitteela. 2Vanihukuni nenenenno kinoomalamaliha mweelaponi masina a miluku soowootha ni seiyo khasuupuweleliwatho,” onghima Yave a ikuru sootheene. “Kinimwaavenxa mulaponi maprofeeti nitho munepa wa ohitteela. 3Vano mukina nlelo atthuna othalihera ntoko mprofeeti atithawe ni amayawe anoomweerela: ‘Muntthuneya okhwa niwoko mohootha mwa Nsina na Yave.’ Owo eerera opaka oprofeeti, asinaangolowaawe anoomuhomasa. 4Vanihukuni nenenenno maprofeeti ootheene animuulihiheya muru niwoko na nyoonelosaya sa oprofeeti. Awosa kheewara mukaandyo wa eprofeeti woopakiwa ni exapala weera elokotthe. 5Owo onimweera: ‘Miyo nkihiyono mprofeeti; kiri namalima; onkiciha olima okhuma emiravowaaka.’ 6Mukina amukoha: ‘Mvulanle hai?' owo onimwaakhula: ‘Kivulalihiwe mpaani mwa asinthamwenaaka.’”
Mukukhuli oomaniwa ni muhuwo woomwareya
7“Ii! Ekatana, muvenye ni ngwaneke ni mukukhulaaka, yoowo ori mukhwaaka!” ongima Yave a ikuru sootheene.”Mummane mukukhuli ni muhuwo onoomwaraxeya ni kinimwaarukunuwela asikhaani. 8Mweelaponi yootheene,” onghima Yave, “mipatta miili sa miraru sinoohononasiwa, siriheyeke; vaheera mpatta mukinoowo onoohala. 9Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”
Currently Selected:
Zakariya 13: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
