aRooma 7
7
Niphwanaphwaniho na othelana
1Nyuwo khamusuwenle, axunnaka – kinuuluma ni atthu ansuwela nlamulo – weera nlamulo nri ni ikuru mutthu paahi areene ni okumi? 2Ori ntoko ha: muthiyana ootheliwa ori ni aiyawe munlamuloni awo ereene ni okumi. Aiyawetho yakhwa, muthiyana ole khankhala vathi wa nlamulo na othelana. 3Tivawo, owo atheliwa ni mulopwana mukina aiyawe nlelo ereene ni okumi, owo aniitthaniwe namararuwa. Aiyawetho yakhwa, owo khankhala vathi wa nlamulo nne, ni hata atheliwaka ni mulopwana mukina, owo khakhala namararuwa. 4Hiiho, axunnaka, nyuwotho mookhwela nlamulo niwoko na erutthu ya Kristu, weera mukhale a mukina, a Yoole ovenyerenre mookhwaani, weera nimwiimihere Muluku yoowiima. 5Vano, naalamuliwaahu ni mukhalelo wa erutthu, soohaawela sootthekiha saakhumme munlamuloni saavara muteko mweerutthunimwahu, weera siime soowiima sa okhwa. 6Mene vano, nihiyaka ottuli yeele yaanitthunke, noovuluxiwa wa nlamulo weera nirumeele munkhaleloni munyowani wa Munepa, ohikhanle munkhaleloni wa khalayi wa nlamulo noolempwa.
Owana ni yoottheka
7Nneereke hai? Nlamulo ti yoottheka? Hata vakhaani! Mwa yeeyo, miyo nkaasuwela ti heeni yoottheka, ohikhanle niwoko na nlamulo. Vekhaikhai, miyo nkaasuwela ti heeni ohaawela woonanara, nlamulo nahaahimale: “muhihaawele yoonanara.” 8Yootthekatho, evarelaka muteko ehuhu evahiwe ni nlamulo, yookiruwerela soohaawela soohiyanahiyana sootheene soonanara. Vano, nihikhanle nlamulo, yoottheka yohookhwa. 9Khalayi miyo kaakhala woohikhala nlamulo, mene nlamulo niwaakaru, yoottheka yoohihimuwa, ni miyo kohookhwa. 10Kohoonelela weera nlamulo nenne, nivaheriwe oruwera okumi, vekhaikhai nooruwera okhwa. 11Yoottheka, evarelaka muteko ehuhu evahiwe ni nlamulo, yookilokottha ni yookiiva niwoko na nlamulo. 12Tivawo nlamulo ti nootteela, aani, malamulo ti ootteela, oowookowa ni ooreera. 13Ni vano, yeeyo eri yooreera yoothatuwa okhwa wa miyo? Hata vakhaani! Yootthekatho yooruwera okhwa mwa miyo niwoko na yeeyo yaari yooreera, weera yoonihere weera eri yoottheka moota wooweera niwoko na nlamulo, yoottheka yoothatuwa yoolipaxa opwaha khalayi. 14Noosuwela weera nlamulo ti na mmunepani. Wa soothesene, miyo nkihiyono, niwoko kaathumihiwe wa yoottheka ntoko epottha. 15Nkinsuwela kineeraaka, niwoko nkimpaka yeeyo kintthunaaka, mene yeeyo kinthanyaaka. 16Miyo kaapakaka yeeyo kihintthunaaka, miyo kinaakhulela weera nlamulo ti nooreera. 17Mwa yeeyo, nkihiyono ti miyo kimpaka yeeyo, mene yoottheka enkhala mwa miyo. 18Koosuwela weera kheewo yooreera enkhala mwa miyo, eyo tiiyo mweerutthunimwaka, niwoko kintthuna opaka yeeyo eri yooreera, mene nkingwera opaka. 19Vano, yeeyo kimpakaaka kheehiyono yooreera kintthunaaka opaka, mene yoonanara kihintthunaaka opaka, ti yeeyo kimpwahereraaka opaka. 20Moone, kaapakaka yeeyo kihintthunaaka, nkihiyonotho miyo kimpaka yeeyo, mene yoottheka enkhala mwa miyo. 21Hiiho, kimphwanya nlamulo nna nivaraka muteko mwa miyo: Kaatthunaka opaka yooreera, yoonanara eri vamoha ni miyo. 22Vano mpuwa mwa mmurimanimwaka koohakalalela nlamulo na Muluku, 23mene kinoona nlamulo nikina nivaraka muteko mwa mmweettelonimwaka, niwanaka ni nlamulo na soowuupuwelasaka, nikitatuxaka ootthukiwa a nlamulo na yoottheka nimvara muteko mmweettelonimwaka. 24Moota kihaawiyaaka! Taani anaakivuluxe wa mweettelo ola wa okhwa? 25Asantte wa Muluku niwoko na Yeesu Kristu Apwiyaahu! Vano, ni soowuupuwelasaka miyo kiri epottha ya nlamulo na Muluku, mene mmweettelonimwaka, epottha ya nlamulo na yoottheka.
Currently Selected:
aRooma 7: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
aRooma 7
7
Niphwanaphwaniho na othelana
1Nyuwo khamusuwenle, axunnaka – kinuuluma ni atthu ansuwela nlamulo – weera nlamulo nri ni ikuru mutthu paahi areene ni okumi? 2Ori ntoko ha: muthiyana ootheliwa ori ni aiyawe munlamuloni awo ereene ni okumi. Aiyawetho yakhwa, muthiyana ole khankhala vathi wa nlamulo na othelana. 3Tivawo, owo atheliwa ni mulopwana mukina aiyawe nlelo ereene ni okumi, owo aniitthaniwe namararuwa. Aiyawetho yakhwa, owo khankhala vathi wa nlamulo nne, ni hata atheliwaka ni mulopwana mukina, owo khakhala namararuwa. 4Hiiho, axunnaka, nyuwotho mookhwela nlamulo niwoko na erutthu ya Kristu, weera mukhale a mukina, a Yoole ovenyerenre mookhwaani, weera nimwiimihere Muluku yoowiima. 5Vano, naalamuliwaahu ni mukhalelo wa erutthu, soohaawela sootthekiha saakhumme munlamuloni saavara muteko mweerutthunimwahu, weera siime soowiima sa okhwa. 6Mene vano, nihiyaka ottuli yeele yaanitthunke, noovuluxiwa wa nlamulo weera nirumeele munkhaleloni munyowani wa Munepa, ohikhanle munkhaleloni wa khalayi wa nlamulo noolempwa.
Owana ni yoottheka
7Nneereke hai? Nlamulo ti yoottheka? Hata vakhaani! Mwa yeeyo, miyo nkaasuwela ti heeni yoottheka, ohikhanle niwoko na nlamulo. Vekhaikhai, miyo nkaasuwela ti heeni ohaawela woonanara, nlamulo nahaahimale: “muhihaawele yoonanara.” 8Yootthekatho, evarelaka muteko ehuhu evahiwe ni nlamulo, yookiruwerela soohaawela soohiyanahiyana sootheene soonanara. Vano, nihikhanle nlamulo, yoottheka yohookhwa. 9Khalayi miyo kaakhala woohikhala nlamulo, mene nlamulo niwaakaru, yoottheka yoohihimuwa, ni miyo kohookhwa. 10Kohoonelela weera nlamulo nenne, nivaheriwe oruwera okumi, vekhaikhai nooruwera okhwa. 11Yoottheka, evarelaka muteko ehuhu evahiwe ni nlamulo, yookilokottha ni yookiiva niwoko na nlamulo. 12Tivawo nlamulo ti nootteela, aani, malamulo ti ootteela, oowookowa ni ooreera. 13Ni vano, yeeyo eri yooreera yoothatuwa okhwa wa miyo? Hata vakhaani! Yootthekatho yooruwera okhwa mwa miyo niwoko na yeeyo yaari yooreera, weera yoonihere weera eri yoottheka moota wooweera niwoko na nlamulo, yoottheka yoothatuwa yoolipaxa opwaha khalayi. 14Noosuwela weera nlamulo ti na mmunepani. Wa soothesene, miyo nkihiyono, niwoko kaathumihiwe wa yoottheka ntoko epottha. 15Nkinsuwela kineeraaka, niwoko nkimpaka yeeyo kintthunaaka, mene yeeyo kinthanyaaka. 16Miyo kaapakaka yeeyo kihintthunaaka, miyo kinaakhulela weera nlamulo ti nooreera. 17Mwa yeeyo, nkihiyono ti miyo kimpaka yeeyo, mene yoottheka enkhala mwa miyo. 18Koosuwela weera kheewo yooreera enkhala mwa miyo, eyo tiiyo mweerutthunimwaka, niwoko kintthuna opaka yeeyo eri yooreera, mene nkingwera opaka. 19Vano, yeeyo kimpakaaka kheehiyono yooreera kintthunaaka opaka, mene yoonanara kihintthunaaka opaka, ti yeeyo kimpwahereraaka opaka. 20Moone, kaapakaka yeeyo kihintthunaaka, nkihiyonotho miyo kimpaka yeeyo, mene yoottheka enkhala mwa miyo. 21Hiiho, kimphwanya nlamulo nna nivaraka muteko mwa miyo: Kaatthunaka opaka yooreera, yoonanara eri vamoha ni miyo. 22Vano mpuwa mwa mmurimanimwaka koohakalalela nlamulo na Muluku, 23mene kinoona nlamulo nikina nivaraka muteko mwa mmweettelonimwaka, niwanaka ni nlamulo na soowuupuwelasaka, nikitatuxaka ootthukiwa a nlamulo na yoottheka nimvara muteko mmweettelonimwaka. 24Moota kihaawiyaaka! Taani anaakivuluxe wa mweettelo ola wa okhwa? 25Asantte wa Muluku niwoko na Yeesu Kristu Apwiyaahu! Vano, ni soowuupuwelasaka miyo kiri epottha ya nlamulo na Muluku, mene mmweettelonimwaka, epottha ya nlamulo na yoottheka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.