aRooma 8
8
Okumi mwa Munepa
1Tivawo, khaniwowo nttaruxo wa yaawo ari mwa Kristu Yeesu. 2Vano, niwoko na Kristu Yeesu, nlamulo na Munepa wa okumi nookivuluxa wa nlamulo na yoottheka ni na okhwa. 3Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni, 4weera soonyesereriha sa ekhaikhai sa nlamulo sikwaniheraxeke mwa hiyo nihinkhala munkhaleloni wa erutthu, mene wa Munepa. 5Yaawo ankhala munkhaleloni wa erutthu anuupuwela itthu iye erutthu enghaawelaaya, mene yaawo ankhala munkhaleloni wa Munepa, anuupuwela yeeyo Munepa onghaawelaaya. 6Muupuwelo wa erutthu yootthekeya onruuha okhwa, mene muupuwelo oneettihiwa ni Munepa onruuha okumi ni murettele. 7Muupuwelo wa erutthu yootthekeya ti mwiittana a Muluku, niwoko khooniiwelela nlamulo na Yoowo, hata khoongwera opaka yeeyo. 8Yaawo anlamuliwa ni erutthu yootthekeiya khaangwera omusiveliha Muluku. 9Wa soothesene, nyuwo khamukhanle munlamuloni na erutthu yootthekeya, Munepa wa Muluku wakhala vekhaikhai mwa nyuwo. Ni akhala mukina ohinono Munepa wa Kristu, owo khahiyono a Yoowo. 10Kristutho akhala mwa nyuwo, erutthwaanyu enkhala yookhwa niwoko na yoottheka, mene munepa onkhala ni okumi niwoko na waakhuleliwa ni Muluku. 11Vano, wakhala mwa nyuwo Munepa wa Yoole omvenyererihale Yeesu mookhwaani, Yoowo omvenyererihale Kristu mookhwaani anaavahetho okumi wa irutthusanyu sookhwa niwoko na Munepaawe onkhala mwa nyuwo. 12Tivawo, axunnaka, nri ni ikoongori, ohikhanle wa erutthu nikhalaka oolamuliweene ni eyo. 13Nyuwo mwakhala munkhaleloni wa erutthu yootthekeya, mmwikhwe, mene mwiiva miteko sa erutthu ni Munepa, mmwikhale ni okumi. 14Ootheene yaawo aneettihiwa ni Munepa wa Muluku ari anamwane a Muluku. 15Nyuwo khamwaakhenle munepa wa okaporo weera moove veeli, mene mohaakhela Munepa onookhalihani ntoko anamwane. Vano, hiyo ninkhuwela ni Munepa Owo: “Aba,” entaphulela “Tiithi.” 16Munepeene Yoowo onnakhalela onamoona mwa munepaahu weera nri anamwane a Muluku. 17Nakhala anamwane, nri vano anamwaakhela a mahala a Muluku vamoha ni Kristu, hiyo nahaawa vekhaikhai vamoha ni Kristu weera nivuwihiwe vamohatho.
Ovuwa wa muhoolo
18Kinoona weera soohaawaxasahu sa vaanaanova khasingwereya olikanxiwa ni ovuwa oneera othupululiwe mwa hiyo. 19Soopattuxiwa sinnaweherera ni ohaawelaxa weera anamwane a Muluku ethupululiwe. 20Vano soopattuxiwa saapakiwe sa siiyo, khasihiyono niwoko na othanlawaya, mene niwoko na otthuna wa Muluku iikaathiyemo 21munroromeloni weera soopattuxiwasene iye nsivuluxiwe wa okaporo wa yunttelo, ni hiiho sinoowera waakhela oneethi woovuwaxa wa anamwane a Muluku. 22Noosuwela weera soopattuxiwa sootheene sinniipulela mpaka vaanaanova ntoko sireene moovoreiyani wa oyara. 23Ni khasihiyono paahi seiyo, mene hiyo asineenaahu nookhalano soowiima soopacera sa Munepa, nniipulela mpuwamwahu, niwehereraka ni murima wootheene waakhulelawahu ntoko anamwane ni ovuluxiwa wa erutthwaahu. 24Vano munroromeloni nna noovuluxiwa. Mene nroromelo nnooneya, khanihiyono nroromelo. Taani onroromela yeeyo onoonaawe? 25Vaheera naroromela yeeyo nlelo nihoonnaahu, ningweherera ni ovilela. 26Mooteene yoowo Munepa onnikhavihera ohilipawahu, niwoko kanisuwenle nnenesene ovekela, mene Munepeene Yoowo onnanivekelela wa Muluku ni soowiipulela soohiwereya ohimeya. 27Ni Muluku onoona mpaka mpuwa mwa mirima, onsuwela yeeyo Munepa onghaawelaaya, niwoko Munepa onnaavekelela ootteela ntoko Muluku ontthunaawe.
Anamawina oopwahaxa
28Noosuwela weera Muluku onneettiha soothesene wa mpuha wa yaale animusivela, yaale yiitthaniwe niwoko na yeeyo Owo aatthunaawe weera yaareye. 29Vano, yaawo Muluku aasuwenlaawe okhuma khalayi, aahaathanlatho weera ekhale oolikana ni Mwanawe, weera Owo akhale Ntthaara variyari wa axunneiye ancipale. 30Yaawo Owo aathanlalaawe okhuma khalayi, oowiitthanatho, ni yaawo aawiitthannaawe, oowaakhulelatho, ni yaawo owaakhulenlaawe, oohaavuwihatho. 31Nneereke hai sa itthusene seiya? Muluku aari ni hiyo, taani aniittane ni hiyo? 32Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho. 33Taani eniiwoothere oothanliwa a Muluku? Ti Muluku ongwaakhulela. 34Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo. 35Taani anaanimwalanyihe wa osivela wa Muluku? Apaale ohaawa, naari sookacamiha, naari ottharatthariwa, naari etala, naari osiwa, naari woopiha, hata ekatana? 36Ntoko elempwalaaya: “Niwoko na nyuwo, nri ngwoopihani mwa okhwa wa mahuku ootheene, ntoko ikhondoolo simvahereriwa wa namwiiva.” 37Mwa itthu sootheene seiyatho, nri anamawina oopwahaxa niwoko na Yoole onisivenle. 38Vano, kooviriyeliwa weera hata okhwa, naari okumi, hata ndyelo, naari munepa woonanara, hata ehuhu ya vaanaano, naari ya muhoolo, hata ikuru sikina, 39hata orakama, naari wiixera, hata yakhalaru etthu ekina epattuxingwe kheerwa ewera onimwalanyiha ni osivela wa Muluku ori mwa Kristu Yeesu, Apwiyaahu.
Currently Selected:
aRooma 8: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
aRooma 8
8
Okumi mwa Munepa
1Tivawo, khaniwowo nttaruxo wa yaawo ari mwa Kristu Yeesu. 2Vano, niwoko na Kristu Yeesu, nlamulo na Munepa wa okumi nookivuluxa wa nlamulo na yoottheka ni na okhwa. 3Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni, 4weera soonyesereriha sa ekhaikhai sa nlamulo sikwaniheraxeke mwa hiyo nihinkhala munkhaleloni wa erutthu, mene wa Munepa. 5Yaawo ankhala munkhaleloni wa erutthu anuupuwela itthu iye erutthu enghaawelaaya, mene yaawo ankhala munkhaleloni wa Munepa, anuupuwela yeeyo Munepa onghaawelaaya. 6Muupuwelo wa erutthu yootthekeya onruuha okhwa, mene muupuwelo oneettihiwa ni Munepa onruuha okumi ni murettele. 7Muupuwelo wa erutthu yootthekeya ti mwiittana a Muluku, niwoko khooniiwelela nlamulo na Yoowo, hata khoongwera opaka yeeyo. 8Yaawo anlamuliwa ni erutthu yootthekeiya khaangwera omusiveliha Muluku. 9Wa soothesene, nyuwo khamukhanle munlamuloni na erutthu yootthekeya, Munepa wa Muluku wakhala vekhaikhai mwa nyuwo. Ni akhala mukina ohinono Munepa wa Kristu, owo khahiyono a Yoowo. 10Kristutho akhala mwa nyuwo, erutthwaanyu enkhala yookhwa niwoko na yoottheka, mene munepa onkhala ni okumi niwoko na waakhuleliwa ni Muluku. 11Vano, wakhala mwa nyuwo Munepa wa Yoole omvenyererihale Yeesu mookhwaani, Yoowo omvenyererihale Kristu mookhwaani anaavahetho okumi wa irutthusanyu sookhwa niwoko na Munepaawe onkhala mwa nyuwo. 12Tivawo, axunnaka, nri ni ikoongori, ohikhanle wa erutthu nikhalaka oolamuliweene ni eyo. 13Nyuwo mwakhala munkhaleloni wa erutthu yootthekeya, mmwikhwe, mene mwiiva miteko sa erutthu ni Munepa, mmwikhale ni okumi. 14Ootheene yaawo aneettihiwa ni Munepa wa Muluku ari anamwane a Muluku. 15Nyuwo khamwaakhenle munepa wa okaporo weera moove veeli, mene mohaakhela Munepa onookhalihani ntoko anamwane. Vano, hiyo ninkhuwela ni Munepa Owo: “Aba,” entaphulela “Tiithi.” 16Munepeene Yoowo onnakhalela onamoona mwa munepaahu weera nri anamwane a Muluku. 17Nakhala anamwane, nri vano anamwaakhela a mahala a Muluku vamoha ni Kristu, hiyo nahaawa vekhaikhai vamoha ni Kristu weera nivuwihiwe vamohatho.
Ovuwa wa muhoolo
18Kinoona weera soohaawaxasahu sa vaanaanova khasingwereya olikanxiwa ni ovuwa oneera othupululiwe mwa hiyo. 19Soopattuxiwa sinnaweherera ni ohaawelaxa weera anamwane a Muluku ethupululiwe. 20Vano soopattuxiwa saapakiwe sa siiyo, khasihiyono niwoko na othanlawaya, mene niwoko na otthuna wa Muluku iikaathiyemo 21munroromeloni weera soopattuxiwasene iye nsivuluxiwe wa okaporo wa yunttelo, ni hiiho sinoowera waakhela oneethi woovuwaxa wa anamwane a Muluku. 22Noosuwela weera soopattuxiwa sootheene sinniipulela mpaka vaanaanova ntoko sireene moovoreiyani wa oyara. 23Ni khasihiyono paahi seiyo, mene hiyo asineenaahu nookhalano soowiima soopacera sa Munepa, nniipulela mpuwamwahu, niwehereraka ni murima wootheene waakhulelawahu ntoko anamwane ni ovuluxiwa wa erutthwaahu. 24Vano munroromeloni nna noovuluxiwa. Mene nroromelo nnooneya, khanihiyono nroromelo. Taani onroromela yeeyo onoonaawe? 25Vaheera naroromela yeeyo nlelo nihoonnaahu, ningweherera ni ovilela. 26Mooteene yoowo Munepa onnikhavihera ohilipawahu, niwoko kanisuwenle nnenesene ovekela, mene Munepeene Yoowo onnanivekelela wa Muluku ni soowiipulela soohiwereya ohimeya. 27Ni Muluku onoona mpaka mpuwa mwa mirima, onsuwela yeeyo Munepa onghaawelaaya, niwoko Munepa onnaavekelela ootteela ntoko Muluku ontthunaawe.
Anamawina oopwahaxa
28Noosuwela weera Muluku onneettiha soothesene wa mpuha wa yaale animusivela, yaale yiitthaniwe niwoko na yeeyo Owo aatthunaawe weera yaareye. 29Vano, yaawo Muluku aasuwenlaawe okhuma khalayi, aahaathanlatho weera ekhale oolikana ni Mwanawe, weera Owo akhale Ntthaara variyari wa axunneiye ancipale. 30Yaawo Owo aathanlalaawe okhuma khalayi, oowiitthanatho, ni yaawo aawiitthannaawe, oowaakhulelatho, ni yaawo owaakhulenlaawe, oohaavuwihatho. 31Nneereke hai sa itthusene seiya? Muluku aari ni hiyo, taani aniittane ni hiyo? 32Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho. 33Taani eniiwoothere oothanliwa a Muluku? Ti Muluku ongwaakhulela. 34Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo. 35Taani anaanimwalanyihe wa osivela wa Muluku? Apaale ohaawa, naari sookacamiha, naari ottharatthariwa, naari etala, naari osiwa, naari woopiha, hata ekatana? 36Ntoko elempwalaaya: “Niwoko na nyuwo, nri ngwoopihani mwa okhwa wa mahuku ootheene, ntoko ikhondoolo simvahereriwa wa namwiiva.” 37Mwa itthu sootheene seiyatho, nri anamawina oopwahaxa niwoko na Yoole onisivenle. 38Vano, kooviriyeliwa weera hata okhwa, naari okumi, hata ndyelo, naari munepa woonanara, hata ehuhu ya vaanaano, naari ya muhoolo, hata ikuru sikina, 39hata orakama, naari wiixera, hata yakhalaru etthu ekina epattuxingwe kheerwa ewera onimwalanyiha ni osivela wa Muluku ori mwa Kristu Yeesu, Apwiyaahu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.