aRooma 6
6
Ookhwa wa yoottheka, akumi mwa Kristu
1Nneereke hai? Hiyo nnipwaherere ottheka weera mahala yaandyeerereye? 2Hata vakhaani! Hiyo ninkhwela yoottheka, nnipwaherere hai okhala mwa yeeyo? 3Apaale khamusuwenle weera hiyo ootheene nipatisiwe mwa Kristu Yeesu, nipatisiwe mwa okhwawawe? 4Tivawo, nivithiwe ni Yoowo mookhwaani niwoko na opatiso, weera hiyo nikhale ni okumi onyowani, hiiho ntoko Kristu ovenyererihiwaawe mookhwaani niwoko na ovuwa wa Atiithi. 5Waari weera hiyo nithukumanyihiwe mooteene yoowo ni Yeesu mookhwaanimwawe, vekhaikhai nnithukumanyihiwetho ni Yoowo moovenyereranimwawe. 6Vano, noosuwela weera mutthwaahu a khalayi oothomeiwa ni Yoowo, weera erutthu ya yoottheka ephwatiwe, ni weera nihikhaletho ipottha sa yoottheka, 7niwoko yoowo okhwiiye, oovuluwa mwa yoottheka. 8Moone, hiyo naakhwaaka ni Kristu, nnoororomela weera nnikhaletho ni Yoowo. 9Vano, noosuwela weera avenyererihiweene mookhwaani, Kristu khangwera okhwatho. Okhwa khoongwera omulamulatho. 10Ni okhwawawe, Kristu okhwenle yoottheka khuluwi, ni okumi onyowani onkhalaawe, onimukhalela Muluku. 11Mooteene yoowo, mwiixuupuwelele weera mukhwiiyeene wa yoottheka, mene munoomukhalela Muluku mwa Kristu Yeesu. 12Tivawo, muhihiye yoottheka elamulaka irutthusanyu sinkhwa, mwiiwelelaka soohaawelasaya. 13Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai. 14Yoottheka kheerwa yoolamulani, niwoko khamukhanle vathi wa nlamulo, mene wa mahala.
Ipottha sa ekhaikhai
15Vano, nnittheke niwoko khanikhanle vathi wa nlamulo, mene wa mahala? Hata vakhaani! 16Khamusuwenle weera nyuwo mwiivahereraka wa mukina weera mmwiiwelele ntoko ipottha, nyuwo munkhala ipottha sa yoowo mumwiiwelelaanyu – hata sikhale ipottha sa yoottheka, enooronghani wa okhwa, hata sikhale ipottha sa wiiwelela, onooronghani wa waakhuleliwa ni Muluku? 17Asanttetho wa Muluku niwoko, mwaarookhalaru ipottha sa yoottheka, nyuwo mohaakhulela ni murima wootheene moota wa nihusiho muvahiwaanyu. 18Nyuwo moovuluxiwa mwa yoottheka, ni mookhala ipottha sa ekhaikhai. 19Kinuuluma yeeyo ni mikhalelo sa omutthu, niwoko khamuniiwexexa itthu sootheene. Hiiho ntoko nyuwo mwaavahereraanyu mipatta sa irutthusanyu weera sikhale ipottha sa ohitteela ni onanara onrongha wootepa onanara, vano mvaherere iyo weera sikhale ipottha sa ekhaikhai enrongha wa ntteeliho. 20Mwaaraanyu ipottha sa yoottheka, khamwaakhanle vathi wa ekhaikhai. 21Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa! 22Vanonto, mweenre nyuwo mvuluxiwaka mwa yoottheka ni mukhala ipottha sa Muluku, soowiima munghephaanyu sinooronghani wa ntteeliho, ni ommaleloniwaya ti okumi woohimala. 23Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.
Currently Selected:
aRooma 6: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
aRooma 6
6
Ookhwa wa yoottheka, akumi mwa Kristu
1Nneereke hai? Hiyo nnipwaherere ottheka weera mahala yaandyeerereye? 2Hata vakhaani! Hiyo ninkhwela yoottheka, nnipwaherere hai okhala mwa yeeyo? 3Apaale khamusuwenle weera hiyo ootheene nipatisiwe mwa Kristu Yeesu, nipatisiwe mwa okhwawawe? 4Tivawo, nivithiwe ni Yoowo mookhwaani niwoko na opatiso, weera hiyo nikhale ni okumi onyowani, hiiho ntoko Kristu ovenyererihiwaawe mookhwaani niwoko na ovuwa wa Atiithi. 5Waari weera hiyo nithukumanyihiwe mooteene yoowo ni Yeesu mookhwaanimwawe, vekhaikhai nnithukumanyihiwetho ni Yoowo moovenyereranimwawe. 6Vano, noosuwela weera mutthwaahu a khalayi oothomeiwa ni Yoowo, weera erutthu ya yoottheka ephwatiwe, ni weera nihikhaletho ipottha sa yoottheka, 7niwoko yoowo okhwiiye, oovuluwa mwa yoottheka. 8Moone, hiyo naakhwaaka ni Kristu, nnoororomela weera nnikhaletho ni Yoowo. 9Vano, noosuwela weera avenyererihiweene mookhwaani, Kristu khangwera okhwatho. Okhwa khoongwera omulamulatho. 10Ni okhwawawe, Kristu okhwenle yoottheka khuluwi, ni okumi onyowani onkhalaawe, onimukhalela Muluku. 11Mooteene yoowo, mwiixuupuwelele weera mukhwiiyeene wa yoottheka, mene munoomukhalela Muluku mwa Kristu Yeesu. 12Tivawo, muhihiye yoottheka elamulaka irutthusanyu sinkhwa, mwiiwelelaka soohaawelasaya. 13Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai. 14Yoottheka kheerwa yoolamulani, niwoko khamukhanle vathi wa nlamulo, mene wa mahala.
Ipottha sa ekhaikhai
15Vano, nnittheke niwoko khanikhanle vathi wa nlamulo, mene wa mahala? Hata vakhaani! 16Khamusuwenle weera nyuwo mwiivahereraka wa mukina weera mmwiiwelele ntoko ipottha, nyuwo munkhala ipottha sa yoowo mumwiiwelelaanyu – hata sikhale ipottha sa yoottheka, enooronghani wa okhwa, hata sikhale ipottha sa wiiwelela, onooronghani wa waakhuleliwa ni Muluku? 17Asanttetho wa Muluku niwoko, mwaarookhalaru ipottha sa yoottheka, nyuwo mohaakhulela ni murima wootheene moota wa nihusiho muvahiwaanyu. 18Nyuwo moovuluxiwa mwa yoottheka, ni mookhala ipottha sa ekhaikhai. 19Kinuuluma yeeyo ni mikhalelo sa omutthu, niwoko khamuniiwexexa itthu sootheene. Hiiho ntoko nyuwo mwaavahereraanyu mipatta sa irutthusanyu weera sikhale ipottha sa ohitteela ni onanara onrongha wootepa onanara, vano mvaherere iyo weera sikhale ipottha sa ekhaikhai enrongha wa ntteeliho. 20Mwaaraanyu ipottha sa yoottheka, khamwaakhanle vathi wa ekhaikhai. 21Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa! 22Vanonto, mweenre nyuwo mvuluxiwaka mwa yoottheka ni mukhala ipottha sa Muluku, soowiima munghephaanyu sinooronghani wa ntteeliho, ni ommaleloniwaya ti okumi woohimala. 23Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.