Levitiku 7
7
Soolamulela mwaha wa sooveleelela nthowa
1Ikano mwaha wa yooveleelela nthowa eri yootteelaxa ti iya: 2Mwaamunama oomveleelela nthowa iiveliweke vanipuroni siniiveliwaayawo sooveleela soohisa ni ephomaaya eyeeheriweke mukerekhere wa altaari*. 3Makhura ootheene a yooveleelela nthowa eveleeliweke: mpatta woonunaxa wa mwiila ni makhura anghuruwela marupo, 4miso miili vamoha ni makhura anghuruwela, ni mpatta wa hapa onkuttelela ni simvenxiwa vamoha ni miso. 5Musaserdoti* ahisereke seiyo valtaarini* ntoko yoomveleelela Yave yoorehereriwa vayikho; ti yooveleelela nthowa. 6Asilopwana ootheene a mweemusini ya musaserdoti* eceeke yeeyo, mene eceliweke yeeyo vaNipuroni Nootteela*, niwoko ti yootteelaxa. 7Ekanoweene yeeyo epakeliweke sooveleelela yoottheka mpaka sa nthowa: enama ti ya musaserdoti*. 8Musaserdoti* aneera ampakele mukina yooveleela yoohisa ahalaneke exapala eyo. 9Khula yooveleela ya irooro yoowooxiwa vayikho hoye hoye yoowaapeiwa mmwaapuni naari vanipuroni noowooxera, ti ya musaserdoti* aneera aveleele yeeyo. 10Khula yooveleela ya irooro yooweetheliwa makhura hoye hoye yooheetheeliwa ti ya ekhapira yootheene ya Aharoni.
Soolamulela mwaha wa sooveleelela murettele
11Ikano mwaha wa sooveleelela murettele sineera siveleeliwe wa Yave ti iya: 12Mukina apaka yeeyo atthapelaka, vano vamoha ni yooveleelaawe ya otthapela aveleeleketho iboolu soohikhalano eferementu sooweetheliwa makhura, ipaawu sikhaanene soohikhalanotho eferementu ni soottikittheliwa makhura, ni iboolu sa ephepa yooreerela yooweetheiwa nnenesene ni yooweetheliwa makhura. 13Owo aveleeleketho iboolu sooheliwa eferementu vamoha ni yooveleeleene yeeyo ya murettele. 14Owo aruuheke emoha ya khula yoowooxiwa eyo ntoko yoomveleelela Yave, ni iyo ti sa musaserdoti* ommisamisa ephome ya sooveleelela murettele. 15Enama ya yooveleelela murettele ya otthapela ekhuuriweke nihuku nenenenno emveleeliwaaya; ehikone. 16Wa soothesene yooveleelaawe yakhala yookwanihera nlipelo hoye hoye ya otthunawawe, eyo ekhuuriweke nihuku nenenenno emveleeliwaaya, mene eneera ehale eyo ekhuuriweke waaxiiye. 17Vaheera yakhalaru enama eneera ehale mpaka nihuku nanaararu ehisiweke. 18Yakhalaru enama ya yooveleelela murettele yakhuuriwa vanihukuni nanaararu, eyo kheerwa yaakhuleliwa ni Muluku. Yooveleela eyo kheemvareleya muteko ni yoole oveleenle, niwoko ti yoonanara. Mutthu aneera akhuure onookhalano nthowa. 19Enama yatavaru etthu yoohitteela ehikhuuriweke; eyo ehisiweke. Mwaha wa enama yootteela – ootheene ari ootteelihiwa, ekhuureke. 20Vaheera mukina ori oohitteela akhuura enama ya yooveleelela murettele eri ya Yave, vano mutthu owo amalamalihiweke mmulokonimwawe. 21Yoowo aneera ataveru etthu yoohitteela – ekhalaka yoohitteela ya omutthu, ya axinama naari yakhalaru etthu yoohitteela ya mwiikho – ni akhuura enama ya yooveleelela murettele eri ya Yave, mutthu owo amalamalihiweke mmulokonimwawe.’”
Makhura ni ephome
22Yave aamweerela Moisesi: 23“Mwaaleele aYixrayeli: ‘Muhikhuureru makhura a imombe, ikhondoolo hoye hoye ipuri. 24Makhura a mwaamunama oovettuliwa naari oonyaanyiwa ni axinama a ntuphini avareliwe muteko wa miteko sikina, mene ahikhuuriweru. 25Yoowo aneera akhuure makhura a mwaamunama ooveleeleliwa Yave wa yooveleela yoorehereriwa vayikho amalamalihiweke mmulokonimwawe. 26Weiwo muneeraanyu mwamakeru, muhice ephome ya mwaapalame hata mwaamunama. 27Yoowo aneera ace onoomalamalihiwa mmulokonimwawe.’”
Mipatta sa asaserdoti*
28Yave aamweerela Moisesi: 29“Mwaaleele aYixrayeli: ‘Yoowo aneera amveleelele Yave yooveleelela murettele, aruuheke mpatta wa yeeyo ntoko yoomveleelelaawe Yave. 30Owo aruuheke ni matataawe muneenaawe yoomveleelela Yave yoorehereriwa vayikho. Owo aruuheke makhura vamoha ni ehoce iinainiheraka ehoceene yeeyo ohoolo wa Yave ntoko yooveleela ya wiinainihera. 31Musaserdoti* ahisereke makhura valtaarini*, mene ehoce ti ya Aharoni ni anamwane asilopwana. 32Nyuwo mumvahe musaserdoti* mwetto woolopwana wa ottuli wa yooveleelela murettele ntoko mpattaawe. 33Mwaana mulopwana a Aharoni aneera aveleele ephome ni makhura a yooveleelela murettele aakheleke mwetto woolopwana wa ottuli ntoko mpattaawe. 34Wa sooveleelela murettele sa aYixrayeli kookuxa ehoce yoowiinainiheriwa ni mwetto omveleeliwa ni koomvaha musaserdoti* Aharoni ni anamwane asilopwana ntoko mpattaaya wa khula nihuku wa aYixrayeli. 35Ola ti mpatta wa soomveleelela Yave soorehereriwa vayikho siri sa Aharoni ni anamwane asilopwana vanihukuni akhalihiwaaya weera emurumeele Yave ntoko asaserdoti*. 36Ti yeeyo Yave aalamulenlaawe waavahasa vanihukuni yaattikittheliwaaya eriyari ya aYixrayeli. Ti ekano yoohimala wa ikhapira sootheene. 37Vano iya ikano mwaha wa yooveleela yoohisa, yooveleela ya irooro, yooveleelela yoottheka, yooveleelela nthowa, yooveleela ya ottikittheliwa ni yooveleelela murettele. 38Yave aamwinnyerera Moisesi vamwaako Sinayi vanihukuni aalamulenlaawe aYixrayeli omuruuhela Yave sooveleelasaya, munikareni na oSinayi.’”
Currently Selected:
Levitiku 7: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Levitiku 7
7
Soolamulela mwaha wa sooveleelela nthowa
1Ikano mwaha wa yooveleelela nthowa eri yootteelaxa ti iya: 2Mwaamunama oomveleelela nthowa iiveliweke vanipuroni siniiveliwaayawo sooveleela soohisa ni ephomaaya eyeeheriweke mukerekhere wa altaari*. 3Makhura ootheene a yooveleelela nthowa eveleeliweke: mpatta woonunaxa wa mwiila ni makhura anghuruwela marupo, 4miso miili vamoha ni makhura anghuruwela, ni mpatta wa hapa onkuttelela ni simvenxiwa vamoha ni miso. 5Musaserdoti* ahisereke seiyo valtaarini* ntoko yoomveleelela Yave yoorehereriwa vayikho; ti yooveleelela nthowa. 6Asilopwana ootheene a mweemusini ya musaserdoti* eceeke yeeyo, mene eceliweke yeeyo vaNipuroni Nootteela*, niwoko ti yootteelaxa. 7Ekanoweene yeeyo epakeliweke sooveleelela yoottheka mpaka sa nthowa: enama ti ya musaserdoti*. 8Musaserdoti* aneera ampakele mukina yooveleela yoohisa ahalaneke exapala eyo. 9Khula yooveleela ya irooro yoowooxiwa vayikho hoye hoye yoowaapeiwa mmwaapuni naari vanipuroni noowooxera, ti ya musaserdoti* aneera aveleele yeeyo. 10Khula yooveleela ya irooro yooweetheliwa makhura hoye hoye yooheetheeliwa ti ya ekhapira yootheene ya Aharoni.
Soolamulela mwaha wa sooveleelela murettele
11Ikano mwaha wa sooveleelela murettele sineera siveleeliwe wa Yave ti iya: 12Mukina apaka yeeyo atthapelaka, vano vamoha ni yooveleelaawe ya otthapela aveleeleketho iboolu soohikhalano eferementu sooweetheliwa makhura, ipaawu sikhaanene soohikhalanotho eferementu ni soottikittheliwa makhura, ni iboolu sa ephepa yooreerela yooweetheiwa nnenesene ni yooweetheliwa makhura. 13Owo aveleeleketho iboolu sooheliwa eferementu vamoha ni yooveleeleene yeeyo ya murettele. 14Owo aruuheke emoha ya khula yoowooxiwa eyo ntoko yoomveleelela Yave, ni iyo ti sa musaserdoti* ommisamisa ephome ya sooveleelela murettele. 15Enama ya yooveleelela murettele ya otthapela ekhuuriweke nihuku nenenenno emveleeliwaaya; ehikone. 16Wa soothesene yooveleelaawe yakhala yookwanihera nlipelo hoye hoye ya otthunawawe, eyo ekhuuriweke nihuku nenenenno emveleeliwaaya, mene eneera ehale eyo ekhuuriweke waaxiiye. 17Vaheera yakhalaru enama eneera ehale mpaka nihuku nanaararu ehisiweke. 18Yakhalaru enama ya yooveleelela murettele yakhuuriwa vanihukuni nanaararu, eyo kheerwa yaakhuleliwa ni Muluku. Yooveleela eyo kheemvareleya muteko ni yoole oveleenle, niwoko ti yoonanara. Mutthu aneera akhuure onookhalano nthowa. 19Enama yatavaru etthu yoohitteela ehikhuuriweke; eyo ehisiweke. Mwaha wa enama yootteela – ootheene ari ootteelihiwa, ekhuureke. 20Vaheera mukina ori oohitteela akhuura enama ya yooveleelela murettele eri ya Yave, vano mutthu owo amalamalihiweke mmulokonimwawe. 21Yoowo aneera ataveru etthu yoohitteela – ekhalaka yoohitteela ya omutthu, ya axinama naari yakhalaru etthu yoohitteela ya mwiikho – ni akhuura enama ya yooveleelela murettele eri ya Yave, mutthu owo amalamalihiweke mmulokonimwawe.’”
Makhura ni ephome
22Yave aamweerela Moisesi: 23“Mwaaleele aYixrayeli: ‘Muhikhuureru makhura a imombe, ikhondoolo hoye hoye ipuri. 24Makhura a mwaamunama oovettuliwa naari oonyaanyiwa ni axinama a ntuphini avareliwe muteko wa miteko sikina, mene ahikhuuriweru. 25Yoowo aneera akhuure makhura a mwaamunama ooveleeleliwa Yave wa yooveleela yoorehereriwa vayikho amalamalihiweke mmulokonimwawe. 26Weiwo muneeraanyu mwamakeru, muhice ephome ya mwaapalame hata mwaamunama. 27Yoowo aneera ace onoomalamalihiwa mmulokonimwawe.’”
Mipatta sa asaserdoti*
28Yave aamweerela Moisesi: 29“Mwaaleele aYixrayeli: ‘Yoowo aneera amveleelele Yave yooveleelela murettele, aruuheke mpatta wa yeeyo ntoko yoomveleelelaawe Yave. 30Owo aruuheke ni matataawe muneenaawe yoomveleelela Yave yoorehereriwa vayikho. Owo aruuheke makhura vamoha ni ehoce iinainiheraka ehoceene yeeyo ohoolo wa Yave ntoko yooveleela ya wiinainihera. 31Musaserdoti* ahisereke makhura valtaarini*, mene ehoce ti ya Aharoni ni anamwane asilopwana. 32Nyuwo mumvahe musaserdoti* mwetto woolopwana wa ottuli wa yooveleelela murettele ntoko mpattaawe. 33Mwaana mulopwana a Aharoni aneera aveleele ephome ni makhura a yooveleelela murettele aakheleke mwetto woolopwana wa ottuli ntoko mpattaawe. 34Wa sooveleelela murettele sa aYixrayeli kookuxa ehoce yoowiinainiheriwa ni mwetto omveleeliwa ni koomvaha musaserdoti* Aharoni ni anamwane asilopwana ntoko mpattaaya wa khula nihuku wa aYixrayeli. 35Ola ti mpatta wa soomveleelela Yave soorehereriwa vayikho siri sa Aharoni ni anamwane asilopwana vanihukuni akhalihiwaaya weera emurumeele Yave ntoko asaserdoti*. 36Ti yeeyo Yave aalamulenlaawe waavahasa vanihukuni yaattikittheliwaaya eriyari ya aYixrayeli. Ti ekano yoohimala wa ikhapira sootheene. 37Vano iya ikano mwaha wa yooveleela yoohisa, yooveleela ya irooro, yooveleelela yoottheka, yooveleelela nthowa, yooveleela ya ottikittheliwa ni yooveleelela murettele. 38Yave aamwinnyerera Moisesi vamwaako Sinayi vanihukuni aalamulenlaawe aYixrayeli omuruuhela Yave sooveleelasaya, munikareni na oSinayi.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.