Levitiku 6
6
1Yave aamweerelatho Moisesi: 2“Mukina attheka ampahulaka Yave, amulokotthaka mwaattamanaawe mwaha wa yoosunga hoye hoye yooweemexera, naari etthu yoowiiyiwa, hata yoowoopopiherela, 3hoye hoye attotta etthu yooriheya ni akhuwa, naari alipela, oothaka mwaha wa yakhalaru etthu atthekaka hiiho, 4vanonto, mutthu apaka moota hiiho, akhalanaka nthowa, ontthuneya ohokoloxa yeeyo iiyalaawe hoye hoye okunxaawe oopopiherelaka, hoye hoye innyereriwaawe naari sooriheya ottonttawe, 5naari yakhalaru etthu olipenlaawe oolokottha. Vano owo aliveke wookwanela aandyeererakatho mpatta wanaathanu wa yeeyo, amvahaka sootheene muneene nihuku nenenenno aneeraawe oonihere yooveleelelaawe nthowa. 6Owo amuruuheleke musaserdoti* yoomveleelela Yave: napunci a muhuwaawe oohirakala ni oowaakhuleliwa. 7Moota hiiho musaserdoti* onoomurehererela wiiwanana ni Yave, ni owo onooleveleliwa vamaithoni wa Yave yakhalaru etthu ya seiyo opankaawe simutatunxe nanthowa.”
Soolamulela mwaha wa sooveleela soohisa
8Yave aamweerela Moisesi: 9“Mwamulamulele Aharoni ni anamwanaawe nlamulo nna: ‘Ikano mwaha wa yooveleela yoohisa ti iya: Eyo epwaherereke oza vamakhalani a valtaarini* mpaka oxeexelo ni mooro ohicipihiweke. 10Vano musaserdoti* awareke ikuwo sa eliinyu* ni kaputtulaawe campuwa a eliinyu*, akhupeke ettuura ya yooveleela yoohisa yaalalihiwa ni mooro wa altaari* ni iikaathiki mukerekhere wa altaari*. 11Vahoolowaya aceendyeke soowara ni arongheke ettuura okhwipi wa okonelingwe vanipuroni noothanliwa ntoko nootteela. 12Ohicipihiweke mooro valtaarini* opwaherereke ovarela. Khula oxeexelo musaserdoti* aandyeerereke ikhuuni ni iikaathiki vayikho sooveleela soohisa, ni ahiserekewo makhura a sooveleelela murettele. 13Opwahererihiweke mooro valtaarini* ohicipihiweke.
Soolamulela mwaha wa sooveleela sa irooro
14Ikano mwaha wa sooveleela sa irooro ti iya: anamwane asilopwana a Aharoni eruuheke vamaithoni wa Yave, ohoolo wa altaari*. 15Musaserdoti* anyottoleke ephepa yooreerela ni makhura vamoha ni erubani* yootheene eri vasulu wa yooveleela ya irooro ni ahisereke valtaarini* mpatta wa eyuupuxero ntoko yoowunkhelaxa enimusiveliha Yave. 16Aharoni ni anamwanaawe asilopwana eceeke yooveleela enghala eyo, mene eceeke yoohikhalano eferementu vaNipuroni Nootteela*; vanipuwani na Eheema ya Muthukumano. 17Yooveleela eyo ehooxiwe ni eferementu; kohaavaha yeeyo ntoko mpattaaya wa sooveleela kireherereliwaaka Miyo vayikho. Ti yootteelaxa ntoko yooveleelela yoottheka ni yooveleelela nthowa. 18Paahi ekhapira ya asilopwana ootheene a Aharoni ti eneera eceeke yeeyo. Ti mpattaaya wa sooveleela soomveleelela Yave soorehereriwa vayikho. Ti ekano yoohimala wa ikhapira sa muhoolotho. Ootheene eniitave seiyo anoothatuwa ootteela.’” 19Yave aamweerelatho Moisesi: 20“Nihuku na ottikittheliwa wa Aharoni ni anamwanaawe asilopwana, awosa emuruuheleke Yave yooveleela ela: iliitru* piili sa ephepa yooreerela ntoko yooveleela ya irooro – vakhaani oxeexelo ni vakhaanitho oxekuwa. 21Mureherere yeeyo ni makhura vanooxeriwa, muruuheke yootakanseriwa nnenesene ni moonihere yooveleela ya irooro yoomeyanyiwa ntoko yoowunkhelaxa enimusiveliha Yave. 22Khula mwaana mulopwana a Aharoni aneera amurandele ntoko musaserdoti* oottikittheliwa, areherereke yooveleela eyo. Ti mpatta wa Yave mukanoni yoohimala ni ehisiweke woomalela. 23Khula yooveleela ya irooro ya musaserdoti* ehisiweke woomalela – eyo ehiciweru.”
Soolamulela mwaha wa sooveleelela yoottheka
24Yave aamweerela Moisesi: 25“Mwamuleele Aharoni ni anamwanaawe asilopwana: ‘Ikano mwaha wa sooveleelela yoottheka ti iya: Yooveleelela yoottheka yiiviweke vamaithoni wa Yave vanipuroni eniiveliwaayawo yooveleela yoohisa. Eyo ti yooveleela yootteelaxa. 26Musaserdoti* aneera amveleele mwaamunama amukhuureleke vaNipuroni Nootteela* – vanipuwani na Eheema ya Mutkukumano. 27Ootheene eneera etave yooveleeleene yeeyo anoothatuwa ootteela ni ephome yattonyera vakuwoni, vano ecapeliweke vaNipuroni Nootteela*. 28Mwaapu oneera waapeeliwe enama opwexiweke, vaheera yaapeeliwa mmwaapuni wa ebronze*, mwaapweene yoowo okutthiweke ni orapihiweke ni maahi. 29Khula mulopwana a mweemusini ya musaserdoti* aceeke yeeyo; ti yootteelaxa. 30Vaheera khula yooveleelela yoottheka ephomaaya eneera eruuhiwe Muheemani mwa Muthukumano weera ereherereliwe wiiwanana ni Yave vaNipuroni Nootteela*, ehikhuuriwe; eyo ehisiweke.
Currently Selected:
Levitiku 6: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Levitiku 6
6
1Yave aamweerelatho Moisesi: 2“Mukina attheka ampahulaka Yave, amulokotthaka mwaattamanaawe mwaha wa yoosunga hoye hoye yooweemexera, naari etthu yoowiiyiwa, hata yoowoopopiherela, 3hoye hoye attotta etthu yooriheya ni akhuwa, naari alipela, oothaka mwaha wa yakhalaru etthu atthekaka hiiho, 4vanonto, mutthu apaka moota hiiho, akhalanaka nthowa, ontthuneya ohokoloxa yeeyo iiyalaawe hoye hoye okunxaawe oopopiherelaka, hoye hoye innyereriwaawe naari sooriheya ottonttawe, 5naari yakhalaru etthu olipenlaawe oolokottha. Vano owo aliveke wookwanela aandyeererakatho mpatta wanaathanu wa yeeyo, amvahaka sootheene muneene nihuku nenenenno aneeraawe oonihere yooveleelelaawe nthowa. 6Owo amuruuheleke musaserdoti* yoomveleelela Yave: napunci a muhuwaawe oohirakala ni oowaakhuleliwa. 7Moota hiiho musaserdoti* onoomurehererela wiiwanana ni Yave, ni owo onooleveleliwa vamaithoni wa Yave yakhalaru etthu ya seiyo opankaawe simutatunxe nanthowa.”
Soolamulela mwaha wa sooveleela soohisa
8Yave aamweerela Moisesi: 9“Mwamulamulele Aharoni ni anamwanaawe nlamulo nna: ‘Ikano mwaha wa yooveleela yoohisa ti iya: Eyo epwaherereke oza vamakhalani a valtaarini* mpaka oxeexelo ni mooro ohicipihiweke. 10Vano musaserdoti* awareke ikuwo sa eliinyu* ni kaputtulaawe campuwa a eliinyu*, akhupeke ettuura ya yooveleela yoohisa yaalalihiwa ni mooro wa altaari* ni iikaathiki mukerekhere wa altaari*. 11Vahoolowaya aceendyeke soowara ni arongheke ettuura okhwipi wa okonelingwe vanipuroni noothanliwa ntoko nootteela. 12Ohicipihiweke mooro valtaarini* opwaherereke ovarela. Khula oxeexelo musaserdoti* aandyeerereke ikhuuni ni iikaathiki vayikho sooveleela soohisa, ni ahiserekewo makhura a sooveleelela murettele. 13Opwahererihiweke mooro valtaarini* ohicipihiweke.
Soolamulela mwaha wa sooveleela sa irooro
14Ikano mwaha wa sooveleela sa irooro ti iya: anamwane asilopwana a Aharoni eruuheke vamaithoni wa Yave, ohoolo wa altaari*. 15Musaserdoti* anyottoleke ephepa yooreerela ni makhura vamoha ni erubani* yootheene eri vasulu wa yooveleela ya irooro ni ahisereke valtaarini* mpatta wa eyuupuxero ntoko yoowunkhelaxa enimusiveliha Yave. 16Aharoni ni anamwanaawe asilopwana eceeke yooveleela enghala eyo, mene eceeke yoohikhalano eferementu vaNipuroni Nootteela*; vanipuwani na Eheema ya Muthukumano. 17Yooveleela eyo ehooxiwe ni eferementu; kohaavaha yeeyo ntoko mpattaaya wa sooveleela kireherereliwaaka Miyo vayikho. Ti yootteelaxa ntoko yooveleelela yoottheka ni yooveleelela nthowa. 18Paahi ekhapira ya asilopwana ootheene a Aharoni ti eneera eceeke yeeyo. Ti mpattaaya wa sooveleela soomveleelela Yave soorehereriwa vayikho. Ti ekano yoohimala wa ikhapira sa muhoolotho. Ootheene eniitave seiyo anoothatuwa ootteela.’” 19Yave aamweerelatho Moisesi: 20“Nihuku na ottikittheliwa wa Aharoni ni anamwanaawe asilopwana, awosa emuruuheleke Yave yooveleela ela: iliitru* piili sa ephepa yooreerela ntoko yooveleela ya irooro – vakhaani oxeexelo ni vakhaanitho oxekuwa. 21Mureherere yeeyo ni makhura vanooxeriwa, muruuheke yootakanseriwa nnenesene ni moonihere yooveleela ya irooro yoomeyanyiwa ntoko yoowunkhelaxa enimusiveliha Yave. 22Khula mwaana mulopwana a Aharoni aneera amurandele ntoko musaserdoti* oottikittheliwa, areherereke yooveleela eyo. Ti mpatta wa Yave mukanoni yoohimala ni ehisiweke woomalela. 23Khula yooveleela ya irooro ya musaserdoti* ehisiweke woomalela – eyo ehiciweru.”
Soolamulela mwaha wa sooveleelela yoottheka
24Yave aamweerela Moisesi: 25“Mwamuleele Aharoni ni anamwanaawe asilopwana: ‘Ikano mwaha wa sooveleelela yoottheka ti iya: Yooveleelela yoottheka yiiviweke vamaithoni wa Yave vanipuroni eniiveliwaayawo yooveleela yoohisa. Eyo ti yooveleela yootteelaxa. 26Musaserdoti* aneera amveleele mwaamunama amukhuureleke vaNipuroni Nootteela* – vanipuwani na Eheema ya Mutkukumano. 27Ootheene eneera etave yooveleeleene yeeyo anoothatuwa ootteela ni ephome yattonyera vakuwoni, vano ecapeliweke vaNipuroni Nootteela*. 28Mwaapu oneera waapeeliwe enama opwexiweke, vaheera yaapeeliwa mmwaapuni wa ebronze*, mwaapweene yoowo okutthiweke ni orapihiweke ni maahi. 29Khula mulopwana a mweemusini ya musaserdoti* aceeke yeeyo; ti yootteelaxa. 30Vaheera khula yooveleelela yoottheka ephomaaya eneera eruuhiwe Muheemani mwa Muthukumano weera ereherereliwe wiiwanana ni Yave vaNipuroni Nootteela*, ehikhuuriwe; eyo ehisiweke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.