Levitiku 8
8
Ikano sa okhalihiwa asaserdoti*
1Yave aamweerela Moisesi: 2“Munruuheke Aharoni ni anamwane asilopwana, ikuwosaya, makhura oottikitthelano, emombe elopwana wa yooveleelela yoottheka, anapunci eeli ni mpapara orino ipaawu soohikhalano eferementu, 3ni muthukumanyihe muloko wootheene vamulako wa Eheema ya Muthukumano*.” 4Moisesi aapaka yeeyo Yave aamulamulenlaawe ni muloko waathukumana vamulako wa Eheema ya Muthukumano*. 5Moisesi aaheerela muloko: “Ti yeeyo Yave olamulenlaawe.” 6Vano Moisesi aamweemexa Aharoni ni anamwane asilopwana ohoolo wa muthukumano, anaarapiha. 7Aangwariha Aharoni mukaandyo wa esaserdoti, anamphitelela laamba, anangwariha malaya ni mooxikootti. Owo aamphitelelatho mooxikootti ni laamba a esaserdoti. 8Aangwarihatho yoowara vakakasani iikaathiki Urimi ni Tumimi* mpatta wa yoowara ya vakakasani. 9Vahoolowaya aamutthuka ecireemba ereeneno eyuuma yoorikaxa mpatta wa ohoolo wa ecireemba, eyo tiiyo ediyadema*, ntoko Yave aamulamulenlaawe Moisesi. 10Vahoolowaya Moisesi aakuxa makhura ootteeliha anattikitthelano etabernaakulu* ni sootheene saarimo, atteelihaka seiyo. 11Owo aahaamisera altaari* imaara ithannapiili ni makhura, aattikitthelaka altaari* ni ikarumasaya sootheene vamoha ni ebasiya ni mwettwaaya weera atteelihe. 12Aamiinela mmuru mwa Aharoni makhura oottikitthelano, anamutteeliha. 13Vahoolowaya aahaaruuha ohoolo anamwane asilopwana a Aharoni, anaawariha mikaandyosaya, anaaphitelela alaamba aatthukaka icireemba, ntoko Yave aamulamulenlaawe Moisesi. 14Woottharelana aamuruuha mwaamombe wa yooveleelela yoottheka, ni Aharoni vamoha ni anamwane asilopwana yaahiikaathera matata vamuru wa mwaamombe ole. 15Moisesi aamuhita mwaamombe, anaxuweya ekatha mphomeni, anahinga manyaka ootheene a altaari* weera aatteelihe. Ephome yaahanle eyo ayeehera vathi wa altaari*. Hiiho ahaarehererela wiiwanana ni Yave. 16Moisesi aakuxatho makhura ootheene anghuruwela marupo, hapa ni miso miili ni makhura anghuruwela, anahisera valtaarini*. 17Vaheera mipatta sikina sa mwaamombe ni exapalaaya, ethai ni marupo aahisa okerekhere wa okonelingwe, ntoko Yave aamulamulenlaawe Moisesi. 18Vahoolowaya Moisesi aalamulela oruuhiwa napunci a yooveleela yoohisa, ni Aharoni vamoha ni anamwane asilopwana yaahiikaathera matata vamuruwawe. 19Vano Moisesi aamwiiva napunci, anayeehera ephome mukhwipi wa altaari*. 20Aamuthikilela napunci intthuri intthuri, anahisa muru, intthuri ni makhura. 21Aarapiha marupo ni nyetto, anamuhisera napunci ootheene valtaarini* ntoko yooveleela yoohisa, yoowunkhelaxa yoomveleelela Yave yoorehereriwa vayikho, ntoko Yave aamulamulenlaawe Moisesi. 22Woottharelana aalamulela oruuhiwa napunci mukina, yooveleelela ntteeliho, ni Aharoni vamoha ni anamwane asilopwana yaahiikaathera matata muruwaawe. 23Vanonto Moisesi aamwiiva napunci, anahinga ephome naaru noolopwana na Aharoni, vakathani etokweene yoolopwana ni ya nnaawonawe noolopwana. 24Moisesi aalamulelatho weera anamwane asilopwana a Aharoni ekhuveele ni khula mmoha a yaawosa aamuhinga ephome naaru noolopwana, vakathani etokweene yoolopwana ni ya nnaawonawe noolopwana. Vano ephome yaahanle eyo aayeehera mukhwipi wa altaari*. 25Aakuxa makhura, mwiila wooneneva, makhura ootheene anghuruwela marupo ni makhura animuhuruwela hapa ni miso miili nitho makhura anghuruwela etakhwi yoolopwana. 26Mumpaparani orino ipaawu soohikhalano eferementu waari vamaithoni wa Yave, aakuxa epaawu yoohikhalano eferementu, epaawu yooheliwa makhura ni epaawu yoozazaala, aniikaathi vamakhurani ni vatakhwini yoolopwana. 27Sootheene iya aamwinnyerera Aharoni ni anamwane asilopwana, aniinainiha seiya vamaithoni wa Yave ntoko yooveleela yoowiinainiheriwa. 28Vahoolowaya Moisesi aakuxatho seiya mmatatanimwaya, anahisa valtaarini* vasulu wa yooveleela yoohisa, ntoko yooveleelela ntteeliho, yooveleela yoowunkhelaxa enimusiveliha Yave yoorehereriwa vayikho. 29Owo aakuxatho ehoce yaari yawaweene ya napunci a ntteeliho, aniinainihera yeeyo ohoolo wa Yave ntoko yooveleela yoowiinainiheriwa, ntoko Yave aamulamulenlaawe Moisesi. 30Woottharelana Moisesi aakuxa makhura vakhaani a ottikitthelano ni ephome vakhaani yaari valtaarini*, anammiserano Aharoni ni soowarasawe sa esaserdoti ni anamwanaawe asilopwana ni soowarasaya sa esaserdoti. Hiiho aamutteeliha Aharoni ni soowarasawe sa esaserdoti ni anamwanaawe asilopwana ni soowarasaya sa esaserdoti. 31Vanonto Moisesi aamweerela Aharoni ni anamwanaawe asilopwana: “Mwaapeye enama vamulako wa Eheema ya Muthukumano*, mwacewo vamoha ni epaawu ya ebasiya ya sooveleela sa ntteeliho, ntoko kaalamulenlaaka keeraka: ‘Aharoni ni anamwane asilopwana eceeke yeeyo.’ 32Vahoolowaya muhise enama ni epaawu eneera ehale. 33Muhivenye vamulako wa Eheema ya Muthukumano* wa mahuku mathannameeli mpaka okwanela otteelihiwawanyu niwoko ehuhu ya otteelihiwawanyu enoopwaherera wa mahuku mathannameeli. 34Yeeyo epakeiye olelo elamuleliwe ni Yave weera yooreherereleni wiiwanana ni Yoowo. 35Mukhaleke vamulako wa Eheema ya Muthukumano* wa mahuku mathannameeli ootheene mpakaka yeeyo Yave ontthunaawe weera muhikhwe, niwoko ti yeeyo kilamuleliwaaka.” 36Vano Aharoni ni anamwane asilopwana yaapaka sootheene Yave aalamulenlaawe mwa Moisesi.
Currently Selected:
Levitiku 8: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Levitiku 8
8
Ikano sa okhalihiwa asaserdoti*
1Yave aamweerela Moisesi: 2“Munruuheke Aharoni ni anamwane asilopwana, ikuwosaya, makhura oottikitthelano, emombe elopwana wa yooveleelela yoottheka, anapunci eeli ni mpapara orino ipaawu soohikhalano eferementu, 3ni muthukumanyihe muloko wootheene vamulako wa Eheema ya Muthukumano*.” 4Moisesi aapaka yeeyo Yave aamulamulenlaawe ni muloko waathukumana vamulako wa Eheema ya Muthukumano*. 5Moisesi aaheerela muloko: “Ti yeeyo Yave olamulenlaawe.” 6Vano Moisesi aamweemexa Aharoni ni anamwane asilopwana ohoolo wa muthukumano, anaarapiha. 7Aangwariha Aharoni mukaandyo wa esaserdoti, anamphitelela laamba, anangwariha malaya ni mooxikootti. Owo aamphitelelatho mooxikootti ni laamba a esaserdoti. 8Aangwarihatho yoowara vakakasani iikaathiki Urimi ni Tumimi* mpatta wa yoowara ya vakakasani. 9Vahoolowaya aamutthuka ecireemba ereeneno eyuuma yoorikaxa mpatta wa ohoolo wa ecireemba, eyo tiiyo ediyadema*, ntoko Yave aamulamulenlaawe Moisesi. 10Vahoolowaya Moisesi aakuxa makhura ootteeliha anattikitthelano etabernaakulu* ni sootheene saarimo, atteelihaka seiyo. 11Owo aahaamisera altaari* imaara ithannapiili ni makhura, aattikitthelaka altaari* ni ikarumasaya sootheene vamoha ni ebasiya ni mwettwaaya weera atteelihe. 12Aamiinela mmuru mwa Aharoni makhura oottikitthelano, anamutteeliha. 13Vahoolowaya aahaaruuha ohoolo anamwane asilopwana a Aharoni, anaawariha mikaandyosaya, anaaphitelela alaamba aatthukaka icireemba, ntoko Yave aamulamulenlaawe Moisesi. 14Woottharelana aamuruuha mwaamombe wa yooveleelela yoottheka, ni Aharoni vamoha ni anamwane asilopwana yaahiikaathera matata vamuru wa mwaamombe ole. 15Moisesi aamuhita mwaamombe, anaxuweya ekatha mphomeni, anahinga manyaka ootheene a altaari* weera aatteelihe. Ephome yaahanle eyo ayeehera vathi wa altaari*. Hiiho ahaarehererela wiiwanana ni Yave. 16Moisesi aakuxatho makhura ootheene anghuruwela marupo, hapa ni miso miili ni makhura anghuruwela, anahisera valtaarini*. 17Vaheera mipatta sikina sa mwaamombe ni exapalaaya, ethai ni marupo aahisa okerekhere wa okonelingwe, ntoko Yave aamulamulenlaawe Moisesi. 18Vahoolowaya Moisesi aalamulela oruuhiwa napunci a yooveleela yoohisa, ni Aharoni vamoha ni anamwane asilopwana yaahiikaathera matata vamuruwawe. 19Vano Moisesi aamwiiva napunci, anayeehera ephome mukhwipi wa altaari*. 20Aamuthikilela napunci intthuri intthuri, anahisa muru, intthuri ni makhura. 21Aarapiha marupo ni nyetto, anamuhisera napunci ootheene valtaarini* ntoko yooveleela yoohisa, yoowunkhelaxa yoomveleelela Yave yoorehereriwa vayikho, ntoko Yave aamulamulenlaawe Moisesi. 22Woottharelana aalamulela oruuhiwa napunci mukina, yooveleelela ntteeliho, ni Aharoni vamoha ni anamwane asilopwana yaahiikaathera matata muruwaawe. 23Vanonto Moisesi aamwiiva napunci, anahinga ephome naaru noolopwana na Aharoni, vakathani etokweene yoolopwana ni ya nnaawonawe noolopwana. 24Moisesi aalamulelatho weera anamwane asilopwana a Aharoni ekhuveele ni khula mmoha a yaawosa aamuhinga ephome naaru noolopwana, vakathani etokweene yoolopwana ni ya nnaawonawe noolopwana. Vano ephome yaahanle eyo aayeehera mukhwipi wa altaari*. 25Aakuxa makhura, mwiila wooneneva, makhura ootheene anghuruwela marupo ni makhura animuhuruwela hapa ni miso miili nitho makhura anghuruwela etakhwi yoolopwana. 26Mumpaparani orino ipaawu soohikhalano eferementu waari vamaithoni wa Yave, aakuxa epaawu yoohikhalano eferementu, epaawu yooheliwa makhura ni epaawu yoozazaala, aniikaathi vamakhurani ni vatakhwini yoolopwana. 27Sootheene iya aamwinnyerera Aharoni ni anamwane asilopwana, aniinainiha seiya vamaithoni wa Yave ntoko yooveleela yoowiinainiheriwa. 28Vahoolowaya Moisesi aakuxatho seiya mmatatanimwaya, anahisa valtaarini* vasulu wa yooveleela yoohisa, ntoko yooveleelela ntteeliho, yooveleela yoowunkhelaxa enimusiveliha Yave yoorehereriwa vayikho. 29Owo aakuxatho ehoce yaari yawaweene ya napunci a ntteeliho, aniinainihera yeeyo ohoolo wa Yave ntoko yooveleela yoowiinainiheriwa, ntoko Yave aamulamulenlaawe Moisesi. 30Woottharelana Moisesi aakuxa makhura vakhaani a ottikitthelano ni ephome vakhaani yaari valtaarini*, anammiserano Aharoni ni soowarasawe sa esaserdoti ni anamwanaawe asilopwana ni soowarasaya sa esaserdoti. Hiiho aamutteeliha Aharoni ni soowarasawe sa esaserdoti ni anamwanaawe asilopwana ni soowarasaya sa esaserdoti. 31Vanonto Moisesi aamweerela Aharoni ni anamwanaawe asilopwana: “Mwaapeye enama vamulako wa Eheema ya Muthukumano*, mwacewo vamoha ni epaawu ya ebasiya ya sooveleela sa ntteeliho, ntoko kaalamulenlaaka keeraka: ‘Aharoni ni anamwane asilopwana eceeke yeeyo.’ 32Vahoolowaya muhise enama ni epaawu eneera ehale. 33Muhivenye vamulako wa Eheema ya Muthukumano* wa mahuku mathannameeli mpaka okwanela otteelihiwawanyu niwoko ehuhu ya otteelihiwawanyu enoopwaherera wa mahuku mathannameeli. 34Yeeyo epakeiye olelo elamuleliwe ni Yave weera yooreherereleni wiiwanana ni Yoowo. 35Mukhaleke vamulako wa Eheema ya Muthukumano* wa mahuku mathannameeli ootheene mpakaka yeeyo Yave ontthunaawe weera muhikhwe, niwoko ti yeeyo kilamuleliwaaka.” 36Vano Aharoni ni anamwane asilopwana yaapaka sootheene Yave aalamulenlaawe mwa Moisesi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.