1 aKorinto 3
3
Ohiiwanana mukerexani
1Axunnaka, nkiwenre wuuluma ni nyuwo ntoko atthu a mmunepani, mene ntoko atthu a erutthuru, ntoko anamwane mwa Kristu. 2Nkiwenre woovahani yooca yoolipa, niwoko nyuwo mwannawera owura mukaka paahi. Mwa yeeyo mpaka vaanaano vaava khamungwera, 3niwoko muri atthu a erutthuru. Vano, woonaka weera nookhala nrima ni ohiiwanana variyariwanyu, khamuhiyono atthu a erutthuru, mupakaka ntoko amalapo? 4Akhala mukina oneera: “Miyo ti a Pawulo,” ni mukina oneera: “Miyo ti a Apolo,” khamuhiyono a erutthuru? 5Woomaleloni, nneereke Apolo taani? Pawulo taani? Ari arumeiyi paahi, yookhavihenreni ororomela. Ni awo ooweeli aapaka yeeyo Apwiya yaarumalaaya paahi. 6Miyo kaaphatteiya, Apolo aahelela, mene ti Muluku unnuwihale, 7moota wooweera hata yoowo omphatteiya, naari yoowo onghelela ori oottittimiheya, mene Muluku mmoharu paahi unnuwihale. 8Yoowo omphatteiya ni yoowo onghelela ankhalano otthuna omoharu paahi, ni ooweeli eniiphwanye ntthuvelonaya, ntoko muteko ovanraawe. 9Vano, hiyo nri anamiteko a Muluku. Nyuwo muri ematta nitho yootekiwa ya Muluku. 10Mwa mahala a Muluku okivanghaawe, miyo kaapaka mathipelo ntoko namateka oosuwela, ni mukina onteka vasulu wa yaawo, mene khula mutthu awehexexeke nnenesene matekelo oneeraawe. 11Khaawo ongwera othipa mathipelo makina, ehikhanle yaale apacereriwe, eyo tiiyo Yesu Kristu. 12Vasulu wa yeeyo khula mutthu onoowera oteka ni iyuuma sooreeraxa, hoye hoye maluku ootthuneyaxa, hoye hoye miri, hoye hoye malaxi, hoye hoye mitathi, 13mene muteko wa khula mutthu oniwoonihereye, niwoko nihuku nno muteko owo ngwiruuheliwe waara. Ngwithupululiwe ni mooro, ni mooro owo oniweerere mikhalelo sa miteko sa atthu ootheene. 14Yeeyo mukina otenkaawe yalekela, owo onimwaakhela ntthuvelonawe. 15Yeeyo mukina otenkaawe yasa, anaahaawe mooyeleelani iwo, wa soothesene anaavuluxiwe ntoko mukina onoopowa avinreene mmooroni. 16Nyuwo khamusuwenle weera muri Empa ya Muluku, ni weera Munepa wa Muluku onkhala mwa nyuwo? 17Akhala mukina omphwata Empa ya Muluku, owo anaaphwatiwe ni Muluku, niwoko Empa ya Muluku ti yootteelihiwa, ni nyuwo muri Empeene yeeyo. 18Muhiilokotthe. Mmoha a nyuwo uupuwela weera ti oosuwela ophimiwa ni ekhalelo ya ehuhu ela, ontthuneya wiitatuxa nsikini weera atatuxiwe musuweli, 19niwoko miruku sa amalapo ti osikineya vamaithoni wa Muluku. Vano yoolempwa: “Muluku onnaavara asuweli moolokotthanimwaaya.” 20Nitho: “Apwiya ansuwela weera soowuupuwela sa asuweli siri sa ethiru.” 21Tivawo, ahikhale mukina aneera avuwihe mwa atthu. Itthu sootheene ti sawinyu – 22hata akhalaka Pawulo, Apolo, Kefasi, elapo, okumi, okhwa, sa vaanaano, hoye hoye sa muhoolo – sootheene ti sawinyu, 23ni nyuwo muri a Kristu, ni Kristu a Muluku.
Currently Selected:
1 aKorinto 3: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
1 aKorinto 3
3
Ohiiwanana mukerexani
1Axunnaka, nkiwenre wuuluma ni nyuwo ntoko atthu a mmunepani, mene ntoko atthu a erutthuru, ntoko anamwane mwa Kristu. 2Nkiwenre woovahani yooca yoolipa, niwoko nyuwo mwannawera owura mukaka paahi. Mwa yeeyo mpaka vaanaano vaava khamungwera, 3niwoko muri atthu a erutthuru. Vano, woonaka weera nookhala nrima ni ohiiwanana variyariwanyu, khamuhiyono atthu a erutthuru, mupakaka ntoko amalapo? 4Akhala mukina oneera: “Miyo ti a Pawulo,” ni mukina oneera: “Miyo ti a Apolo,” khamuhiyono a erutthuru? 5Woomaleloni, nneereke Apolo taani? Pawulo taani? Ari arumeiyi paahi, yookhavihenreni ororomela. Ni awo ooweeli aapaka yeeyo Apwiya yaarumalaaya paahi. 6Miyo kaaphatteiya, Apolo aahelela, mene ti Muluku unnuwihale, 7moota wooweera hata yoowo omphatteiya, naari yoowo onghelela ori oottittimiheya, mene Muluku mmoharu paahi unnuwihale. 8Yoowo omphatteiya ni yoowo onghelela ankhalano otthuna omoharu paahi, ni ooweeli eniiphwanye ntthuvelonaya, ntoko muteko ovanraawe. 9Vano, hiyo nri anamiteko a Muluku. Nyuwo muri ematta nitho yootekiwa ya Muluku. 10Mwa mahala a Muluku okivanghaawe, miyo kaapaka mathipelo ntoko namateka oosuwela, ni mukina onteka vasulu wa yaawo, mene khula mutthu awehexexeke nnenesene matekelo oneeraawe. 11Khaawo ongwera othipa mathipelo makina, ehikhanle yaale apacereriwe, eyo tiiyo Yesu Kristu. 12Vasulu wa yeeyo khula mutthu onoowera oteka ni iyuuma sooreeraxa, hoye hoye maluku ootthuneyaxa, hoye hoye miri, hoye hoye malaxi, hoye hoye mitathi, 13mene muteko wa khula mutthu oniwoonihereye, niwoko nihuku nno muteko owo ngwiruuheliwe waara. Ngwithupululiwe ni mooro, ni mooro owo oniweerere mikhalelo sa miteko sa atthu ootheene. 14Yeeyo mukina otenkaawe yalekela, owo onimwaakhela ntthuvelonawe. 15Yeeyo mukina otenkaawe yasa, anaahaawe mooyeleelani iwo, wa soothesene anaavuluxiwe ntoko mukina onoopowa avinreene mmooroni. 16Nyuwo khamusuwenle weera muri Empa ya Muluku, ni weera Munepa wa Muluku onkhala mwa nyuwo? 17Akhala mukina omphwata Empa ya Muluku, owo anaaphwatiwe ni Muluku, niwoko Empa ya Muluku ti yootteelihiwa, ni nyuwo muri Empeene yeeyo. 18Muhiilokotthe. Mmoha a nyuwo uupuwela weera ti oosuwela ophimiwa ni ekhalelo ya ehuhu ela, ontthuneya wiitatuxa nsikini weera atatuxiwe musuweli, 19niwoko miruku sa amalapo ti osikineya vamaithoni wa Muluku. Vano yoolempwa: “Muluku onnaavara asuweli moolokotthanimwaaya.” 20Nitho: “Apwiya ansuwela weera soowuupuwela sa asuweli siri sa ethiru.” 21Tivawo, ahikhale mukina aneera avuwihe mwa atthu. Itthu sootheene ti sawinyu – 22hata akhalaka Pawulo, Apolo, Kefasi, elapo, okumi, okhwa, sa vaanaano, hoye hoye sa muhoolo – sootheene ti sawinyu, 23ni nyuwo muri a Kristu, ni Kristu a Muluku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.