1 aKorinto 4
4
Arummwa a Kristu
1Vanonto, atthu yuupuweleke weera nri arumeiyi a Kristu ni noovahereriwa matikhinelo a Muluku. 2Ontthuneya weera ootheene oovahereriwa ohoolela ekhale oororomeleya. 3Nkimpwattha othorihiwa ni nyuwo, hoye hoye ni akhalaru a alipa oowuuluma milattu. Mwa yeeyo, hata miyo nkiniithoriha mwaneenaakaru. 4Hata soowuupuwelasakatho khasinkoothera naari etthu, nkiniixeerela oowaakhuleliwa ni Muluku, niwoko Yoowo onkithoriha ti Muluku. 5Tivawo muhithorihe etthu ehinaaye ehuhu yootthuneyaxa. Muweherereke mpaka Apwiya eneeraaya ewe. Awo eniimwaleele yeeyo eri yoowiipitheya mpiphini, ni eniyoonihere soowuupuwela sa mirima. Ehuhuweene yeeyo khula mutthu anaakhale ottottopeliwawawe wa Muluku. 6Axunnaka, ti niwoko na nyuwo miyo kooleenlaakani yeeyo mwaha wa miyo ni Apolo, weera nyuwo muxuttere wa hiyo yoolempwa ela: “Muhipwahe yeeyo elempwale.” Hiiho khamunrowa omunnuwiha mutthu mmoha ni omuramusa mukina. 7Vano, taani ongweerelani weera nyuwo moovirikana ni akina? Eheeni muraanyuno muhaakhenlaanyu? Ni mwaakhenleene, heeni muniixooniheraanyu ntoko khamwaakhenle? 8Nyuwo mookhalano sootheene muntthunaanyu! Mooreela! Moovariwa omwene nihikhanle hiyo. Keenre miyo katthuna weera mwaakhanle mamwene a ekhaikhai, weera hiyo nilamuletho ni nyuwo! 9Vano, kinoona ntoko Muluku oniiyaathiye hiyo arummwa nipuro nookisera ntoko oothoriheliwa okhwa, niwoko nooniheriwe wa elapo ya vathi yootheene, hiiho wa ndyelo, hiihotho wa atthu. 10Hiyo anaanepa niwoko na Kristu, vaheera nyuwo muri asuweli mwa Kristu! Hiyo nri oohilipa, vaheera nyuwo oolipa. Nyuwo muri oottittimihiwa, vaheera nri ooramusiwa. 11Mpaka vaanaano vaava ninnahaawa ni etala, ntthona ni soowara. Ninnihasuliwa, khaninono nipuro nookilaathi, ni 12nimvara muteko woovihaxa ni matataahu. Akina yaanilaphaka, hiyo ninnaareeliha. Naattharatthariwaka, ninnavilela. 13Naapiwaka, ninnaakhula ni masu ooreera. Mpaka vaanaano va ninooniwa ntoko nimpheeru, aani, ntoko ikokhola sa elapo ya vathi. 14Nkineerera owuulihihani muru kaalepaka itthu iya, mene kinoolakani ntoko anamwanaaka oosiveleya. 15Mwaari mweeraru mukhalanneene ahusiha macira macireene muloko mwa Kristu, khamunonotho asitiithi ancipale, niwoko miyo kooyanreni mwa Yeesu Kristu ni masu ooreeraxa. 16Tivawo kinoodyoonttelelaakani weera mukitakiheke. 17Niwoko nenenenna kinoorumihelani Timootheyo, mwanaka oosiveleya ni oororomeleya mwa Apwiya. Owo anaawuupuxereni mweettelowaaka mwa Kristu, ntoko miyo kinxuttihaaka wa ilapo ni ikerexa sootheene. 18Akina a nyuwo aathatuwa oowiixoona, ntoko miyo kihooxekurenitho. 19Vano, nkirowe woowaakuveya, Apwiya yakitthunihera. Ehuhuweene yeeyo, nkisuwele khoohiyono paahi yeeyo anuulumaaya anamwiixoona ale, menetho ikurusaya, 20niwoko omwene wa Muluku khoohiyono wa masu, mene wa ikuru. 21Muntthuna eheeni? Miyo kiroweke wa nyuwo ni ekwamba, hoye hoye ni osivela ni munepa woomaala?
Currently Selected:
1 aKorinto 4: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
1 aKorinto 4
4
Arummwa a Kristu
1Vanonto, atthu yuupuweleke weera nri arumeiyi a Kristu ni noovahereriwa matikhinelo a Muluku. 2Ontthuneya weera ootheene oovahereriwa ohoolela ekhale oororomeleya. 3Nkimpwattha othorihiwa ni nyuwo, hoye hoye ni akhalaru a alipa oowuuluma milattu. Mwa yeeyo, hata miyo nkiniithoriha mwaneenaakaru. 4Hata soowuupuwelasakatho khasinkoothera naari etthu, nkiniixeerela oowaakhuleliwa ni Muluku, niwoko Yoowo onkithoriha ti Muluku. 5Tivawo muhithorihe etthu ehinaaye ehuhu yootthuneyaxa. Muweherereke mpaka Apwiya eneeraaya ewe. Awo eniimwaleele yeeyo eri yoowiipitheya mpiphini, ni eniyoonihere soowuupuwela sa mirima. Ehuhuweene yeeyo khula mutthu anaakhale ottottopeliwawawe wa Muluku. 6Axunnaka, ti niwoko na nyuwo miyo kooleenlaakani yeeyo mwaha wa miyo ni Apolo, weera nyuwo muxuttere wa hiyo yoolempwa ela: “Muhipwahe yeeyo elempwale.” Hiiho khamunrowa omunnuwiha mutthu mmoha ni omuramusa mukina. 7Vano, taani ongweerelani weera nyuwo moovirikana ni akina? Eheeni muraanyuno muhaakhenlaanyu? Ni mwaakhenleene, heeni muniixooniheraanyu ntoko khamwaakhenle? 8Nyuwo mookhalano sootheene muntthunaanyu! Mooreela! Moovariwa omwene nihikhanle hiyo. Keenre miyo katthuna weera mwaakhanle mamwene a ekhaikhai, weera hiyo nilamuletho ni nyuwo! 9Vano, kinoona ntoko Muluku oniiyaathiye hiyo arummwa nipuro nookisera ntoko oothoriheliwa okhwa, niwoko nooniheriwe wa elapo ya vathi yootheene, hiiho wa ndyelo, hiihotho wa atthu. 10Hiyo anaanepa niwoko na Kristu, vaheera nyuwo muri asuweli mwa Kristu! Hiyo nri oohilipa, vaheera nyuwo oolipa. Nyuwo muri oottittimihiwa, vaheera nri ooramusiwa. 11Mpaka vaanaano vaava ninnahaawa ni etala, ntthona ni soowara. Ninnihasuliwa, khaninono nipuro nookilaathi, ni 12nimvara muteko woovihaxa ni matataahu. Akina yaanilaphaka, hiyo ninnaareeliha. Naattharatthariwaka, ninnavilela. 13Naapiwaka, ninnaakhula ni masu ooreera. Mpaka vaanaano va ninooniwa ntoko nimpheeru, aani, ntoko ikokhola sa elapo ya vathi. 14Nkineerera owuulihihani muru kaalepaka itthu iya, mene kinoolakani ntoko anamwanaaka oosiveleya. 15Mwaari mweeraru mukhalanneene ahusiha macira macireene muloko mwa Kristu, khamunonotho asitiithi ancipale, niwoko miyo kooyanreni mwa Yeesu Kristu ni masu ooreeraxa. 16Tivawo kinoodyoonttelelaakani weera mukitakiheke. 17Niwoko nenenenna kinoorumihelani Timootheyo, mwanaka oosiveleya ni oororomeleya mwa Apwiya. Owo anaawuupuxereni mweettelowaaka mwa Kristu, ntoko miyo kinxuttihaaka wa ilapo ni ikerexa sootheene. 18Akina a nyuwo aathatuwa oowiixoona, ntoko miyo kihooxekurenitho. 19Vano, nkirowe woowaakuveya, Apwiya yakitthunihera. Ehuhuweene yeeyo, nkisuwele khoohiyono paahi yeeyo anuulumaaya anamwiixoona ale, menetho ikurusaya, 20niwoko omwene wa Muluku khoohiyono wa masu, mene wa ikuru. 21Muntthuna eheeni? Miyo kiroweke wa nyuwo ni ekwamba, hoye hoye ni osivela ni munepa woomaala?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.