1 aKorinto 2
2
1Axunnaka, wa miyo, kaarwiiyaaka wa nyuwo koolaleerakani ntikhinelo na Muluku, nkaarwiiye ni masu oowaatta, hata ni miruku soowaatta. 2Vano kaaraaka eriyaraanyu, kaalakela weera nkimpwatthelaru etthu ekina, ahikhanle Yeesu Kristu, ni Owo oothomeiwa. 3Kaari oohilipa variyariwanyu, koovaka ni kithukumelaka. 4Mmutthenganimwaka ni moolaleiyanimwaka nkeerenre woowinani ni masu a miruku sa atthu, mene maswaaka ni olaleiyawaka waari woonihera wa ikuru sa Munepa, 5weera nroromelonanyu nihikhalihiwe mmirukuni sa atthu, mene mukuruni sa Muluku.
Miruku sinrweela wa Munepa
6Vano nnuuluma miruku variyari wa asitokweene. Miruku iya khasihiyono sa ehuhu ela, naari sa anamalamula a ehuhu ela, niwoko mirukusaya iyo sinoophiya sa siiyo. 7Ohiyanawaya, nnuuluma sa miruku sa Muluku, eyo tiiyo, ntikhinelo naari noowiipithiheya. Nno Muluku oolamulela wa ovuwawahu ehinaaye epacerero ya ehuhu. 8Khaawo naari namalamula mmoha a ehuhu ela iiwexenxe miruku iye, niwoko yiiwexenxe, saano ehaathomeiye Apwiya a ovuwa. 9Wa soothesene, ntoko elempwalaaya: “Itthu niitho nihoonalaaya, ni naaru nihiiwalaaya, ni ohuupuwenlaawe mutthu, ti seiyo Muluku aarehererenlaawe yaawo animusivela.” 10Muluku oonithupululela yeeyo niwoko na Munepa Wootteela. Munepa Wootteela omphima itthu sootheene mpaka itthu soowiixeraxa sa Muluku. 11Vano, eriyari ya atthu, taani osuwenle itthu sa mutthu, ohikhanle munepa ori mwa yoowo? Ni hiihaawotho, khaawo osuwenle itthu sa Muluku, ohikhanle Munepa Wootteela. 12Wa soothesene, hiyo khannaakhela munepa wa elapo ya vathi, mene Munepa ongwa wa Muluku. Hiiho ninniiwexexa itthu Muluku onivanghaawe sa mahala. 13Mwa seiyotho ninnuuluma ni masu ooxuttihiwa ni Munepa Wootteela, ohiya toko masu a miruku sa mutthu. Hiiho ninnathalihera ikhaikhai sa mmunepani wa yaawo ari a mmunepani. 14Mutthu ohikhanleno Munepa Wootteela, khanaakhulela itthu singwa wa Munepa wa Muluku, niwoko siri sa anepa wa yoowo. Owo khangwera wiiwexexa itthu iyo, niwoko ontthuneya ophima iyo ni ekhalelo ya mmunepani. 15Mutthu a mmunepani onthoriha itthu sootheene, mene owo muneenaawe khaawo onimuthoriha, niwoko: 16“Taani asuwenle soowuupuwela sa Apwiya weera aaxuttihe?” Vano, hiyo nookhalano soowuupuwela sa Kristu.
Currently Selected:
1 aKorinto 2: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
1 aKorinto 2
2
1Axunnaka, wa miyo, kaarwiiyaaka wa nyuwo koolaleerakani ntikhinelo na Muluku, nkaarwiiye ni masu oowaatta, hata ni miruku soowaatta. 2Vano kaaraaka eriyaraanyu, kaalakela weera nkimpwatthelaru etthu ekina, ahikhanle Yeesu Kristu, ni Owo oothomeiwa. 3Kaari oohilipa variyariwanyu, koovaka ni kithukumelaka. 4Mmutthenganimwaka ni moolaleiyanimwaka nkeerenre woowinani ni masu a miruku sa atthu, mene maswaaka ni olaleiyawaka waari woonihera wa ikuru sa Munepa, 5weera nroromelonanyu nihikhalihiwe mmirukuni sa atthu, mene mukuruni sa Muluku.
Miruku sinrweela wa Munepa
6Vano nnuuluma miruku variyari wa asitokweene. Miruku iya khasihiyono sa ehuhu ela, naari sa anamalamula a ehuhu ela, niwoko mirukusaya iyo sinoophiya sa siiyo. 7Ohiyanawaya, nnuuluma sa miruku sa Muluku, eyo tiiyo, ntikhinelo naari noowiipithiheya. Nno Muluku oolamulela wa ovuwawahu ehinaaye epacerero ya ehuhu. 8Khaawo naari namalamula mmoha a ehuhu ela iiwexenxe miruku iye, niwoko yiiwexenxe, saano ehaathomeiye Apwiya a ovuwa. 9Wa soothesene, ntoko elempwalaaya: “Itthu niitho nihoonalaaya, ni naaru nihiiwalaaya, ni ohuupuwenlaawe mutthu, ti seiyo Muluku aarehererenlaawe yaawo animusivela.” 10Muluku oonithupululela yeeyo niwoko na Munepa Wootteela. Munepa Wootteela omphima itthu sootheene mpaka itthu soowiixeraxa sa Muluku. 11Vano, eriyari ya atthu, taani osuwenle itthu sa mutthu, ohikhanle munepa ori mwa yoowo? Ni hiihaawotho, khaawo osuwenle itthu sa Muluku, ohikhanle Munepa Wootteela. 12Wa soothesene, hiyo khannaakhela munepa wa elapo ya vathi, mene Munepa ongwa wa Muluku. Hiiho ninniiwexexa itthu Muluku onivanghaawe sa mahala. 13Mwa seiyotho ninnuuluma ni masu ooxuttihiwa ni Munepa Wootteela, ohiya toko masu a miruku sa mutthu. Hiiho ninnathalihera ikhaikhai sa mmunepani wa yaawo ari a mmunepani. 14Mutthu ohikhanleno Munepa Wootteela, khanaakhulela itthu singwa wa Munepa wa Muluku, niwoko siri sa anepa wa yoowo. Owo khangwera wiiwexexa itthu iyo, niwoko ontthuneya ophima iyo ni ekhalelo ya mmunepani. 15Mutthu a mmunepani onthoriha itthu sootheene, mene owo muneenaawe khaawo onimuthoriha, niwoko: 16“Taani asuwenle soowuupuwela sa Apwiya weera aaxuttihe?” Vano, hiyo nookhalano soowuupuwela sa Kristu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.