Akolosai 4

1Nanyee akuu, vatendei atughwa, vanyu tutë ija, ëse mumanyie nanyee noo mukweti Müküü girunde.

Maraghëëyo

2Fwaghëi u marombi, na ëse mughedie në muromba kunu mu murumba Muungu. 3Na mugurombee na sesenoo Muungu adahe ugurughuëra gënyamwango gusoko a ukhani wakwe, gutanantye gëmpihë gamwa Kiristo na gusoko asëë nene itungwee ngugitungo. 4Uvii, nene nëdahe uraghëëra laa, mwino nene inoneye, urighëëtya.

5Mwenende ëse mwina mahaa usonge a vasaa në vatimuhuvëe Kiristo, mutumëe ija muu itungo në nyenye murëhanga. 6Nkhani yanyu inoneye matiku oong'e ëse njija na ikwatie munyu, na nyenye inoneye mumanye mwino inoneye umusucha mu muntu isucho në riija.

7Tikiko ujie umukhanëa nyenye nkhani yane yoong'e. Mweeso muuna witu në muyanjwi na mutumami në muhuvëi na mutenda mwëëmo muyane kunë Müküü. 8Namutumie mweeso kunë nyenye gusoko a soko ëyëyë. Gusoko nyenye mudahe umanya mwino chu sese guurë na mweeso adahe umukhamia nkhoo yanyu. 9Na mweeso itambëëmwedu na Onesimo, në muhuvëi nanë muuna witu munyanjwi, na wakhanyu aghonjo. Veeso vëumukhanëa mu gëntu nëgëutendekaa hafai. 10Arisitariko muyanjwi wane mutungwa ugumuramucha nyenye, na Mariko binamu#4:10 Binamu: Mwana wamwa mujomba. wamwa Barinaba (në nyenye mwahangie maraghëëyo në amughokee nëmbesa mweeso waja kunë nyenye, mu mughenyife mweeso), 11na Yesu uyuo nëugwëtaanwa Yusito. Antu avai nëvatuwe ihungu na avai gutufu nëvëutenda mwëëmo itambëëmwe gusoko a utemi wa Muungu, na veeso vatendie afefeheyi kunë nene. 12Efafura, në muntu waukhanyu, mutumwa wamwa Kiristo Yesu, ugumuramucha nyenye, matiku oong'e umukumbukiwe nyenye, utintare u marombi, akwe, uvii nyenye mwimëke mwakhamu gi na mukhondeke mu umanyi wa mafenji oong'e a Muungu. 13Gusoko ngumusudangëa mweeso mwino chu utintare utenda mwëëmo gusoko anyu na gusoko antu va uLaodekia na va uHierafoli. 14Luka mughanga witu muyanjwi na Dema vëumuramucha nyenye. 15Varamuchi aruuna viitu në vëkuuko u Laodekia nanë ve u Nimufa na kanisa në rë unyumba akwe. 16Na keeti ëyëë në asomwa mukhatë anyu, isomwenoo ukanisa ra uLaodekia. Na mwoone mwino chu yenye mwasomanoo keeti në ëfumie uLaodekia. 17Na mukhanëi Arkifo “Ukhwekeye ija umarëya mwëmo në veve waufiwe muutumami wa Müküü.”

18Nene, Faulo naandëkie iramucho ërëi na mukhono wane nene mughonjo. Kumbukwë gëtungo gane. Mboto ikhae nanyee.

Currently Selected:

Akolosai 4: RNT

Highlight

Copy