Psalm 91
91
God, Mwe Loango Lasr
1El su som nu yurin LEUM GOD in suk misla,
Su muta ye lulin poun God Kulana,
2El ku in fahk nu sel,
“Kom mwe loeyuk ac lango luk.
Kom God luk, ac nga lulalfongi in kom.”
3El fah karingin kom liki mwe ongoiya su oan in lukma,
Ac liki kutena mas keok.
4El fah afinkomi ke posohksok lal.
Kom fah moulla ke karinginyuk lal.
Pwaye lal ac fah mwe loeyuk lom ac mwe karingin lom.
5Kom fah tia sangeng ke kutena mwe sensen ke fong
Ku ke mwe ngal ke len,
6Ku ke mwe misa in lohsr uh,
Ku ke ma koluk su sikyak ke len.
7Sahp sie tausin ac fah misa siskom
Ku ngoul tausin raunikomla,
Tusruktu kom ac fah tia sis kutena ma.
8Kom fah ngetang ac liye
Ouiyen kaiyuk nu sin mwet koluk.
9Kom oru tuh LEUM GOD Elan mwe loango lom,
El su Fulatlana El nien muta lom.
10Ke ma inge wangin ma koluk fah tuku nu fom,
Wangin mwe kunausla fah apkuran nu inkul sum.
11God El fah sap lipufan lal in liyekomyang
Ac karingin kom yen nukewa kom fahsr nu we.#Mt 4:6; Lk 4:10
12Elos fah kafiskomyak inpaolos
Tuh niom fah tia ngalyak fin eot uh.#Mt 4:6; Lk 4:11
13Kom ac fah lolongya lion ac wet,
Aok, lion sulallal ac wet pwasin.#Lk 10:19
14God El fahk, “Nga ac fah molelos su lungse nga,
Ac karinganulos su akilenyu lah nga LEUM GOD.
15Ke elos pang nu sik, nga fah topkolos;
Ke elos sun mwe ongoiya, nga fah muta yorolos,
Nga fah molelosla ac akfulatyalos.
16Nga ac fah sang moul loes nu selos
Ac molelosla.”
Currently Selected:
Psalm 91: KOS
Highlight
Copy
Compare
Share
Want to have your highlights saved across all your devices? Sign up or sign in
This text is in the Public Domain due to copyright expiration.
