Yuda Mbaa naaituruku
Mbaa naaituruku
Kore naibala tana palai naa kelio ajo Yuda lalache le Yakobo oigero. Kore ele Yakobo naa meata ajo mara ilo arikoni otining'ie oleng le nkanisa e Yerusalem, oara apa lalache le Yeso nera sii laigeroni le mbuku e Yakobo. Kebaki nera apa Yuda kini taatua lalachera oong'uan le Yeso. Ana nikidol taatua Matayo 13:55.
Kore ana palai naa keata mbaa nainyinyukore ne mpalai e Petero le oare, neidimai metaa keigeroki tesiedi inia palai. Amu kore te lkereri le 18, naa keimaka Petero le oare 3:3, naaku keitodolu ajo keyielo apa ninye Petero le oare. Naa ketaasichere ninye rerei le tipat obo loo Lgirriki laa Petero le oare 3:3 o Yuda lkereri 18 ake apeny etumieki. Keidimai sii aitoki metaa kore Petero o Yuda naa keigero lomon le nkutuk ootining'o lkipaareta eiteng'enicho. Kore ntoki e nking'asia too kuna pala naa mbaa naanyinyuk tene too nkutuk ee Lgirriki neitodolu ajo keigero Yuda lomon le Petero, kake kejo lkulikae Petero oigero lomon le Yuda.
Kore kulie baa naigero Yuda naa keing'uaa mbuku e Enok, naayieloi apa inia kata taatua Lyiaudi o le Kristo loo Lyiaudi. Kake mara apa mbuku e Enok mbuku naidim ataa kepiki atua Bibilia. Keigero Yuda lomon le Enok te lkereri le 14-15.
Keitogolo Yuda lairukok le Kristo payie eitalam ate laiteng'enak le sapare oojing atua nkanisa neitodoyio nkurukoto ee ltung'ana tankaraki nkiteng'ena enche e sapare o nkoitiei enche nemeiting'id Nkai. Keiguanare ninche ꞉Nkai. Kake keyiere payie eaku ninche loaata lng'er too loaachal o lolo ooitanyamalita ꞉lng'ach. Neyiere sii payie enyok aaitogol nkichon enche to nkurukoto.
Currently Selected:
Yuda Mbaa naaituruku: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy