2 Timoti 2
2
Sina tankaraki Lomon Supati
1Naaku kore naa iyie nkerai ai, togolo taatua munyani natumi taatua Kristo Yeso. 2Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae. 3Naa tama sina tenebo o nanu ana sikarii supat le Kristo Yeso. 4Meatae hoo sikarii oti siaai oirrana aas lkulie siaaitin lamara ake ilo oigerokaki. Amu kore nayieu ninye naa payie eiting'id ilo kitok lenye. 5Kore ilo okuet neisul te nkueteta naa meitoki etum, tenemekuet ana nayieu nkitanapat e inia kuetata. 6Kore ltung'ani onyok aas siaai la lchampa, naa ninye lekue oyieri payie etum orati e ndung'ure. 7Taparrai najoito, amu ikincho iyie Laitoriani ng'eno taa mbaa pooki.
8Taparru Yeso Kristo, oitipiwuaki taatua lootuata nera laa lmakui le Daudi ana nejo Lomon Supati lalikorita. 9Kore tankaraki nalikorita kulo Omon Supati naanya sina ana maateeni eji kara laitarruoni. Kake meena rerei le Nkai. 10Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi. 11Kore ele rerei naa keirukoi:
Tanaa ikituata apa tenebo o ninye,
naa ikintoki kenya aaichu tenebo o ninye.
12 #
Mat 10:33; Luka 12:9 Tanaa iking'iri,
naa ikintoricho kenya tenebo o ninye.
Naa tanaa ikimiki ninye, nemiki sii kenya ninye iyioo.
13Naa tinimikisiligai iyioo,
naa keisiligai ake ninye nkata pooki,
amu meidim atanya ajo mera ilo oara.
꞉Laisiaayiani oiting'id Nkai
14Ntaparru ltung'ana kuna baa, nintaarriyianicho oleng tekue Nkai, payie meichankara aanya larrabal loo rereii. Kore inia chankar, naa ne pecheu, neitarruoo lolo ooning. 15Tonyuaa taa ilo oatachamayie Nkai, ilo aisiaayiani lemenya anyit, olimu aitibiraki rerei le ndedei. 16Topong'o mbaa naanya ltung'ana nemeata tipat, amu kore lolo pooki otii atua nenia baa naa keitalam ate Nkai oleng. 17Naa kore rerei lenche, nebulaa ana moyian naji nayiengi. Kore atua lolo tung'ana, naa ketii Imenayo o Pileto. 18Ketung'aitie ninche ndedei near nkurukoto ee lkulikae, ejoito keidipa mpiunoto ee lootuata ataasai.
19 #
Nki 16:5
Kake kore nkitamanyunoto nemeigusugus natuuno ꞉Nkai naa keitache, neata kulo kigerot oojo, <<Keyielo ꞉Laitoriani lolo oara lenyena>> naa <<Kore pooki ng'ae oipot nkarna e Laitoriani, keyiere nelam mbaa torrok.>>
20Kore atua nkaji kitok naa mara ake masaa e saabu o ne nkocholai naatii, kake ketii sii noo nkeek o ne mparpar. Keasieki mbata siaai e tipat neasieki nkulikae siaai lamara le tipat. 21Kore pooki ng'ae oitoorere koon nenia tokitin torrok, naa keaku masaaita naasieki siaai le tipat, naitaaki sinyati, nera ne reto to lkitok lenye, neidim lkitok lenye ataasichere te siaai pooki supat. 22Talama ng'uarrat torrok ee ltung'ana leleru, ninyok aaku ltung'ani loosipat, oisiligai, niata nchaman o seriani, tenebo o ꞉lolo ooipot Laitoriani taa ltauja supati. 23Tapaachere rereii le madai oiro ltung'ana meata sipata amu iyielo ajo keyau larrabal. 24Naa kore laisiaayiani la Laitoriani meyiere payie enya larrabal, kake payie eaku ltung'ani oibor ocheke to pooki ng'ae, nera laiteng'enani supat, neata ng'iriata. 25Kore lolo lemeyieu mbaa enyena, neichiaakino payie eiteng'en ninche to mborron, ejo kebaki neicho ꞉Nkai ninche munyani enye meibelekenyata aayielou ndedei, 26netum mparrunot supati aaing'uaa rruachet e chitani, naibung'a ninche metaasa ana nayieu ꞉ninye.
Currently Selected:
2 Timoti 2: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
2 Timoti 2
2
Sina tankaraki Lomon Supati
1Naaku kore naa iyie nkerai ai, togolo taatua munyani natumi taatua Kristo Yeso. 2Naa kore pooki nitining'o ta nanu natejo tekue ltung'ana kumo, oaata sipata taata ee nenia natejo, ntarasaki nkaik ee lewa ooisiligai, ooidim sii aaiteng'ena lkulikae. 3Naa tama sina tenebo o nanu ana sikarii supat le Kristo Yeso. 4Meatae hoo sikarii oti siaai oirrana aas lkulie siaaitin lamara ake ilo oigerokaki. Amu kore nayieu ninye naa payie eiting'id ilo kitok lenye. 5Kore ilo okuet neisul te nkueteta naa meitoki etum, tenemekuet ana nayieu nkitanapat e inia kuetata. 6Kore ltung'ani onyok aas siaai la lchampa, naa ninye lekue oyieri payie etum orati e ndung'ure. 7Taparrai najoito, amu ikincho iyie Laitoriani ng'eno taa mbaa pooki.
8Taparru Yeso Kristo, oitipiwuaki taatua lootuata nera laa lmakui le Daudi ana nejo Lomon Supati lalikorita. 9Kore tankaraki nalikorita kulo Omon Supati naanya sina ana maateeni eji kara laitarruoni. Kake meena rerei le Nkai. 10Naa kore tankaraki inia, kang'iri mbaa pooki tankaraki lolo ootegelua ꞉Nkai, payie etum sii ninche njeunoto natii atua Kristo Yeso tenebo o nkitoo ee ntarasi. 11Kore ele rerei naa keirukoi:
Tanaa ikituata apa tenebo o ninye,
naa ikintoki kenya aaichu tenebo o ninye.
12 #
Mat 10:33; Luka 12:9 Tanaa iking'iri,
naa ikintoricho kenya tenebo o ninye.
Naa tanaa ikimiki ninye, nemiki sii kenya ninye iyioo.
13Naa tinimikisiligai iyioo,
naa keisiligai ake ninye nkata pooki,
amu meidim atanya ajo mera ilo oara.
꞉Laisiaayiani oiting'id Nkai
14Ntaparru ltung'ana kuna baa, nintaarriyianicho oleng tekue Nkai, payie meichankara aanya larrabal loo rereii. Kore inia chankar, naa ne pecheu, neitarruoo lolo ooning. 15Tonyuaa taa ilo oatachamayie Nkai, ilo aisiaayiani lemenya anyit, olimu aitibiraki rerei le ndedei. 16Topong'o mbaa naanya ltung'ana nemeata tipat, amu kore lolo pooki otii atua nenia baa naa keitalam ate Nkai oleng. 17Naa kore rerei lenche, nebulaa ana moyian naji nayiengi. Kore atua lolo tung'ana, naa ketii Imenayo o Pileto. 18Ketung'aitie ninche ndedei near nkurukoto ee lkulikae, ejoito keidipa mpiunoto ee lootuata ataasai.
19 #
Nki 16:5
Kake kore nkitamanyunoto nemeigusugus natuuno ꞉Nkai naa keitache, neata kulo kigerot oojo, <<Keyielo ꞉Laitoriani lolo oara lenyena>> naa <<Kore pooki ng'ae oipot nkarna e Laitoriani, keyiere nelam mbaa torrok.>>
20Kore atua nkaji kitok naa mara ake masaa e saabu o ne nkocholai naatii, kake ketii sii noo nkeek o ne mparpar. Keasieki mbata siaai e tipat neasieki nkulikae siaai lamara le tipat. 21Kore pooki ng'ae oitoorere koon nenia tokitin torrok, naa keaku masaaita naasieki siaai le tipat, naitaaki sinyati, nera ne reto to lkitok lenye, neidim lkitok lenye ataasichere te siaai pooki supat. 22Talama ng'uarrat torrok ee ltung'ana leleru, ninyok aaku ltung'ani loosipat, oisiligai, niata nchaman o seriani, tenebo o ꞉lolo ooipot Laitoriani taa ltauja supati. 23Tapaachere rereii le madai oiro ltung'ana meata sipata amu iyielo ajo keyau larrabal. 24Naa kore laisiaayiani la Laitoriani meyiere payie enya larrabal, kake payie eaku ltung'ani oibor ocheke to pooki ng'ae, nera laiteng'enani supat, neata ng'iriata. 25Kore lolo lemeyieu mbaa enyena, neichiaakino payie eiteng'en ninche to mborron, ejo kebaki neicho ꞉Nkai ninche munyani enye meibelekenyata aayielou ndedei, 26netum mparrunot supati aaing'uaa rruachet e chitani, naibung'a ninche metaasa ana nayieu ꞉ninye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy