2 Timoti 3
3
Mperot e nkiting'oto
1Teyielo ajo kore tee mperot e nkiting'oto, naa kepuku ng'amat naagol. 2Keaku ltung'ana ltung'ana oaacham ake ate aapeny, nelubo ropiyiani, neimer, neikar, nedekicho, nemening ntoiwuo enche, nemeata nache. Nemeitaa toki mbaa e Nkai, 3negol ltauja, nemeitemeletai, neitarruorrucho nkarn, nemeibooyo ate, nericho, neiba ntoki pooki supat, 4nemeisiligai, nekuetiki mbaa, neiliepie ate, necham rraa e nkop aaitalang Nkai. 5Neitaakino keurie Nkai kake neany eiruk aajo keidim uriata e Nkai aitabai mbaa. Talama ltung'ana ootuwuana lolo! 6Kore lbata loo lolo tung'ana naa ketii looleliakino nkajijik, neitopong'oo ntomonok naamada. Kore kuna toluti naa kepetita ꞉nkirochi ee ng'ok, nerikito ꞉ng'uarrat kumo naapaapaacha, 7neyieu ninche nkiteng'ena nkata pooki, kake nemeidim aikata aateyielo ndedei. 8#Nai 7:11Kore ana apake naibooitie ꞉Yanes o Yameres Musa, eibooitie sii kulo lewa ndedei, netarroitie mparrunot enche neitong'orita nayieuni to nkurukoto ang. 9Kake merokure epuo ninche neodo too kuna, amu keibalai madai enche too ltung'ana pooki ana apa netiu madai e Yanes o Yameres.
Eichoo ꞉Paulo Timoti nkitaarriyiana
10-11 #
Asat 13:14–52, 14:1–7, 14:8–20 Timoti, kore aaitamitae sina naatumuto mbaa naagol te lkerenket le Antiok o le Ikoniam o le Lisitira, naa ikirukurukore ake iyie nanu, iduaaya nkiteng'ena ai niduaaya naikunari o nyuata ai o nkurukoto o ng'iriata o nchaman o nkitachoto ai. Kalo sina sa eitu ang'iri? Kake kore eyia, kaatalakua ꞉Laitoriani taatua pooki. 12Naa kore pooki ooyieu newueni eurie Nkai taatua Kristo Yeso, naa keitami sina, 13kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche. 14Kake kore iyie, towuana naa taatua nenia nikinteng'enaki nitisipua, amu iyielo ajo oong'ae itumie inia kiteng'ena, 15niyielo sii ajo iteyielo Lkigerot Sinyat ang'asu apake ira nkerai. Kore lolo Kigerot naa ikindimie taa ng'en payie ijeu iiruk Kristo Yeso. 16Kore lkigerot pooki sinyat naa keigeroki to utaroto e Nkai#3:16 Kore lkigerot pooki sinyat naa keigeroki to utaroto e Nkai naa kejo Paulo Kore lkigerot pooki sinyat naa Nkai nayeng'ua., neata tipat payie eiteng'enichiereki, neitaarriyianichieriki, nerretenichiereki, neitubulunyieki ltung'ani meteyielo sipat, 17paa kore ltung'ani le Nkai, neaku loterretene oidimieki metaasa ntoki pooki supat.
Currently Selected:
2 Timoti 3: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
2 Timoti 3
3
Mperot e nkiting'oto
1Teyielo ajo kore tee mperot e nkiting'oto, naa kepuku ng'amat naagol. 2Keaku ltung'ana ltung'ana oaacham ake ate aapeny, nelubo ropiyiani, neimer, neikar, nedekicho, nemening ntoiwuo enche, nemeata nache. Nemeitaa toki mbaa e Nkai, 3negol ltauja, nemeitemeletai, neitarruorrucho nkarn, nemeibooyo ate, nericho, neiba ntoki pooki supat, 4nemeisiligai, nekuetiki mbaa, neiliepie ate, necham rraa e nkop aaitalang Nkai. 5Neitaakino keurie Nkai kake neany eiruk aajo keidim uriata e Nkai aitabai mbaa. Talama ltung'ana ootuwuana lolo! 6Kore lbata loo lolo tung'ana naa ketii looleliakino nkajijik, neitopong'oo ntomonok naamada. Kore kuna toluti naa kepetita ꞉nkirochi ee ng'ok, nerikito ꞉ng'uarrat kumo naapaapaacha, 7neyieu ninche nkiteng'ena nkata pooki, kake nemeidim aikata aateyielo ndedei. 8#Nai 7:11Kore ana apake naibooitie ꞉Yanes o Yameres Musa, eibooitie sii kulo lewa ndedei, netarroitie mparrunot enche neitong'orita nayieuni to nkurukoto ang. 9Kake merokure epuo ninche neodo too kuna, amu keibalai madai enche too ltung'ana pooki ana apa netiu madai e Yanes o Yameres.
Eichoo ꞉Paulo Timoti nkitaarriyiana
10-11 #
Asat 13:14–52, 14:1–7, 14:8–20 Timoti, kore aaitamitae sina naatumuto mbaa naagol te lkerenket le Antiok o le Ikoniam o le Lisitira, naa ikirukurukore ake iyie nanu, iduaaya nkiteng'ena ai niduaaya naikunari o nyuata ai o nkurukoto o ng'iriata o nchaman o nkitachoto ai. Kalo sina sa eitu ang'iri? Kake kore eyia, kaatalakua ꞉Laitoriani taatua pooki. 12Naa kore pooki ooyieu newueni eurie Nkai taatua Kristo Yeso, naa keitami sina, 13kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche. 14Kake kore iyie, towuana naa taatua nenia nikinteng'enaki nitisipua, amu iyielo ajo oong'ae itumie inia kiteng'ena, 15niyielo sii ajo iteyielo Lkigerot Sinyat ang'asu apake ira nkerai. Kore lolo Kigerot naa ikindimie taa ng'en payie ijeu iiruk Kristo Yeso. 16Kore lkigerot pooki sinyat naa keigeroki to utaroto e Nkai#3:16 Kore lkigerot pooki sinyat naa keigeroki to utaroto e Nkai naa kejo Paulo Kore lkigerot pooki sinyat naa Nkai nayeng'ua., neata tipat payie eiteng'enichiereki, neitaarriyianichieriki, nerretenichiereki, neitubulunyieki ltung'ani meteyielo sipat, 17paa kore ltung'ani le Nkai, neaku loterretene oidimieki metaasa ntoki pooki supat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy