2 Timoti 1
1
1-2 #
Asat 16:1
Nanu Paulo, oitaaki Lkipaaret le Kristo Yeso te yieunoto e Nkai, laairoroki iyie Timoti nkerai ai nacham. Kaaitaaki apa Lkipaaret payie aitabaki ltung'ana lkilikuai le lekutuk oitayia apa Nkai le nkichui natumi taatua Kristo Yeso. Metaa munyani o lng'ur o seriani, naing'uaa Nkai Papa o Kristo Yeso Laitoriani lang tenebo o iyie.
Eitogolo Paulo nerreten Timoti
3Kaicho Nkai nache, naisiaaita emusoo ltau lai nchere meata ntoki naakurrieki, ana apake lmakui lang, aaparru iyie nkata pooki to nkomono ai kuarie o parkiji. 4Kore tanaparru lkiyio limbukoyie payie aaing'uaa, nayieuu naadol iyie payie atum ng'ida oleng. 5#Asat 16:1Kaparru inia kurukoto ino nadede nikitii atua, natii apa atua nkoko lino Lois o ng'utunyi Yunis, naata taata sipata nchere ikitamanya atua iyie. 6Naa inia paaitaparru iyie payie intipij inia kichooroto e Nkai, inia nikitii atua nitumo payie aaiteleki nkaik aainien. 7Amu eitu eicho iyioo Nkai ltau le ngureticho, kake keichoo iyioo ltau le ngolon o nchaman o nkubooroto e koon.
8Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.
9Keitejewua ninye iyioo, neipoto iyioo to nkupototo sinyati,
namara tankaraki nikitaasa toki,
kake tankaraki yieunoto o munyani enye.
Kore ana munyani naa keichooki iyioo te Kristo Yeso ewuon meatae nkop,
10kake /keibalunyieki taata,
payie elotu Laitejeunoni lang Kristo Yeso nkop,
nemir lkiye,
neibalunyie ninye too Lomon Supati nchere,
ikinchu ntarasi, nimikiye aikata.
11 #
1Tim 2:7
Kaategeluaki mataa lalikoroni o Lkipaaret o laiteng'enani loo lolo Omon Supati. 12Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.
13Mbung'a naa ilo rerei odede litining'o alikoo, metaa ninye iduaaya to nkurukoto o te nchaman natii atua Kristo Yeso. 14Nirrita inia kiteng'ena e tipat nikitipikaki nkaina te nkidimata e Ltau Sinyati oamanya atua iyioo. 15Iyielo taata ajo kore lolo pooki otii inia kop e Asia naa kaatung'aitie nanu, etii Pigelo o Ermogene. 16Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena, 17amu kore abaki payie ebau ninye Rrom, naanyok ayiaya ana maatum. 18Meichoo ꞉Laitoriani ninye metumo lng'ur ta Laitoriani, kenya te inia parri. Naa iyielo iyie nowua reteto naatereto ꞉ninye te lkerenket le Epeso.
Currently Selected:
2 Timoti 1: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
2 Timoti 1
1
1-2 #
Asat 16:1
Nanu Paulo, oitaaki Lkipaaret le Kristo Yeso te yieunoto e Nkai, laairoroki iyie Timoti nkerai ai nacham. Kaaitaaki apa Lkipaaret payie aitabaki ltung'ana lkilikuai le lekutuk oitayia apa Nkai le nkichui natumi taatua Kristo Yeso. Metaa munyani o lng'ur o seriani, naing'uaa Nkai Papa o Kristo Yeso Laitoriani lang tenebo o iyie.
Eitogolo Paulo nerreten Timoti
3Kaicho Nkai nache, naisiaaita emusoo ltau lai nchere meata ntoki naakurrieki, ana apake lmakui lang, aaparru iyie nkata pooki to nkomono ai kuarie o parkiji. 4Kore tanaparru lkiyio limbukoyie payie aaing'uaa, nayieuu naadol iyie payie atum ng'ida oleng. 5#Asat 16:1Kaparru inia kurukoto ino nadede nikitii atua, natii apa atua nkoko lino Lois o ng'utunyi Yunis, naata taata sipata nchere ikitamanya atua iyie. 6Naa inia paaitaparru iyie payie intipij inia kichooroto e Nkai, inia nikitii atua nitumo payie aaiteleki nkaik aainien. 7Amu eitu eicho iyioo Nkai ltau le ngureticho, kake keichoo iyioo ltau le ngolon o nchaman o nkubooroto e koon.
8Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.
9Keitejewua ninye iyioo, neipoto iyioo to nkupototo sinyati,
namara tankaraki nikitaasa toki,
kake tankaraki yieunoto o munyani enye.
Kore ana munyani naa keichooki iyioo te Kristo Yeso ewuon meatae nkop,
10kake /keibalunyieki taata,
payie elotu Laitejeunoni lang Kristo Yeso nkop,
nemir lkiye,
neibalunyie ninye too Lomon Supati nchere,
ikinchu ntarasi, nimikiye aikata.
11 #
1Tim 2:7
Kaategeluaki mataa lalikoroni o Lkipaaret o laiteng'enani loo lolo Omon Supati. 12Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.
13Mbung'a naa ilo rerei odede litining'o alikoo, metaa ninye iduaaya to nkurukoto o te nchaman natii atua Kristo Yeso. 14Nirrita inia kiteng'ena e tipat nikitipikaki nkaina te nkidimata e Ltau Sinyati oamanya atua iyioo. 15Iyielo taata ajo kore lolo pooki otii inia kop e Asia naa kaatung'aitie nanu, etii Pigelo o Ermogene. 16Meing'erru Laitoriani nkang e Onesiporo, amu kaaitogolo nkatitin kumo neitu edol anyit tankaraki naena, 17amu kore abaki payie ebau ninye Rrom, naanyok ayiaya ana maatum. 18Meichoo ꞉Laitoriani ninye metumo lng'ur ta Laitoriani, kenya te inia parri. Naa iyielo iyie nowua reteto naatereto ꞉ninye te lkerenket le Epeso.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy