1 Ltesalonike 3
3
1 #
Asat 17:15
Naaku, kore payie kidol nchere merokure kindim aating'iria, nikichamaa aabik nanu o Silpanas te lkerenket oji Aten, 2nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi. 3Naa ikitaasa inia payie meatae linchi oigusgus to nkurukoto enye tankaraki kulo sinaitin oonyeita ntae. Naa iyielolo ntae maate aajo kore kulo sinaitin, naa ketegelakaki apake iyioo. 4Amu kore kitii tenebo o ntae, naa ikitilikita apa ntae aasioki nchere ikitum sina, ana nataase taata, niyielolo sii. 5Tankaraki inia, kore payie eaku merokure aidim ating'iria, nareu Timoti payie ayielou nkurukoto inchi, aurie ajo kebaki netetema ntae ilo atemani, netaa siaai lang le pecheu.
Lkilikuai supat
6 #
Asat 18:5
Kake kore naa amu eyewuo taata Timoti nikitii eing'uaa nitii, neyaka iyioo lomon supati ooipirita nkurukoto o nchaman inchi, neitoki alimu nchere iparrurru chiaake iyioo to supaticho, iyieuu nidoldol iyioo oleng ana nikiyieu sii iyioo nikidol ntae. 7Naa inia lalachera o nkanachera, paa kore taatua nyamali pooki o sina likitumo, naa /keitogoloki ltauja lang tankaraki ntae, kining'ito nkurukoto inchi. 8Naa ikitopuaa taata kining'ito aajo intachoo aaipidaki taatua Laitoriani. 9Nyo sa kirrinyokinyie Nkai nache te inia ng'ida pooki nikiaata tekue ninye tankaraki ntae? 10Kore kuarie o parkiji, naa ikiomonito mikintisia payie kitum mpaach nikidolie ntae nkomomi, nikitum sii aaiputu ntoki natong'oro to nkurukoto inchi. 11Kore taata, naa metuutaki iyioo Nkai ang Papa koon o Laitoriani lang Yeso nkoitiei nikipuonunyie nitii. 12Naa meitubulu ꞉Laitoriani neitodoodooyo nchaman inchi, te likae o likae o too lkulie tung'ana pooki ana nikinkuna iyioo ntae, 13payie etum aitogolo ltauja linchi taatua sinyaticho, nitumtum aataa lemeata ntioto tekue Nkai Papa lang, ta ng'amata e lotunoto e Laitoriani lang Yeso Kristo tenebo o sinyat lenyena pooki. Aamin.
Currently Selected:
1 Ltesalonike 3: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
1 Ltesalonike 3
3
1 #
Asat 17:15
Naaku, kore payie kidol nchere merokure kindim aating'iria, nikichamaa aabik nanu o Silpanas te lkerenket oji Aten, 2nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi. 3Naa ikitaasa inia payie meatae linchi oigusgus to nkurukoto enye tankaraki kulo sinaitin oonyeita ntae. Naa iyielolo ntae maate aajo kore kulo sinaitin, naa ketegelakaki apake iyioo. 4Amu kore kitii tenebo o ntae, naa ikitilikita apa ntae aasioki nchere ikitum sina, ana nataase taata, niyielolo sii. 5Tankaraki inia, kore payie eaku merokure aidim ating'iria, nareu Timoti payie ayielou nkurukoto inchi, aurie ajo kebaki netetema ntae ilo atemani, netaa siaai lang le pecheu.
Lkilikuai supat
6 #
Asat 18:5
Kake kore naa amu eyewuo taata Timoti nikitii eing'uaa nitii, neyaka iyioo lomon supati ooipirita nkurukoto o nchaman inchi, neitoki alimu nchere iparrurru chiaake iyioo to supaticho, iyieuu nidoldol iyioo oleng ana nikiyieu sii iyioo nikidol ntae. 7Naa inia lalachera o nkanachera, paa kore taatua nyamali pooki o sina likitumo, naa /keitogoloki ltauja lang tankaraki ntae, kining'ito nkurukoto inchi. 8Naa ikitopuaa taata kining'ito aajo intachoo aaipidaki taatua Laitoriani. 9Nyo sa kirrinyokinyie Nkai nache te inia ng'ida pooki nikiaata tekue ninye tankaraki ntae? 10Kore kuarie o parkiji, naa ikiomonito mikintisia payie kitum mpaach nikidolie ntae nkomomi, nikitum sii aaiputu ntoki natong'oro to nkurukoto inchi. 11Kore taata, naa metuutaki iyioo Nkai ang Papa koon o Laitoriani lang Yeso nkoitiei nikipuonunyie nitii. 12Naa meitubulu ꞉Laitoriani neitodoodooyo nchaman inchi, te likae o likae o too lkulie tung'ana pooki ana nikinkuna iyioo ntae, 13payie etum aitogolo ltauja linchi taatua sinyaticho, nitumtum aataa lemeata ntioto tekue Nkai Papa lang, ta ng'amata e lotunoto e Laitoriani lang Yeso Kristo tenebo o sinyat lenyena pooki. Aamin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy