1 Ltesalonike 4
4
Nkichon naiting'id Nkai
1Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia! 2Amu iyielolo nkitaarriyiana nikinchoo ntae, naichoo iyioo Laitoriani Yeso. 3Naa ana yieuna e Nkai, nchere iakuku loosinya payie ilamlam loloito pooki, 4metaa meata linchi lemeyielo neiko teneyieki koon nkitok naayem, newueni te sinyaticho o ta nkanyit, 5namara too ng'uarrat torrok tana neiko lkulie ochon lemeiyielo Nkai. 6Naaku kore tana bae, meatae ltung'ani oitarroki nesap lalache tanaa nkanache enye, amu Laitoriani oitalaku nenia pooki ana apake nikitilikita ntae tekue, niking'ode sii ntae aaitaarriyian. 7Amu eitu eipot iyioo Nkai payie kiwueni taatua mbaa nemeichiaakino, kake payie ikiwueni taatua sinyaticho. 8Tankaraki inia, kore loany ana naa mara ltung'ani etanya, kake Nkai naicho ntae Ltau Sinyati. 9Kake kore mbaa naaipirita nchaman ee lalachera o nkanachera, meyiere payie eigeroki ntae ltung'ani amu keitanapa ntae Nkai payie ichamama maate. 10Naa kedede, ichamcham lalachera o nkanachera ootii mbat pooki e Makedonia. Kake ikintarrap ntae lalachera o nkanachera, payie intulusoo inia oleng, 11ninyoknyok aaitirring'a te nkichon inchi, niasias mbaa inchi, niasias sii aitoki siaai linchi to nyuata, tana apa nikintaarriyianakita ntae, 12payie iwuenini to nkoitiei naipida nemeata ltung'ani lisiliglig tee yieunot inchi.
Lotunoto e Laitoriani
13Lalachera o nkanachera, mikiyieu naaku miyielolo mbaa ee lolo alachera ooilurate, payie misinanionio ana lolo lemeata siligi. 14Kore ana nikiruk aajo ketua Yeso neitoki apiu, nejia sii ake etiu, ikiruk aajo keyau ꞉Nkai ninye tenebo o lolo ooilurate etii atua Yeso. 15#1Lkor 15:51,52Kore tankaraki inia, ikiliki ntae ana natejo Laitoriani, nchere kore iyioo ooichu ootung'ayieki ana metuchukunyie Laitoriani, naa meatae nikinko tinikinturuk tekue lolo ooilurate. 16Amu kore teneitaini nkitanapata to ltoilo la lmalaika kitok o to wochoto e mowuo e Nkai, nedou Laitoriani koon eing'uaa chumata. Kore lootuata taatua Kristo nepiu tekue. 17Kore ake tesiedi inia, kore iyioo ooichu ootung'ayieki, newuapari aailiepie tenebo o ninche taatua nkidisin, payie kinang'are Laitoriani to loing'ang'e, naaku ikiboitiere Laitoriani ntarasi. 18Tankaraki inia, entogoloto naa ltauja linchi too lolo rereii.
Currently Selected:
1 Ltesalonike 4: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
1 Ltesalonike 4
4
Nkichon naiting'id Nkai
1Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia! 2Amu iyielolo nkitaarriyiana nikinchoo ntae, naichoo iyioo Laitoriani Yeso. 3Naa ana yieuna e Nkai, nchere iakuku loosinya payie ilamlam loloito pooki, 4metaa meata linchi lemeyielo neiko teneyieki koon nkitok naayem, newueni te sinyaticho o ta nkanyit, 5namara too ng'uarrat torrok tana neiko lkulie ochon lemeiyielo Nkai. 6Naaku kore tana bae, meatae ltung'ani oitarroki nesap lalache tanaa nkanache enye, amu Laitoriani oitalaku nenia pooki ana apake nikitilikita ntae tekue, niking'ode sii ntae aaitaarriyian. 7Amu eitu eipot iyioo Nkai payie kiwueni taatua mbaa nemeichiaakino, kake payie ikiwueni taatua sinyaticho. 8Tankaraki inia, kore loany ana naa mara ltung'ani etanya, kake Nkai naicho ntae Ltau Sinyati. 9Kake kore mbaa naaipirita nchaman ee lalachera o nkanachera, meyiere payie eigeroki ntae ltung'ani amu keitanapa ntae Nkai payie ichamama maate. 10Naa kedede, ichamcham lalachera o nkanachera ootii mbat pooki e Makedonia. Kake ikintarrap ntae lalachera o nkanachera, payie intulusoo inia oleng, 11ninyoknyok aaitirring'a te nkichon inchi, niasias mbaa inchi, niasias sii aitoki siaai linchi to nyuata, tana apa nikintaarriyianakita ntae, 12payie iwuenini to nkoitiei naipida nemeata ltung'ani lisiliglig tee yieunot inchi.
Lotunoto e Laitoriani
13Lalachera o nkanachera, mikiyieu naaku miyielolo mbaa ee lolo alachera ooilurate, payie misinanionio ana lolo lemeata siligi. 14Kore ana nikiruk aajo ketua Yeso neitoki apiu, nejia sii ake etiu, ikiruk aajo keyau ꞉Nkai ninye tenebo o lolo ooilurate etii atua Yeso. 15#1Lkor 15:51,52Kore tankaraki inia, ikiliki ntae ana natejo Laitoriani, nchere kore iyioo ooichu ootung'ayieki ana metuchukunyie Laitoriani, naa meatae nikinko tinikinturuk tekue lolo ooilurate. 16Amu kore teneitaini nkitanapata to ltoilo la lmalaika kitok o to wochoto e mowuo e Nkai, nedou Laitoriani koon eing'uaa chumata. Kore lootuata taatua Kristo nepiu tekue. 17Kore ake tesiedi inia, kore iyioo ooichu ootung'ayieki, newuapari aailiepie tenebo o ninche taatua nkidisin, payie kinang'are Laitoriani to loing'ang'e, naaku ikiboitiere Laitoriani ntarasi. 18Tankaraki inia, entogoloto naa ltauja linchi too lolo rereii.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy