1 Ltesalonike 2
2
Siaai e Paulo te Tesalonike
1Lalachera o nkanachera! Iyielolo ntae maate aajo, eitu kisabaki apa ntae pecheu. 2#Asat 16:19–24, Asat 17:1–9Niyielolo sii aajo keitamaki apa iyioo sina neitaasaki iyioo mbaa e anyit te Pilipi. Kore abaki etiu nejia, naa ikiata apa mpijan ta Nkai aang nikimbalakinyie ntae Lomon Supati lenyena, abaki eatae ltung'ana ooibooyo iyioo oleng. 3Kore nkitaarriyiana aang, naa meing'uaa sapare, nemeing'uaa yieunot torrok, nemetii sii loseg. 4Kake kore apa eikenaka iyioo Nkai ajo ikira looisiligai te likoroto ee Lomon Supati, naa inia payie ikilikoo ana nikilikorita. Mikiro aaiting'id ltung'ana, kake payie kinting'id Nkai naaidim aing'urai ltauja lang. 5Kore ana niyielolo, naa eitu apake kipuonu nitii te rerei likirrepie ntae, neyielo sii ꞉Nkai ajo eitu kintaakino te likoroto eji payie kisudoo lubo aang. 6Eitu sii kiyiaya rrepeta too ltung'ana, paa taa ntae tanaa too lkulikae. 7Anata apa kitiakita ntae payie inchocho iyioo inia naichiaakino iyioo ana Lkipaareta le Kristo, kake kitaa ana nkera kunini taatua ntae. Kore ana neiko ng'otonye teneisosion nkera enyena, 8nejia sii etiu nchaman kitok nikitachama ntae, metaa mara ake Lomon Supati le Nkai aapeny kiyieu nikincho ntae, kake abaki ltauja lang, amu itaa le tipat oleng. 9Lalachera o nkanachera, entaparru naa nyuata o siaai ogol likitaasa! Ikitaasichiete kuarie o parkiji, payie mikiaku nkirochi to ltung'ani, kilikita ntae Lomon Supati le Nkai.
10Iatata sipata neata sii Nkai sipata nchere, kore tekue ntae lairukok, naa ikintaitua ate te siaai e Nkai, nikira ltung'ana loosipat, nemeata kusaka naitari iyioo. 11Kore aitoki ana niyielolo, meatae lobo linchi leitu kimbung ana neiko menye teneibung nkera enyena. 12Ikitasayia ntae, nikintogol ntae, nikintaarriyian ntae, payie iwuenini te nkichon naichiaakino tekue Nkai naipotoka ntae nkitoria o nkitoo enye.
13Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok. 14#Asat 17:5Amu kore ntae lalachera o nkanachera, naa ititiwuana ana nenia anisani e Nkai naatii Yudea, naawueni taatua Kristo Yeso. Amu kore ake ilo sina /oitamita ꞉Lyiaudi nenia anisani, /neitamita sii ꞉ltung'ana lo locho linchi ntae. 15#Asat 9:23,29, 13:45,50, 14:2,5,19, 17:5,13, 18:12Naa ꞉lolo Yiaudi apa oaatara Laitoriani Yeso o loibonok le Nkai, netimiraitie iyioo aaipung'ie. Kore ninche meiting'id Nkai, nera sii lmang'ati loo ltung'ana pooki, 16amu kenyok aaibooyo iyioo payie mikirorie ltung'ana loo lkulie ochon metejeu. Naa keasai ana, payie eponari ng'ok enche aaboreii nkata pooki. Kake kore taata tesiedi, naa eyewuo ngoro e Nkai netii ninche.
Yieuna kitok e Paulo o noo lboitieii lenyena payie edol Ltesalonike
17Lalachera o nkanachera, kore apa payie eorieki iyioo ntae te nkiti kata, aa tee seseni namara taa ltauja, kitonyuaa oleng tankaraki nikitong'uarra payie kitumo nikidol ntae nkomomi. 18Naa inia payie ikiyieu nikipuonu nitii. Kore abaki nanu Paulo mara nkata nabo atejo wou, kake neibooyo iyioo Chitani. 19Amu, ng'ae dei siligi anaa ng'ida anaa nkopiyia e nkisulata nikilachie tekue Laitoriani lang Yeso, tenechukunyie kenya? Mara dei ake ntae? 20Ee, ntae naa oaara rrepeta o ng'ida ang!
Currently Selected:
1 Ltesalonike 2: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
1 Ltesalonike 2
2
Siaai e Paulo te Tesalonike
1Lalachera o nkanachera! Iyielolo ntae maate aajo, eitu kisabaki apa ntae pecheu. 2#Asat 16:19–24, Asat 17:1–9Niyielolo sii aajo keitamaki apa iyioo sina neitaasaki iyioo mbaa e anyit te Pilipi. Kore abaki etiu nejia, naa ikiata apa mpijan ta Nkai aang nikimbalakinyie ntae Lomon Supati lenyena, abaki eatae ltung'ana ooibooyo iyioo oleng. 3Kore nkitaarriyiana aang, naa meing'uaa sapare, nemeing'uaa yieunot torrok, nemetii sii loseg. 4Kake kore apa eikenaka iyioo Nkai ajo ikira looisiligai te likoroto ee Lomon Supati, naa inia payie ikilikoo ana nikilikorita. Mikiro aaiting'id ltung'ana, kake payie kinting'id Nkai naaidim aing'urai ltauja lang. 5Kore ana niyielolo, naa eitu apake kipuonu nitii te rerei likirrepie ntae, neyielo sii ꞉Nkai ajo eitu kintaakino te likoroto eji payie kisudoo lubo aang. 6Eitu sii kiyiaya rrepeta too ltung'ana, paa taa ntae tanaa too lkulikae. 7Anata apa kitiakita ntae payie inchocho iyioo inia naichiaakino iyioo ana Lkipaareta le Kristo, kake kitaa ana nkera kunini taatua ntae. Kore ana neiko ng'otonye teneisosion nkera enyena, 8nejia sii etiu nchaman kitok nikitachama ntae, metaa mara ake Lomon Supati le Nkai aapeny kiyieu nikincho ntae, kake abaki ltauja lang, amu itaa le tipat oleng. 9Lalachera o nkanachera, entaparru naa nyuata o siaai ogol likitaasa! Ikitaasichiete kuarie o parkiji, payie mikiaku nkirochi to ltung'ani, kilikita ntae Lomon Supati le Nkai.
10Iatata sipata neata sii Nkai sipata nchere, kore tekue ntae lairukok, naa ikintaitua ate te siaai e Nkai, nikira ltung'ana loosipat, nemeata kusaka naitari iyioo. 11Kore aitoki ana niyielolo, meatae lobo linchi leitu kimbung ana neiko menye teneibung nkera enyena. 12Ikitasayia ntae, nikintogol ntae, nikintaarriyian ntae, payie iwuenini te nkichon naichiaakino tekue Nkai naipotoka ntae nkitoria o nkitoo enye.
13Naa ikincho sii Nkai nache nkata pooki tankaraki ana, nchere kore apa payie ing'amaa ntae rerei le Nkai, ilo litining'ie iyioo, ning'amaa mara ana rerei loo ltung'ana, kake ana nara te ndedei rerei le Nkai, ilo oasicho taatua ntae lairukok. 14#Asat 17:5Amu kore ntae lalachera o nkanachera, naa ititiwuana ana nenia anisani e Nkai naatii Yudea, naawueni taatua Kristo Yeso. Amu kore ake ilo sina /oitamita ꞉Lyiaudi nenia anisani, /neitamita sii ꞉ltung'ana lo locho linchi ntae. 15#Asat 9:23,29, 13:45,50, 14:2,5,19, 17:5,13, 18:12Naa ꞉lolo Yiaudi apa oaatara Laitoriani Yeso o loibonok le Nkai, netimiraitie iyioo aaipung'ie. Kore ninche meiting'id Nkai, nera sii lmang'ati loo ltung'ana pooki, 16amu kenyok aaibooyo iyioo payie mikirorie ltung'ana loo lkulie ochon metejeu. Naa keasai ana, payie eponari ng'ok enche aaboreii nkata pooki. Kake kore taata tesiedi, naa eyewuo ngoro e Nkai netii ninche.
Yieuna kitok e Paulo o noo lboitieii lenyena payie edol Ltesalonike
17Lalachera o nkanachera, kore apa payie eorieki iyioo ntae te nkiti kata, aa tee seseni namara taa ltauja, kitonyuaa oleng tankaraki nikitong'uarra payie kitumo nikidol ntae nkomomi. 18Naa inia payie ikiyieu nikipuonu nitii. Kore abaki nanu Paulo mara nkata nabo atejo wou, kake neibooyo iyioo Chitani. 19Amu, ng'ae dei siligi anaa ng'ida anaa nkopiyia e nkisulata nikilachie tekue Laitoriani lang Yeso, tenechukunyie kenya? Mara dei ake ntae? 20Ee, ntae naa oaara rrepeta o ng'ida ang!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy