Lev 8
8
1Nyakubaho akagambira Musa ati: 2Twara Arooni n'abatabani n'ebijwaro by'obuhongyerezi, n'amajuta g'okusiiga, n'enimi y'okuhongyerera ekibi, n'empaya ibiri z'entaama, n'ekiibo ky'emigaati etatumbisiibwe. 3Kandi oteeranire eihanga ryona aha muryango gw'eihema ry'okubugabuganiramu. 4Musa atyo agira nk'oku Nyakubaho yaamuragiira; eihanga ryona ariteeranira aha muryango gw'eihema ry'okubugabuganiramu. 5Mpaho Musa agambira abateeraniire aho ati: Eki nikyo Nyakubaho yaaragiira kukorwa. 6Musa atyo areeta Arooni n'abatabani aboozya n'amaizi. 7Ajweka Arooni esaati n'ekanzu; amuzirika omweko. Reero amutaho ekitaahiro akizirikisisa ekikwemba kyakyo ekirukirwe gye abanyamyoga, akikimuhamisaho. 8Reero amujweka ekijwaro ky'aha kifuba akitamu endagu ezirikwetwa Urimu na Tumimu.#8:8 Urimu na Tumimu: N'amabaare abiri agu omuhongyerezi yaabaire aragurisa kumanya eki Ruhanga arikwenda. 9Haza amuta ekikwemba omu mutwe, kandi ahari ekyo kikwemba omu maisho gaakyo ataho eihunde ry'ezaabu riba ekirunga ekirikwera, nk'oku Nyakubaho yaaragiire Musa.
10Bwanyima Musa yaihayo amajuta g'okusiiga, yaagasiiga eihema n'ebiririmu byona yaabyeza. 11N'agamwe yaagamiisiira eitambiro emirundi mushanju. Kandi yaasiiga eitambiro n'ebirikurikoresibwaho byona n'ekinaabiro n'ekibunu kyakyo kubyeza. 12Reero amajuta agamwe yaagashuka aha mutwe gwa Arooni, yaagamusiiga kumushoroora. 13Kandi Musa yaareeta batabani ba Arooni yaabajweka esaati, yaabazirika emyeko, yaabashemba ebitambaara omu mutwe, nk'oku Nyakubaho yaaragiire Musa ogwo.
14Bwanyima yaareeta enimi y'okuhongyerera ekibi. Arooni n'abatabani baata emikono yaabo aha mutwe gwayo. 15Musa yaagiita, yaihaho eshagama yaagisiigisa orukumu aha mahembe g'eitambiro, ag'aha nshonda zaaryo okuryehinguririza, atyo yaaryeza; kandi egyo shagama yaagishuka omu mizi y'eitambiro, yaaryeza, naarikarabira. 16Reero Musa yaihayo ebishaju eby'aha nyama z'omunda, n'ez'akashaabo ez'aha kine, n'entsigo z'ombi, hamwe n'ebishaju byazo, ebyo byona yaabyokyeza aha itambiro. 17Kwonka enimi n'oruhu rwayo n'enyama zaayo n'efa yaayo, yaabyokyeza aheeru y'orusiisira nk'oku Nyakubaho yaamuragiire.
18Bwanyima yaareeta empaya y'entaama ey'ekitambo ky'okucwetsya. Arooni n'abatabani baata emikono yaabo aha mutwe gwayo. 19Mpaho Musa yaagiita, kandi yaamiisiira eitambiro eshagama okuryehinguririza. 20Empaya y'entaama ku baaherize kugihirimburamu ebicweka, Musa yaayotsya omutwe gwayo n'ebihinju byayo n'ebishaju byayo. 21Eby'omunda byayo n'ebivune byayo ku baaherize kubyozya n'amaizi, egyo mpaya yoona Musa yaagyokyeza aha itambiro kuba ekitambo ekicwekize eki bookyeize Nyakubaho kurugwamu ekisooroora kirikumugwisa gye, nk'oku Nyakubaho yaamuragiire.
22Bwanyima Musa yaareeta endiijo mpaya y'entaama, empaya ey'okushoroorwa kw'abahongyerezi, Arooni n'abatabani nayo baagita emikono yaabo aha mutwe. 23Musa yaagiita, yaagiihaho eshagama, yaagisiiga aha nshonda y'okutu kwa Arooni okwa buryo, n'aha kikumu kishaija eky'omukono gwe gwa buryo, n'aha kikumu kishaija eky'ekigyere kye kya buryo. 24Reero baareeta batabani ba Arooni. Musa yaasiiga eshagama aha nshonga z'amatu gaabo ga buryo, n'aha bikumu bishaija eby'ebigyere byabo bya buryo. Mpaho Musa yaamiisiira eitambiro eshagama okuryehinguririza. 25Bwanyima yaihayo ebishaju, n'omukira gw'ebishaju, n'ebishaju byona eby'aha by'omunda na zaakashaabo ez'aha kine, n'entsigo z'ombi hamwe n'ebishaju byazo n'ekivune kya buryo. 26Kandi yaiha omugaati omu kiibo ky'emigaati etatumbisiibwe eyaabaire emurikiirwe Nyakubaho n'ogundi mugaati ogutobagiibwemu amajuta, n'akabanda kamwe, yaabita ahari ebyo bishaju n'aha kivune kya buryo. 27Byona yaabikwatsa Arooni n'abatabani, baabizongazonzya; byaba ekihongwa ekizongazongiibwe omu maisho ga Nyakubaho. 28Bwanyima Musa yaabibaihaho, yaabyokyeza aha itambiro hamwe n'ekitambo ky'okucwetsya; byaba ekihongwa ky'okushoroorwa kwabo, eky'ekitambo kyokiibwe, eki ekisooroora kyakyo kirikugwisa gye Nyakubaho. 29Kandi Musa yaakwata enkoro, yaagizongazonzya kuba ekihongwa kizongazongiibwe omu maisho ga Nyakubaho, kyaba omugabo gwa Musa ogw'egyo mpaya y'entaama ey'okushoroorwa kw'abahongyerezi, nk'oku Nyakubaho yaamuragiira.
30Bwanyima Musa yaihayo amajuta g'okusiiga, n'eshagama eyaabaire eri aha itambiro, yaabimiisiira Arooni n'ebijwaro bye, n'abatabani n'ebijwaro byabo.
31Reero Musa yaagira Arooni n'abatabani ati: Muteekyere egyo nyama aha muryango gw'eihema ry'okubugabuganiramu, kandi mube niho mwagiriira hamwe n'emigaati eri omu kiibo, etoizirwe ahabw'okubashoroora, nk'oku naaragiire ningira nti: Arooni n'abatabani babe nibo baagirya. 32Haza enyama n'emigaati ebiraatsigareho, mubyotsye omu muriro. 33Kandi mumare ebiro mushanju mutashohoire aheeru y'omuryango gw'eihema ry'okubugabuganiramu, okuhitsya obu ebiro by'okushoroorwa kwanyu biraahwe; ahabw'okuba okubashoroora nikwija kumara ebiro mushanju. 34Nk'oku kyakorwa eri izooba, nikwo Nyakubaho akiragiire, ngu kikorwe kityo kubakarabira. 35Nimwija kumara ebiro mushanju nyomushana na nyekiro mutarikuruga aha muryango gw'eihema ry'okubugabuganiramu, nimukora ebi Nyakubaho aragiire. Mwaba mutakozire mutyo nimufa. Nikwo ndagiirwe ntyo. 36Mpaho Arooni n'abatabani baakora byona ebi Nyakubaho yaaragiire naabatumaho Musa.
Arooni n'abatabani okukora omurimo gwabo
Currently Selected:
Lev 8: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Lev 8
8
1Nyakubaho akagambira Musa ati: 2Twara Arooni n'abatabani n'ebijwaro by'obuhongyerezi, n'amajuta g'okusiiga, n'enimi y'okuhongyerera ekibi, n'empaya ibiri z'entaama, n'ekiibo ky'emigaati etatumbisiibwe. 3Kandi oteeranire eihanga ryona aha muryango gw'eihema ry'okubugabuganiramu. 4Musa atyo agira nk'oku Nyakubaho yaamuragiira; eihanga ryona ariteeranira aha muryango gw'eihema ry'okubugabuganiramu. 5Mpaho Musa agambira abateeraniire aho ati: Eki nikyo Nyakubaho yaaragiira kukorwa. 6Musa atyo areeta Arooni n'abatabani aboozya n'amaizi. 7Ajweka Arooni esaati n'ekanzu; amuzirika omweko. Reero amutaho ekitaahiro akizirikisisa ekikwemba kyakyo ekirukirwe gye abanyamyoga, akikimuhamisaho. 8Reero amujweka ekijwaro ky'aha kifuba akitamu endagu ezirikwetwa Urimu na Tumimu.#8:8 Urimu na Tumimu: N'amabaare abiri agu omuhongyerezi yaabaire aragurisa kumanya eki Ruhanga arikwenda. 9Haza amuta ekikwemba omu mutwe, kandi ahari ekyo kikwemba omu maisho gaakyo ataho eihunde ry'ezaabu riba ekirunga ekirikwera, nk'oku Nyakubaho yaaragiire Musa.
10Bwanyima Musa yaihayo amajuta g'okusiiga, yaagasiiga eihema n'ebiririmu byona yaabyeza. 11N'agamwe yaagamiisiira eitambiro emirundi mushanju. Kandi yaasiiga eitambiro n'ebirikurikoresibwaho byona n'ekinaabiro n'ekibunu kyakyo kubyeza. 12Reero amajuta agamwe yaagashuka aha mutwe gwa Arooni, yaagamusiiga kumushoroora. 13Kandi Musa yaareeta batabani ba Arooni yaabajweka esaati, yaabazirika emyeko, yaabashemba ebitambaara omu mutwe, nk'oku Nyakubaho yaaragiire Musa ogwo.
14Bwanyima yaareeta enimi y'okuhongyerera ekibi. Arooni n'abatabani baata emikono yaabo aha mutwe gwayo. 15Musa yaagiita, yaihaho eshagama yaagisiigisa orukumu aha mahembe g'eitambiro, ag'aha nshonda zaaryo okuryehinguririza, atyo yaaryeza; kandi egyo shagama yaagishuka omu mizi y'eitambiro, yaaryeza, naarikarabira. 16Reero Musa yaihayo ebishaju eby'aha nyama z'omunda, n'ez'akashaabo ez'aha kine, n'entsigo z'ombi, hamwe n'ebishaju byazo, ebyo byona yaabyokyeza aha itambiro. 17Kwonka enimi n'oruhu rwayo n'enyama zaayo n'efa yaayo, yaabyokyeza aheeru y'orusiisira nk'oku Nyakubaho yaamuragiire.
18Bwanyima yaareeta empaya y'entaama ey'ekitambo ky'okucwetsya. Arooni n'abatabani baata emikono yaabo aha mutwe gwayo. 19Mpaho Musa yaagiita, kandi yaamiisiira eitambiro eshagama okuryehinguririza. 20Empaya y'entaama ku baaherize kugihirimburamu ebicweka, Musa yaayotsya omutwe gwayo n'ebihinju byayo n'ebishaju byayo. 21Eby'omunda byayo n'ebivune byayo ku baaherize kubyozya n'amaizi, egyo mpaya yoona Musa yaagyokyeza aha itambiro kuba ekitambo ekicwekize eki bookyeize Nyakubaho kurugwamu ekisooroora kirikumugwisa gye, nk'oku Nyakubaho yaamuragiire.
22Bwanyima Musa yaareeta endiijo mpaya y'entaama, empaya ey'okushoroorwa kw'abahongyerezi, Arooni n'abatabani nayo baagita emikono yaabo aha mutwe. 23Musa yaagiita, yaagiihaho eshagama, yaagisiiga aha nshonda y'okutu kwa Arooni okwa buryo, n'aha kikumu kishaija eky'omukono gwe gwa buryo, n'aha kikumu kishaija eky'ekigyere kye kya buryo. 24Reero baareeta batabani ba Arooni. Musa yaasiiga eshagama aha nshonga z'amatu gaabo ga buryo, n'aha bikumu bishaija eby'ebigyere byabo bya buryo. Mpaho Musa yaamiisiira eitambiro eshagama okuryehinguririza. 25Bwanyima yaihayo ebishaju, n'omukira gw'ebishaju, n'ebishaju byona eby'aha by'omunda na zaakashaabo ez'aha kine, n'entsigo z'ombi hamwe n'ebishaju byazo n'ekivune kya buryo. 26Kandi yaiha omugaati omu kiibo ky'emigaati etatumbisiibwe eyaabaire emurikiirwe Nyakubaho n'ogundi mugaati ogutobagiibwemu amajuta, n'akabanda kamwe, yaabita ahari ebyo bishaju n'aha kivune kya buryo. 27Byona yaabikwatsa Arooni n'abatabani, baabizongazonzya; byaba ekihongwa ekizongazongiibwe omu maisho ga Nyakubaho. 28Bwanyima Musa yaabibaihaho, yaabyokyeza aha itambiro hamwe n'ekitambo ky'okucwetsya; byaba ekihongwa ky'okushoroorwa kwabo, eky'ekitambo kyokiibwe, eki ekisooroora kyakyo kirikugwisa gye Nyakubaho. 29Kandi Musa yaakwata enkoro, yaagizongazonzya kuba ekihongwa kizongazongiibwe omu maisho ga Nyakubaho, kyaba omugabo gwa Musa ogw'egyo mpaya y'entaama ey'okushoroorwa kw'abahongyerezi, nk'oku Nyakubaho yaamuragiira.
30Bwanyima Musa yaihayo amajuta g'okusiiga, n'eshagama eyaabaire eri aha itambiro, yaabimiisiira Arooni n'ebijwaro bye, n'abatabani n'ebijwaro byabo.
31Reero Musa yaagira Arooni n'abatabani ati: Muteekyere egyo nyama aha muryango gw'eihema ry'okubugabuganiramu, kandi mube niho mwagiriira hamwe n'emigaati eri omu kiibo, etoizirwe ahabw'okubashoroora, nk'oku naaragiire ningira nti: Arooni n'abatabani babe nibo baagirya. 32Haza enyama n'emigaati ebiraatsigareho, mubyotsye omu muriro. 33Kandi mumare ebiro mushanju mutashohoire aheeru y'omuryango gw'eihema ry'okubugabuganiramu, okuhitsya obu ebiro by'okushoroorwa kwanyu biraahwe; ahabw'okuba okubashoroora nikwija kumara ebiro mushanju. 34Nk'oku kyakorwa eri izooba, nikwo Nyakubaho akiragiire, ngu kikorwe kityo kubakarabira. 35Nimwija kumara ebiro mushanju nyomushana na nyekiro mutarikuruga aha muryango gw'eihema ry'okubugabuganiramu, nimukora ebi Nyakubaho aragiire. Mwaba mutakozire mutyo nimufa. Nikwo ndagiirwe ntyo. 36Mpaho Arooni n'abatabani baakora byona ebi Nyakubaho yaaragiire naabatumaho Musa.
Arooni n'abatabani okukora omurimo gwabo
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.