Lev 9
9
1Aha kiro kya munaana Musa akeeta Arooni n'abatabani n'abakuru b'omu Baisiraeli. 2Yaagira Arooni ati: Twara enimi y'ekimasha kuba empongano y'ekibi, n'empaya y'entaama kuba ekihongwa ky'okucwetsya; byombi bitaine kamogo; obihongyere omu maisho ga Nyakubaho. 3Kandi ogambire Abaisiraeli oti: Mutware empaya y'embuzi kuba empongano y'ekibi, n'enyana n'omwana gw'entaama ebihikize omwaka gumwe bizairwe ebitaine kamogo, bibe ekihongwa ky'okucwetsya. 4Kandi n'enimi n'empaya y'entaama, kuba ekitambo ky'okurya kumwe kubitambira omu maisho ga Nyakubaho. Taho ekihongwa ky'esaano ejwangiibwemu amajuta: ahabw'okuba eri izooba Nyakubaho naija kubeeyoreka. 5Batyo baareeta omu maisho g'eihema ry'okubugabuganiramu ebi Musa yaaragiire; kandi eihanga ryona ryairira haihi, ryayemerera omu maisho ga Nyakubaho. 6Reero Musa yaabagira ati: Eki nikyo Nyakubaho abaragiire kukora; haza naija kubeeyoreka aine ekitiinisa. 7Bwanyima Musa yaagira Arooni ati: Hika aha itambiro, ohongye empongano yaawe ey'ekibi, n'ekitambo kyawe eky'okucwetsya, oyekarabire kandi okarabire n'eihanga. Reero oreete ekitambo ky'abantu, obakarabire nk'oku Nyakubaho aragiire.
8Arooni atyo aza aha itambiro, aita enyana y'empongano y'ekibi ey'okwehongyerera. 9Abatabani bamureetera eshangama, agikozamu orukumu, agisiiga aha mahembe g'eitambiro; kandi agishuka omu mizi yaaryo. 10Kwonka ebishaju, n'entsigo na zaakashaabo z'aha kine ezaihwa aha mpongano y'ekibi, abyokyeza aha itambiro nk'oku Nyakubaho yaaragiire Musa. 11Enyama n'oruhu abyokyeza aheeru y'orusiisira.
12Kandi Arooni aita enyamaishwa y'ekitambo ky'okucwetsya. Abatabani bamureetera eshagama, agimiisiira eitambiro okuryehinguririza. 13Mpaho bamureetera ekyo kitambo ky'okucwetsya kiri omu biningu, n'omutwe, abyokyeza aha itambiro. 14Reero ayozya eby'omunda n'ebivune, abyokyeza aha itambiro hamwe n'ekitambo ky'okucwetsya.
15Bwanyima areeta ekitambo ky'abantu, aihayo embuzi y'empongano y'ekibi ey'okuhongyerera abantu, agiita, agihongyerera ekibi, nk'oku yaagira empongano y'ekibi kye eyaabanza. 16Reero areeta ekitambo eky'okucwetsya, akitamba nk'oku kirikuragiirwa. 17Areeta omutoijo gw'esaano, agiihaho oruhi rwijwire, agyokyeza aha itambiro, aha rubaju rw'ekitambo ekicwekize eky'omu kasheeshe.
18Aita enimi n'empaya y'entaama kuba ekitambo ky'abantu kurya kumwe, abatabani bamureetera eshagama, agimiisiira eitambiro okuryehinguririza. 19Baamureetera ebishaju by'enimi n'eby'empaya y'entaama, n'omukira gw'ebishaju, n'ebishweka eby'omunda, n'entsigo na zaakashaabo z'aha kine. 20Haza bata ebyo bishaju aha nkoro, abyokyeza aha itambiro. 21Kwonka enkoro n'ekivune kya buryo Arooni abizongazonzya kuba ekitambo kizongazongiibwe omu maisho ga Nyakubaho nk'oku Musa yaaragiire.
22Bwanyima Arooni aimutsya emikono ye agyorekyeize abantu, abashabira omugisha. Atyo aruga aha itambiro ahi yaaba naatambira ekitambo ky'okuhongyerera ekibi, n'ekicwekize, n'ebyokurya kumwe. 23Reero Musa na Arooni baza omu ihema ry'okubugabuganiramu. Ku bashohora bashabira abantu emigisha; haza Nyakubaho abonekyera abo bantu boona aine ekitiinisa. 24Omuriro guruga omu maisho ga Nyakubaho, gwokyeza kimwe ekitambo ky'okucwetsya, n'ebishaju ebiri aha itambiro. Abantu boona ku bakireeba bateera akaari k'okushemererwa, bagwa aha nsi bajuumaire.
Ekibi kya Nadabu na Abiihu
Currently Selected:
Lev 9: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Lev 9
9
1Aha kiro kya munaana Musa akeeta Arooni n'abatabani n'abakuru b'omu Baisiraeli. 2Yaagira Arooni ati: Twara enimi y'ekimasha kuba empongano y'ekibi, n'empaya y'entaama kuba ekihongwa ky'okucwetsya; byombi bitaine kamogo; obihongyere omu maisho ga Nyakubaho. 3Kandi ogambire Abaisiraeli oti: Mutware empaya y'embuzi kuba empongano y'ekibi, n'enyana n'omwana gw'entaama ebihikize omwaka gumwe bizairwe ebitaine kamogo, bibe ekihongwa ky'okucwetsya. 4Kandi n'enimi n'empaya y'entaama, kuba ekitambo ky'okurya kumwe kubitambira omu maisho ga Nyakubaho. Taho ekihongwa ky'esaano ejwangiibwemu amajuta: ahabw'okuba eri izooba Nyakubaho naija kubeeyoreka. 5Batyo baareeta omu maisho g'eihema ry'okubugabuganiramu ebi Musa yaaragiire; kandi eihanga ryona ryairira haihi, ryayemerera omu maisho ga Nyakubaho. 6Reero Musa yaabagira ati: Eki nikyo Nyakubaho abaragiire kukora; haza naija kubeeyoreka aine ekitiinisa. 7Bwanyima Musa yaagira Arooni ati: Hika aha itambiro, ohongye empongano yaawe ey'ekibi, n'ekitambo kyawe eky'okucwetsya, oyekarabire kandi okarabire n'eihanga. Reero oreete ekitambo ky'abantu, obakarabire nk'oku Nyakubaho aragiire.
8Arooni atyo aza aha itambiro, aita enyana y'empongano y'ekibi ey'okwehongyerera. 9Abatabani bamureetera eshangama, agikozamu orukumu, agisiiga aha mahembe g'eitambiro; kandi agishuka omu mizi yaaryo. 10Kwonka ebishaju, n'entsigo na zaakashaabo z'aha kine ezaihwa aha mpongano y'ekibi, abyokyeza aha itambiro nk'oku Nyakubaho yaaragiire Musa. 11Enyama n'oruhu abyokyeza aheeru y'orusiisira.
12Kandi Arooni aita enyamaishwa y'ekitambo ky'okucwetsya. Abatabani bamureetera eshagama, agimiisiira eitambiro okuryehinguririza. 13Mpaho bamureetera ekyo kitambo ky'okucwetsya kiri omu biningu, n'omutwe, abyokyeza aha itambiro. 14Reero ayozya eby'omunda n'ebivune, abyokyeza aha itambiro hamwe n'ekitambo ky'okucwetsya.
15Bwanyima areeta ekitambo ky'abantu, aihayo embuzi y'empongano y'ekibi ey'okuhongyerera abantu, agiita, agihongyerera ekibi, nk'oku yaagira empongano y'ekibi kye eyaabanza. 16Reero areeta ekitambo eky'okucwetsya, akitamba nk'oku kirikuragiirwa. 17Areeta omutoijo gw'esaano, agiihaho oruhi rwijwire, agyokyeza aha itambiro, aha rubaju rw'ekitambo ekicwekize eky'omu kasheeshe.
18Aita enimi n'empaya y'entaama kuba ekitambo ky'abantu kurya kumwe, abatabani bamureetera eshagama, agimiisiira eitambiro okuryehinguririza. 19Baamureetera ebishaju by'enimi n'eby'empaya y'entaama, n'omukira gw'ebishaju, n'ebishweka eby'omunda, n'entsigo na zaakashaabo z'aha kine. 20Haza bata ebyo bishaju aha nkoro, abyokyeza aha itambiro. 21Kwonka enkoro n'ekivune kya buryo Arooni abizongazonzya kuba ekitambo kizongazongiibwe omu maisho ga Nyakubaho nk'oku Musa yaaragiire.
22Bwanyima Arooni aimutsya emikono ye agyorekyeize abantu, abashabira omugisha. Atyo aruga aha itambiro ahi yaaba naatambira ekitambo ky'okuhongyerera ekibi, n'ekicwekize, n'ebyokurya kumwe. 23Reero Musa na Arooni baza omu ihema ry'okubugabuganiramu. Ku bashohora bashabira abantu emigisha; haza Nyakubaho abonekyera abo bantu boona aine ekitiinisa. 24Omuriro guruga omu maisho ga Nyakubaho, gwokyeza kimwe ekitambo ky'okucwetsya, n'ebishaju ebiri aha itambiro. Abantu boona ku bakireeba bateera akaari k'okushemererwa, bagwa aha nsi bajuumaire.
Ekibi kya Nadabu na Abiihu
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.