Lev 7
7
1Eki n'ekiragiro ky'empongano y'okwihisaho orubanja. N'ekiragiro ekirikwerera kimwe. 2Omu mwanya gu baitiramu enyamaishwa y'ekitambo ky'okucwetsya, nigwo bariitiramu n'ey'empongano y'okwihisaho orubanja; kandi eshagama yaayo emiisiirwe eitambiro okuryehinguririza. 3Ebishaju byayo byona eby'aha mukira n'ebishweka eby'omunda bihongwe. 4Entsigo zombi n'ebishaju ebiziriho, n'eby'aha mugongo, taho enyama z'akashaabo ez'aha kine ebi araiheho hamwe n'entsigo; 5omuhongyerezi abyokyeze aha itambiro, bibe empongano eyokize, ehongyeirwe Nyakubaho. Egyo niyo mpongano y'okwihaho orubanja. 6Weena oyetwa omushaija omu bahongyerezi, naikirizibwa kugirayho, kandi eriirwe omu Mwanya Ogurikwera, ahabw'okuba n'erikwerera kimwe. 7Empongano y'okwihaho orubanja ni nk'empongano y'okuhongyerera ekibi. Zombi eiteeka ryazo ni rimwe; omuhongyerezi orikugikarabisa abe niwe yaagitwara. 8Kandi omuhongyerezi otamba ekitambo ky'okucwetsya ekireetsirwe omuntu, niwe aritwara oruhu rwakyo. 9N'esaano yoona ehongirwe, ei bateekyeire omu kabiga, na byona ebi bateekyera aha kyoma ky'okukaranga, nari aha mahega, biryaba eby'omuhongyerezi owaabihonga. 10Kandi empongano z'esaano zoona ezijwangiibwemu amajuta nari ez'omukoma zibe eza beene Arooni boona ahatari kubashoroora.
Eiteeka ry'ekitambo ky'okurya kumwe
11Reero eri niryo iteeka ry'ekitambo ky'okurya kumwe eki omuntu arikwikirizibwa kutoijera Nyakubaho. 12Ku araakitoije ahabw'okusiima, ekyo kitambo akitoijereho otugaati tutarimu kitumbisa, otujwangiibwemu amajuta, n'otubanda tutatumbisiibwe oturimu amajuta, hamwe n'otugaati tw'esaano y'obunono etobirwemu amajuta g'emioliva. 13Hamwe n'ekitambo kye ky'okurya kumwe naasiima, ogwo mutoijo gwe agureetereho emigaati erimu ekitumbisa. 14Haza ahari buri mutoijo aiheho omugaati gumwe, gw'okutoijera Nyakubaho, gube ogw'omuhongyerezi omiisiira eshagama y'ekitambo ky'okurya kumwe. 15Kandi enyama y'ekitambo ky'okurya kumwe ekitoizirwe ahabw'okusiima, eriibwe ahari eryo izooba eri yaakiheeraho; atarigira ei yaatsigaho okuhitsya omu kasheeshe.
Eiteeka ry'ekitambo ky'okwekundira
16Kwonka ekitambo ki yaatoija ku kiriba kiri eky'okuhiga nari eki atoizire ayeyendeire, enyama yaakyo eriibwe aha izooba eri yaakitoijeraho, reero eraatsigareho eriibwe nyencakare. 17Kwonka enyama y'ekyo kitambo eritsigaraho okuhisya aha kiro kya kashatu eyokibwe omu muriro. 18Enyama yoona ey'ekitambo ekihairweyo ahabw'okurya kumwe ku eririibwa aha izooba rya kashatu, Ruhanga tariikiriza eki ogwo muntu yaatoija, kandi tarikimubarira, kiryaba ekihagaro, orikiryaho aryagiibwaho orubanja rw'ekicumuro.
Ebindi biragiro
19Enyama erikora aha kirikuzira kyona etaririibwa, eyokibwe omu muriro. Boona abatasiisikaire nibaikirizibwa kurya enyama. 20Kwonka omuntu orirya aha nyama y'ekitambo ekitoijeirwe Nyakubaho ahabw'okurya kumwe akisiisikaire, ogwo muntu aryacuubwa omu ihanga. 21Omuntu weena ku arikora aha kintu ekihagaire, yaaba ky'omuntu, nari ky'enyamaishwa erikuzira, nainga ekindi kihagaro, haza yaarya aha nyama y'ekitambo ekitoijeirwe Nyakubaho ahabw'okurya kumwe, aryacuubwa omu ihanga.
22Nyakubaho akagambira Musa ati: 23Gambira Abaisiraeli oti: Mutarirya ebishaju by'ente nari by'entaama nainga by'embuzi. 24Enyama z'ebishaju ez'enyamaishwa eyefeereire, n'ez'ebishaju by'eitsirwe ezindi nyamaishwa, nizibaasa kukoresibwa omu gundi muringo, kwonka mutarigira bu muziriire. 25Manya omuntu weena orirya aha bishaju by'enyamaishwa ei batoijeire Nyakubaho eyokiibwe omu muriro, aryacuubwa omu ihanga. 26Ekindi, mutarirya kyona ekyeetwa eshagama, yaaba ya birikugurukisa amapapa nari ey'enyamaishwa, hoona ahi muriba mutwire. 27Omuntu weena orirya eshagama aryacuubwa omu ihanga.
Omugabo gw'abahongyerezi
28Nyakubaho akagambira Musa ati: 29Gambira Abaisiraeli oti: Orikutoijera Nyakubaho ekitambo ky'emitoijo y'okurya kumwe, aryaguma areetere Nyakubaho omutoijo gwe agwihire aha kitambo ky'emitoijo y'okurya kumwe. 30Egyo mitoijo aryagyereetera omu ngaro, bagyokyeze Nyakubaho. Areete ebishaju hamwe n'enkoro. Haza enkoro bagizongazonzye, ebe ekitambo ekizongazongiibwe omu maisho ga Nyakubaho. 31Omuhongyerezi ayokyeze ebyo bishaju aha itambiro, kwonka enkoro ebe eya Arooni n'abatabani. 32Kandi ekivune kya buryo mukihe omuhongyerezi, kibe omutoijo ogwihirwe aha mitoijo yaanyu ey'okurya kumwe. 33Ow'omuri beene Arooni otoija eshagama y'emitoijo y'okurya kumwe, n'ebishaju, agume atungye ekivune kya buryo kibe omugabo gwe. 34Manya enkoro ezongazongiibwe n'ekivune ekitoijwa nyowe naabiiha aha Baisiraeli, aha bitambo by'emitoijo yaabo eby'okurya kumwe naabiha Arooni omuhongyerezi n'abatabani, bigume bibe omugabo gwabo gw'obutoosha ogurugire omu Baisiraeli.
35Ogwo nigwo mugabo gwa Arooni n'abatabani ogwihwa aha bitambo byokize ebitoijerwa Nyakubaho, ogu baheebwa aha izooba eri bateebwaho kuba abahongyerezi ba Nyakubaho. 36Nyakubaho akaragiira ku baguma nibaguheebwa Abaisiraeli aha izooba eri baasiigirwaho amajuta. Ekyo n'ekiragiro ky'okukuratirwa baijukuru baabo ebiro byona.
37Ogwo nigwo mugyenzo gw'ebitambo bicwekize, ogw'emitoijo y'esaano, ogw'empongano y'ekibi, ogw'okwihaho orubanja, ogw'okushoroorwa kw'abahongyerezi n'ogw'ebihongwa by'okurya kumwe, 38ogu Nyakubaho yaaragiire Musa aha Rushozi Sinaayi, aha izooba eri yaaragiriireho Abaisiraeli kureetera Nyakubaho emitoijo yaabo omu ihamba rya Sinaayi.
Emigyenzo y'okushoroora Arooni n'abatabani
Currently Selected:
Lev 7: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Lev 7
7
1Eki n'ekiragiro ky'empongano y'okwihisaho orubanja. N'ekiragiro ekirikwerera kimwe. 2Omu mwanya gu baitiramu enyamaishwa y'ekitambo ky'okucwetsya, nigwo bariitiramu n'ey'empongano y'okwihisaho orubanja; kandi eshagama yaayo emiisiirwe eitambiro okuryehinguririza. 3Ebishaju byayo byona eby'aha mukira n'ebishweka eby'omunda bihongwe. 4Entsigo zombi n'ebishaju ebiziriho, n'eby'aha mugongo, taho enyama z'akashaabo ez'aha kine ebi araiheho hamwe n'entsigo; 5omuhongyerezi abyokyeze aha itambiro, bibe empongano eyokize, ehongyeirwe Nyakubaho. Egyo niyo mpongano y'okwihaho orubanja. 6Weena oyetwa omushaija omu bahongyerezi, naikirizibwa kugirayho, kandi eriirwe omu Mwanya Ogurikwera, ahabw'okuba n'erikwerera kimwe. 7Empongano y'okwihaho orubanja ni nk'empongano y'okuhongyerera ekibi. Zombi eiteeka ryazo ni rimwe; omuhongyerezi orikugikarabisa abe niwe yaagitwara. 8Kandi omuhongyerezi otamba ekitambo ky'okucwetsya ekireetsirwe omuntu, niwe aritwara oruhu rwakyo. 9N'esaano yoona ehongirwe, ei bateekyeire omu kabiga, na byona ebi bateekyera aha kyoma ky'okukaranga, nari aha mahega, biryaba eby'omuhongyerezi owaabihonga. 10Kandi empongano z'esaano zoona ezijwangiibwemu amajuta nari ez'omukoma zibe eza beene Arooni boona ahatari kubashoroora.
Eiteeka ry'ekitambo ky'okurya kumwe
11Reero eri niryo iteeka ry'ekitambo ky'okurya kumwe eki omuntu arikwikirizibwa kutoijera Nyakubaho. 12Ku araakitoije ahabw'okusiima, ekyo kitambo akitoijereho otugaati tutarimu kitumbisa, otujwangiibwemu amajuta, n'otubanda tutatumbisiibwe oturimu amajuta, hamwe n'otugaati tw'esaano y'obunono etobirwemu amajuta g'emioliva. 13Hamwe n'ekitambo kye ky'okurya kumwe naasiima, ogwo mutoijo gwe agureetereho emigaati erimu ekitumbisa. 14Haza ahari buri mutoijo aiheho omugaati gumwe, gw'okutoijera Nyakubaho, gube ogw'omuhongyerezi omiisiira eshagama y'ekitambo ky'okurya kumwe. 15Kandi enyama y'ekitambo ky'okurya kumwe ekitoizirwe ahabw'okusiima, eriibwe ahari eryo izooba eri yaakiheeraho; atarigira ei yaatsigaho okuhitsya omu kasheeshe.
Eiteeka ry'ekitambo ky'okwekundira
16Kwonka ekitambo ki yaatoija ku kiriba kiri eky'okuhiga nari eki atoizire ayeyendeire, enyama yaakyo eriibwe aha izooba eri yaakitoijeraho, reero eraatsigareho eriibwe nyencakare. 17Kwonka enyama y'ekyo kitambo eritsigaraho okuhisya aha kiro kya kashatu eyokibwe omu muriro. 18Enyama yoona ey'ekitambo ekihairweyo ahabw'okurya kumwe ku eririibwa aha izooba rya kashatu, Ruhanga tariikiriza eki ogwo muntu yaatoija, kandi tarikimubarira, kiryaba ekihagaro, orikiryaho aryagiibwaho orubanja rw'ekicumuro.
Ebindi biragiro
19Enyama erikora aha kirikuzira kyona etaririibwa, eyokibwe omu muriro. Boona abatasiisikaire nibaikirizibwa kurya enyama. 20Kwonka omuntu orirya aha nyama y'ekitambo ekitoijeirwe Nyakubaho ahabw'okurya kumwe akisiisikaire, ogwo muntu aryacuubwa omu ihanga. 21Omuntu weena ku arikora aha kintu ekihagaire, yaaba ky'omuntu, nari ky'enyamaishwa erikuzira, nainga ekindi kihagaro, haza yaarya aha nyama y'ekitambo ekitoijeirwe Nyakubaho ahabw'okurya kumwe, aryacuubwa omu ihanga.
22Nyakubaho akagambira Musa ati: 23Gambira Abaisiraeli oti: Mutarirya ebishaju by'ente nari by'entaama nainga by'embuzi. 24Enyama z'ebishaju ez'enyamaishwa eyefeereire, n'ez'ebishaju by'eitsirwe ezindi nyamaishwa, nizibaasa kukoresibwa omu gundi muringo, kwonka mutarigira bu muziriire. 25Manya omuntu weena orirya aha bishaju by'enyamaishwa ei batoijeire Nyakubaho eyokiibwe omu muriro, aryacuubwa omu ihanga. 26Ekindi, mutarirya kyona ekyeetwa eshagama, yaaba ya birikugurukisa amapapa nari ey'enyamaishwa, hoona ahi muriba mutwire. 27Omuntu weena orirya eshagama aryacuubwa omu ihanga.
Omugabo gw'abahongyerezi
28Nyakubaho akagambira Musa ati: 29Gambira Abaisiraeli oti: Orikutoijera Nyakubaho ekitambo ky'emitoijo y'okurya kumwe, aryaguma areetere Nyakubaho omutoijo gwe agwihire aha kitambo ky'emitoijo y'okurya kumwe. 30Egyo mitoijo aryagyereetera omu ngaro, bagyokyeze Nyakubaho. Areete ebishaju hamwe n'enkoro. Haza enkoro bagizongazonzye, ebe ekitambo ekizongazongiibwe omu maisho ga Nyakubaho. 31Omuhongyerezi ayokyeze ebyo bishaju aha itambiro, kwonka enkoro ebe eya Arooni n'abatabani. 32Kandi ekivune kya buryo mukihe omuhongyerezi, kibe omutoijo ogwihirwe aha mitoijo yaanyu ey'okurya kumwe. 33Ow'omuri beene Arooni otoija eshagama y'emitoijo y'okurya kumwe, n'ebishaju, agume atungye ekivune kya buryo kibe omugabo gwe. 34Manya enkoro ezongazongiibwe n'ekivune ekitoijwa nyowe naabiiha aha Baisiraeli, aha bitambo by'emitoijo yaabo eby'okurya kumwe naabiha Arooni omuhongyerezi n'abatabani, bigume bibe omugabo gwabo gw'obutoosha ogurugire omu Baisiraeli.
35Ogwo nigwo mugabo gwa Arooni n'abatabani ogwihwa aha bitambo byokize ebitoijerwa Nyakubaho, ogu baheebwa aha izooba eri bateebwaho kuba abahongyerezi ba Nyakubaho. 36Nyakubaho akaragiira ku baguma nibaguheebwa Abaisiraeli aha izooba eri baasiigirwaho amajuta. Ekyo n'ekiragiro ky'okukuratirwa baijukuru baabo ebiro byona.
37Ogwo nigwo mugyenzo gw'ebitambo bicwekize, ogw'emitoijo y'esaano, ogw'empongano y'ekibi, ogw'okwihaho orubanja, ogw'okushoroorwa kw'abahongyerezi n'ogw'ebihongwa by'okurya kumwe, 38ogu Nyakubaho yaaragiire Musa aha Rushozi Sinaayi, aha izooba eri yaaragiriireho Abaisiraeli kureetera Nyakubaho emitoijo yaabo omu ihamba rya Sinaayi.
Emigyenzo y'okushoroora Arooni n'abatabani
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.