Lev 1
1
Ebitambo by'okucwetsya
1Nyakubaho akeeta Musa naayema omu ihema ry'okubugabuganiramu, yaamugira ati: 2Gambira Abaisiraeli oti: Omuntu weena omuriimwe ku arintoijera ekitambo, muryaguma mukiihe omu masyo gaanyu g'ente nari ag'entaama.
3Omutoijo gwe ku guriba guri ekitambo ky'okucwetsya, ekirugire omu busyo bw'ente, atoije ekimasha ekitaine kamogo; kandi akitoijere aha muryango gw'Eihema ry'okubugabuganiramu, Nyowe Nyakubaho mbone kukisiima. 4Aryata omukono gwe aha mutwe gw'ekitambo ky'okucwetsya, kibone kusiimwa ahabwe kuba eky'okumukarabira. 5Bwanyima aitire enimi omu maisho gangye, abahongyerezi beene Arooni bammurikire eshagama yaayo, kandi bagimiisiire okwehinguririza eitambiro eriri aha muryango gw'eihema ry'okubugabuganiramu. 6Mpaho abaagye enyamaishwa y'ekitambo ky'okucwetsya, agihirimburemu ebicweka. 7Abahongyerezi beene Arooni bate omuriro aha itambiro bagutungikyeho enku. 8Ebyo bicweka n'omutwe n'ebishaju babiteekyerane aha nku zitungamiire omuriro gw'aha itambiro. 9Reero omuntu ayozye eby'omunda n'amaguru. Omuhongyerezi byona abyokyeze aha itambiro bibe ekitambo kicwekize. Mpaho ekyo kitambo kyokiibwe, ekisooroora kyakyo kibone kungwisa gye Nyowe Nyakubaho.
10Omutoijo gwe ku guraabe guri ogw'ekitambo ky'okucwetsya, gwihirwe omu busyo bw'entaama nari obw'embuzi, atoije empaya etaine kamogo. 11Kandi agiitire omu maisho ga Nyakubaho aha rubaju rw'eitambiro orw'aha bukiizi-bwa-bumosho. Abahongyerezi beene Arooni bamiisiire eshagama yaayo okwehinguririza eitambiro. 12Mpaho ogwo muntu ekitambo akihirimburemu ebicweka, hamwe n'omutwe gwakyo n'ebishaju byakyo; omuhongyerezi abiteekyerane aha nku eziri aha muriro gw'aha itambiro. 13Kwonka eby'omunda n'amaguru abyozye n'amaizi. Omuhongyerezi abitambe byona naabyokyeza aha itambiro; bibe ekitambo kicwekize. Haza ekyo kitambo kyokiibwe, ekisooroora kyakyo kigwise gye Nyakubaho.
14Eki aritoijera Nyakubaho ku kiriba kiri ekitambo ky'okucwetsya, ekiihirwe omu nyonyi, obwo aryatoija eriiba nari enkombe nto. 15Omuhongyerezi atware egyo nyonyi aha itambiro, agihotore ebitsya, agicweho omutwe, agyokyeze aha itambiro, eshagama yaayo egiitururukyemu neejwera aha rubaju rwaryo. 16Reero agiihemu ekitondoro, agihaanyeho ebyoya abinagye aha rubaju rw'eitambiro embari ya burugwa-izooba, ahi baata eiju rya kashenda. 17Agicweho amapapa, kwonka agirekye eri embumburi. Omuhongyerezi agyokyeze aha itambiro aha nku ezitungikirwe aha muriro. Ebe ekitambo kicwekize ekyokiibwe eki ekisooroora kyakyo kiraagwise gye Nyakubaho.
Emitoijo y'esaano
Currently Selected:
Lev 1: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Lev 1
1
Ebitambo by'okucwetsya
1Nyakubaho akeeta Musa naayema omu ihema ry'okubugabuganiramu, yaamugira ati: 2Gambira Abaisiraeli oti: Omuntu weena omuriimwe ku arintoijera ekitambo, muryaguma mukiihe omu masyo gaanyu g'ente nari ag'entaama.
3Omutoijo gwe ku guriba guri ekitambo ky'okucwetsya, ekirugire omu busyo bw'ente, atoije ekimasha ekitaine kamogo; kandi akitoijere aha muryango gw'Eihema ry'okubugabuganiramu, Nyowe Nyakubaho mbone kukisiima. 4Aryata omukono gwe aha mutwe gw'ekitambo ky'okucwetsya, kibone kusiimwa ahabwe kuba eky'okumukarabira. 5Bwanyima aitire enimi omu maisho gangye, abahongyerezi beene Arooni bammurikire eshagama yaayo, kandi bagimiisiire okwehinguririza eitambiro eriri aha muryango gw'eihema ry'okubugabuganiramu. 6Mpaho abaagye enyamaishwa y'ekitambo ky'okucwetsya, agihirimburemu ebicweka. 7Abahongyerezi beene Arooni bate omuriro aha itambiro bagutungikyeho enku. 8Ebyo bicweka n'omutwe n'ebishaju babiteekyerane aha nku zitungamiire omuriro gw'aha itambiro. 9Reero omuntu ayozye eby'omunda n'amaguru. Omuhongyerezi byona abyokyeze aha itambiro bibe ekitambo kicwekize. Mpaho ekyo kitambo kyokiibwe, ekisooroora kyakyo kibone kungwisa gye Nyowe Nyakubaho.
10Omutoijo gwe ku guraabe guri ogw'ekitambo ky'okucwetsya, gwihirwe omu busyo bw'entaama nari obw'embuzi, atoije empaya etaine kamogo. 11Kandi agiitire omu maisho ga Nyakubaho aha rubaju rw'eitambiro orw'aha bukiizi-bwa-bumosho. Abahongyerezi beene Arooni bamiisiire eshagama yaayo okwehinguririza eitambiro. 12Mpaho ogwo muntu ekitambo akihirimburemu ebicweka, hamwe n'omutwe gwakyo n'ebishaju byakyo; omuhongyerezi abiteekyerane aha nku eziri aha muriro gw'aha itambiro. 13Kwonka eby'omunda n'amaguru abyozye n'amaizi. Omuhongyerezi abitambe byona naabyokyeza aha itambiro; bibe ekitambo kicwekize. Haza ekyo kitambo kyokiibwe, ekisooroora kyakyo kigwise gye Nyakubaho.
14Eki aritoijera Nyakubaho ku kiriba kiri ekitambo ky'okucwetsya, ekiihirwe omu nyonyi, obwo aryatoija eriiba nari enkombe nto. 15Omuhongyerezi atware egyo nyonyi aha itambiro, agihotore ebitsya, agicweho omutwe, agyokyeze aha itambiro, eshagama yaayo egiitururukyemu neejwera aha rubaju rwaryo. 16Reero agiihemu ekitondoro, agihaanyeho ebyoya abinagye aha rubaju rw'eitambiro embari ya burugwa-izooba, ahi baata eiju rya kashenda. 17Agicweho amapapa, kwonka agirekye eri embumburi. Omuhongyerezi agyokyeze aha itambiro aha nku ezitungikirwe aha muriro. Ebe ekitambo kicwekize ekyokiibwe eki ekisooroora kyakyo kiraagwise gye Nyakubaho.
Emitoijo y'esaano
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.