Lev 2
2
1Omuntu weena ku arireeta omutoijo gw'esaano agutoijeire Nyakubaho, ogwo mutoijo gwe gube ogw'esaano y'obunono; aryagushukaho amajuta kandi agumemeerereho obubaani, 2agureetere abahongyerezi beene Arooni. Haza agwiheho oruhi rw'esaano y'obunono n'amajuta n'obubaani bwagwo bwona. Ebyo byona omuhongyerezi abyokyeze aha itambiro, kuba ekiijutsyo. Gube omutoijo ogwokiibwe ogu ekisooroora kyagwo kiraagwise gye Nyakubaho. 3Reero ekiraatsigare ahari ogwo mutoijo gw'esaano kibe ekya Arooni n'abatabani. Nikiba kiri ekirikwera ekirikukirira kimwe endiijo mitoijo eyokiibwe, ahabw'okuba nikiba kitoijeirwe Nyakubaho.
4Ku orireeta omutoijo gw'esaano oguteekyeirwe omu iteekyero ry'emigaati, gube ogw'otugaati otutatumbisiibwe otw'esaano y'obunono ejwangiibwemu amajuta; nari gube ogw'otubanda tutatumbisiibwe otumamagiziibweho amajuta. 5Kandi omutoijo gwawe ku guriba guri ogw'esaano ekarangire, gube ogw'ey'obunono, etarimu kitumbisa, ejwangiibwemu amajuta. 6Otyo ogucwanyagure, ogushukyeho amajuta gube omutoijo gw'esaano. 7Omutoijo gwawe ku guraabe guri ogw'esaano ekarangiirwe aha rugusyo, gube ogw'ey'obunono ejwangirwemu amajuta.
8Mpaho omutoijo gw'esaano ogujwangirwemu ebyo ogutoijere Nyakubaho, kandi ku gurimurikirwa omuhongyerezi, agutware aha itambiro. 9Omuhongyerezi akore ahari egyo saano etoizirwe ekicweka ky'okwijukiraho, akyokyeze aha itambiro, kibe omutoijo ogwokiibwe, ogu ekisooroora kyagwo kiraagwise gye Nyakubaho. 10Reero ekiraatsigare ahari ogwo mutoijo gw'esaano kibe ekya Arooni n'abatabani, kandi nikiba kiri ekirikwera ekirikukirira kimwe endiijo mitoijo eyokiibwe, ahabw'okuba nikiba kitoijeirwe Nyakubaho.
11Hatarigira omutoijo gw'esaano ogu muritoijera Nyakubaho gurimu ekitumbisa, ahabw'okuba timuryotsya kitumbisa, nobu bwakuba obwoki, ngu bibe omutoijo ogwokiibwe ogw'okutoijera Nyakubaho. 12Ebijuma by'emiganuro nimwikirizibwa kubimutoijera, kwonka bitaritoijerwa aha itambiro, ngu bibe omugaju gurikugwisa gye. 13Emitoijo yaawe yoona ey'esaano oryagitamu omwonyo. Otaribura kuta omwonyo omu mitoijo yaawe y'esaano kuhamya endagaano na Ruhanga waawe. Emitoijo yaawe yoona ogume ogitoije erimu omwonyo.
14Ku oritoijera Nyakubaho omutoijo gw'esaano y'omuganuro, omutoijere ey'omujuma gw'omweza ogukarangire kandi oguseire. 15Haza oryagumaamagizaho amajuta, ogumemeerereho obubaani, gubone kuba omutoijo gw'esaano. 16Reero omuhongyerezi, ekicweka ky'omujuma oguseirwe n'eky'amajuta hamwe n'obubaani bwakyo bwona, abyotsye, bibe ekiijutsyo; kandi bibone kuba omutoijo ogwokiibwe kutoijerwa Nyakubaho.
Ekitambo ky'okurya kumwe
Currently Selected:
Lev 2: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Lev 2
2
1Omuntu weena ku arireeta omutoijo gw'esaano agutoijeire Nyakubaho, ogwo mutoijo gwe gube ogw'esaano y'obunono; aryagushukaho amajuta kandi agumemeerereho obubaani, 2agureetere abahongyerezi beene Arooni. Haza agwiheho oruhi rw'esaano y'obunono n'amajuta n'obubaani bwagwo bwona. Ebyo byona omuhongyerezi abyokyeze aha itambiro, kuba ekiijutsyo. Gube omutoijo ogwokiibwe ogu ekisooroora kyagwo kiraagwise gye Nyakubaho. 3Reero ekiraatsigare ahari ogwo mutoijo gw'esaano kibe ekya Arooni n'abatabani. Nikiba kiri ekirikwera ekirikukirira kimwe endiijo mitoijo eyokiibwe, ahabw'okuba nikiba kitoijeirwe Nyakubaho.
4Ku orireeta omutoijo gw'esaano oguteekyeirwe omu iteekyero ry'emigaati, gube ogw'otugaati otutatumbisiibwe otw'esaano y'obunono ejwangiibwemu amajuta; nari gube ogw'otubanda tutatumbisiibwe otumamagiziibweho amajuta. 5Kandi omutoijo gwawe ku guriba guri ogw'esaano ekarangire, gube ogw'ey'obunono, etarimu kitumbisa, ejwangiibwemu amajuta. 6Otyo ogucwanyagure, ogushukyeho amajuta gube omutoijo gw'esaano. 7Omutoijo gwawe ku guraabe guri ogw'esaano ekarangiirwe aha rugusyo, gube ogw'ey'obunono ejwangirwemu amajuta.
8Mpaho omutoijo gw'esaano ogujwangirwemu ebyo ogutoijere Nyakubaho, kandi ku gurimurikirwa omuhongyerezi, agutware aha itambiro. 9Omuhongyerezi akore ahari egyo saano etoizirwe ekicweka ky'okwijukiraho, akyokyeze aha itambiro, kibe omutoijo ogwokiibwe, ogu ekisooroora kyagwo kiraagwise gye Nyakubaho. 10Reero ekiraatsigare ahari ogwo mutoijo gw'esaano kibe ekya Arooni n'abatabani, kandi nikiba kiri ekirikwera ekirikukirira kimwe endiijo mitoijo eyokiibwe, ahabw'okuba nikiba kitoijeirwe Nyakubaho.
11Hatarigira omutoijo gw'esaano ogu muritoijera Nyakubaho gurimu ekitumbisa, ahabw'okuba timuryotsya kitumbisa, nobu bwakuba obwoki, ngu bibe omutoijo ogwokiibwe ogw'okutoijera Nyakubaho. 12Ebijuma by'emiganuro nimwikirizibwa kubimutoijera, kwonka bitaritoijerwa aha itambiro, ngu bibe omugaju gurikugwisa gye. 13Emitoijo yaawe yoona ey'esaano oryagitamu omwonyo. Otaribura kuta omwonyo omu mitoijo yaawe y'esaano kuhamya endagaano na Ruhanga waawe. Emitoijo yaawe yoona ogume ogitoije erimu omwonyo.
14Ku oritoijera Nyakubaho omutoijo gw'esaano y'omuganuro, omutoijere ey'omujuma gw'omweza ogukarangire kandi oguseire. 15Haza oryagumaamagizaho amajuta, ogumemeerereho obubaani, gubone kuba omutoijo gw'esaano. 16Reero omuhongyerezi, ekicweka ky'omujuma oguseirwe n'eky'amajuta hamwe n'obubaani bwakyo bwona, abyotsye, bibe ekiijutsyo; kandi bibone kuba omutoijo ogwokiibwe kutoijerwa Nyakubaho.
Ekitambo ky'okurya kumwe
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.