Kur 40
40
1Nyakubaho akagambira Musa ati: 2Aha kiro ky'okubanza ky'okwezi kw'okubanza, oryayemereza eihema ry'okubugabuganiramu. 3Oritemu eshanduukye y'endagaano ogikingize omukingo. 4Oritemu emeeza, otebeekanise eby'okugikoresezaho; kandi oritemu ekikondo ky'amatabaaza, okiteho n'amatabaaza gaakyo. 5Reero omu maisho g'eshanduukye y'eby'obuhamya otemu eitambiro ry'ezaabu ery'okwotereraho obubaani; kandi ote omukingo aha muryango gw'eihema. 6Haza omu maisho g'omuryango gw'eihema ry'okubugabuganiramu, obe niho waata eitambiro ry'ebitambo by'okucwetsya. 7Kandi ote ekinaabiro ahagati y'eihema ry'okubugabuganiramu n'eitambiro, haza okitemu amaizi. 8Mpaho oimutsye orugo rwehinguririze ekibuga; reero ote omukingo aha irembo ryakyo. 9Bwanyima oiheyo amajuta g'okusiiga ogasiigye Obutaaho n'ebirimu byona; obuhaasirire n'ebyamwo byona, bube oburikwera. 10Reero oije osiigye eitambiro ry'okutambiraho eby'okucwetsya, n'eby'okurikoresaho byona oryeze, ribe eririkwerera kimwe. 11Kandi osiigye ekinaabiro n'ekibunu kyakyo, okihaasirire. 12Bwanyima oreete Arooni n'abatabani aha muryango gw'eihema ry'okubugabuganiramu, oboozye n'amaizi. 13Reero ojwekye Arooni ebijwaro ebirikwera, omusiigye kandi omuhaasirire abone kunkorera omurimo ari omuhongyerezi. 14Kandi oreete abatabani, obajwekye ekooti. 15Obasiigye nk'oku waasiiga ishebo, babone kumpeereza bari abahongyerezi. Okusiigwa kwabo kubahaise obuhongyerezi bw'ebiro byona omu nzaaro zaabo.
Musa okuhikiiriza ebi Mukama yaamuragiire
16Oku nikwo Musa yaakozire ebintu nk'oku Mukama yaamuragiire. 17Omu kwezi kw'okubanza okw'omu mwaka gwa kabiri, aha kiro ky'okubanza eky'okwo kwezi, bakaimutsya obutaaho. 18Musa yaabwimutsya, yaataho ebiina byabwo, yaabibyaramu embaaho zaabwo, yaataho embazi zaabwo, yaateera n'enyomyo zaabwo. 19Obwo butaaho yaabushakaaza eihema, ryabushweka, nk'oku Nyakubaho yaamuragiire. 20Reero yaareeta eby'obuhamya yaabita omu shanduukye, yaagitaasyamu emigamba; kandi ahaiguru yaayo yaataho ekitebe ky'okusaasira. 21Obwo butaaho yaabutamu eshanduukye y'eby'obuhamya; yaagitaho omukingo, gwagikingira, nk'oku Nyakubaho yaamuragiire. 22Kandi omu ihema ry'okubugabuganiramu, yaatamu emeeza aha rubaju rwa bumosho rw'Obutaaho enyima y'omukingo. 23Egyo meeza yaagitebeekanisaho gye emigaati y'okumurikira Nyakubaho nk'oku Nyakubaho yaamuragiire. 24Reero yaata ekikondo ky'amatabaaza omu ihema ry'okubugabuganiramu, kyareebana n'emeeza aha rubaju rwa buryo orw'Obutaaho. 25Yaakitaho amatabaaza g'okwakira omu maisho ga Nyakubaho, nk'oku Nyakubaho yaamuragiire. 26Atyo yaata eitambiro omu maisho g'omukingo, gw'omu ihema ry'okubugabuganiramu. 27Yaaryotereraho obubaani burikutaamirana omugaju nk'oku Nyakubaho yaamuragiire. 28Kandi yaata omukingo aha muryango gw'Obutaaho. 29N'aha muryango gw'obutaaho bw'eihema ry'okubugabuganiramu, yaataho eitambiro ry'ebitambo by'okucwetsya, yaaritambiraho ekitambo kicwekize n'eky'esaano nk'oku Nyakubaho yaamuragiire. 30Reero ahagati y'eihema ry'okubugabuganiramu n'eitambiro yaataho ekinaabiro yaakitamu amaizi g'okunaaba. 31Musa ogwo na Arooni n'abatabani kuguma nibaganaabisisa engaro n'ebigyere, 32baaba bataahire omu ihema ry'okubugabuganiramu, bari haihi kuhika eitambiro; batyo banaaba nk'oku Nyakubaho yaamuragiire. 33Bwanyima akataho orugo rwayehinguririza ekibuga ky'Obutaaho n'eitambiro, yaata n'omukingo aha irembo ry'ekibuga. Musa yaaheza atyo ogwo murimo.
Ruhanga okwebembera Abaisiraeli ari omu kicu
34Ebyo ku byahwaire, ekicu kyashweka eihema ry'okubugabuganiramu; ekitiinisa kya Nyakubaho kyaijura Obutaaho. 35Musa tiyaabaasa kutaaha mu ihema ry'okubugabuganiramu, ahabw'okuba ekyo kicu kikaba kiririho n'ekitiinisa kya Nyakubaho kiijwire Obutaaho. 36Omu ngyendo zaabo zoona, ekyo kicu ku kyabaire kiimuka aha butaaho, Abaisiraeli baimutsya bagyenda. 37Kikiba kitaihirweho, bareka kugumizamu orugyendo, okuhitsya obu kyabaire kiihwaho. 38Manya omu ngyendo zaabo zoona ekyo kicu kya Nyakubaho nyomushana kikaba kiguma aha butaaho, kandi nyekiro kyakirwamu omuriro Abaisiraeli baguma nibakireeba.
Currently Selected:
Kur 40: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 40
40
1Nyakubaho akagambira Musa ati: 2Aha kiro ky'okubanza ky'okwezi kw'okubanza, oryayemereza eihema ry'okubugabuganiramu. 3Oritemu eshanduukye y'endagaano ogikingize omukingo. 4Oritemu emeeza, otebeekanise eby'okugikoresezaho; kandi oritemu ekikondo ky'amatabaaza, okiteho n'amatabaaza gaakyo. 5Reero omu maisho g'eshanduukye y'eby'obuhamya otemu eitambiro ry'ezaabu ery'okwotereraho obubaani; kandi ote omukingo aha muryango gw'eihema. 6Haza omu maisho g'omuryango gw'eihema ry'okubugabuganiramu, obe niho waata eitambiro ry'ebitambo by'okucwetsya. 7Kandi ote ekinaabiro ahagati y'eihema ry'okubugabuganiramu n'eitambiro, haza okitemu amaizi. 8Mpaho oimutsye orugo rwehinguririze ekibuga; reero ote omukingo aha irembo ryakyo. 9Bwanyima oiheyo amajuta g'okusiiga ogasiigye Obutaaho n'ebirimu byona; obuhaasirire n'ebyamwo byona, bube oburikwera. 10Reero oije osiigye eitambiro ry'okutambiraho eby'okucwetsya, n'eby'okurikoresaho byona oryeze, ribe eririkwerera kimwe. 11Kandi osiigye ekinaabiro n'ekibunu kyakyo, okihaasirire. 12Bwanyima oreete Arooni n'abatabani aha muryango gw'eihema ry'okubugabuganiramu, oboozye n'amaizi. 13Reero ojwekye Arooni ebijwaro ebirikwera, omusiigye kandi omuhaasirire abone kunkorera omurimo ari omuhongyerezi. 14Kandi oreete abatabani, obajwekye ekooti. 15Obasiigye nk'oku waasiiga ishebo, babone kumpeereza bari abahongyerezi. Okusiigwa kwabo kubahaise obuhongyerezi bw'ebiro byona omu nzaaro zaabo.
Musa okuhikiiriza ebi Mukama yaamuragiire
16Oku nikwo Musa yaakozire ebintu nk'oku Mukama yaamuragiire. 17Omu kwezi kw'okubanza okw'omu mwaka gwa kabiri, aha kiro ky'okubanza eky'okwo kwezi, bakaimutsya obutaaho. 18Musa yaabwimutsya, yaataho ebiina byabwo, yaabibyaramu embaaho zaabwo, yaataho embazi zaabwo, yaateera n'enyomyo zaabwo. 19Obwo butaaho yaabushakaaza eihema, ryabushweka, nk'oku Nyakubaho yaamuragiire. 20Reero yaareeta eby'obuhamya yaabita omu shanduukye, yaagitaasyamu emigamba; kandi ahaiguru yaayo yaataho ekitebe ky'okusaasira. 21Obwo butaaho yaabutamu eshanduukye y'eby'obuhamya; yaagitaho omukingo, gwagikingira, nk'oku Nyakubaho yaamuragiire. 22Kandi omu ihema ry'okubugabuganiramu, yaatamu emeeza aha rubaju rwa bumosho rw'Obutaaho enyima y'omukingo. 23Egyo meeza yaagitebeekanisaho gye emigaati y'okumurikira Nyakubaho nk'oku Nyakubaho yaamuragiire. 24Reero yaata ekikondo ky'amatabaaza omu ihema ry'okubugabuganiramu, kyareebana n'emeeza aha rubaju rwa buryo orw'Obutaaho. 25Yaakitaho amatabaaza g'okwakira omu maisho ga Nyakubaho, nk'oku Nyakubaho yaamuragiire. 26Atyo yaata eitambiro omu maisho g'omukingo, gw'omu ihema ry'okubugabuganiramu. 27Yaaryotereraho obubaani burikutaamirana omugaju nk'oku Nyakubaho yaamuragiire. 28Kandi yaata omukingo aha muryango gw'Obutaaho. 29N'aha muryango gw'obutaaho bw'eihema ry'okubugabuganiramu, yaataho eitambiro ry'ebitambo by'okucwetsya, yaaritambiraho ekitambo kicwekize n'eky'esaano nk'oku Nyakubaho yaamuragiire. 30Reero ahagati y'eihema ry'okubugabuganiramu n'eitambiro yaataho ekinaabiro yaakitamu amaizi g'okunaaba. 31Musa ogwo na Arooni n'abatabani kuguma nibaganaabisisa engaro n'ebigyere, 32baaba bataahire omu ihema ry'okubugabuganiramu, bari haihi kuhika eitambiro; batyo banaaba nk'oku Nyakubaho yaamuragiire. 33Bwanyima akataho orugo rwayehinguririza ekibuga ky'Obutaaho n'eitambiro, yaata n'omukingo aha irembo ry'ekibuga. Musa yaaheza atyo ogwo murimo.
Ruhanga okwebembera Abaisiraeli ari omu kicu
34Ebyo ku byahwaire, ekicu kyashweka eihema ry'okubugabuganiramu; ekitiinisa kya Nyakubaho kyaijura Obutaaho. 35Musa tiyaabaasa kutaaha mu ihema ry'okubugabuganiramu, ahabw'okuba ekyo kicu kikaba kiririho n'ekitiinisa kya Nyakubaho kiijwire Obutaaho. 36Omu ngyendo zaabo zoona, ekyo kicu ku kyabaire kiimuka aha butaaho, Abaisiraeli baimutsya bagyenda. 37Kikiba kitaihirweho, bareka kugumizamu orugyendo, okuhitsya obu kyabaire kiihwaho. 38Manya omu ngyendo zaabo zoona ekyo kicu kya Nyakubaho nyomushana kikaba kiguma aha butaaho, kandi nyekiro kyakirwamu omuriro Abaisiraeli baguma nibakireeba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.