Kur 39
39
1Reero omu myenda ya bururu n'eya bujwa n'eya karari, bakakoramu ebijwaro birungi by'abahongyerezi kujwara nibaheereza omu Mwanya Ogurikwera. Baakorera na Arooni ebijwaro ebirikwera nk'oku Nyakubaho yaaragiire Musa.
2Kandi baakora ekitaahiro ky'emikwegye y'ezaabu, n'omwenda gwa kitaani enungi ogw'ehuuzi za bururu n'eza bujwa n'eza karari, ezoogosirwe enyabubiri. 3Baaheesha ezaabu yaaba obubabi, baabwihamu emikwegye y'okucwererana amabara g'emyenda y'ehuuzi za bururu n'eza bujwa n'eza karari na kitaani enungi eyogosirwe enyabubiri nk'oku abanyamyoga b'obwengye bakora. 4Ekyo kitaahiro baakitaho ebiremu by'aha mabega, ebiteerainwe nakyo aha mikugiro yaakyo yombi. 5Reero omweko ogukiriho ogw'okukyezirikisa, ogurukirwe abanyamyoga omu buringaringo, baagukora omu bintu bimwe, n'omu muringo gumwe nkakyo, omu zaabu n'omu mwenda gw'ehuuzi za bururu n'eza bujwa n'eza karari n'eza kitaani enungi ezoogosirwe enyabubiri, nk'oku Nyakubaho yaaragiire Musa. 6Bakashemeza amabaare g'erangi zitarikushushana, baagahamisa ezaabu ekwegire; kandi baagasharura nk'oku basharura obumanyiso, nibagataho amaziina ga batabani ba Isiraeli. 7Ago mabaare yaagata aha biremu by'aha mabega g'ekitaahiro kuba ag'okwijukiraho batabani ba Isiraeli; nk'oku Mukama yaaragiire Musa.
8Kandi akakora eky'okujwara aha kifuba omu buringaringo, nk'oku abanyamyoga baakozire ekitaahiro, omu zaabu n'omwenda gw'ehuuzi za bururu na bujwa na karari na kitaani enungi eyogosirwe enyabubiri. Eky'okujwara aha kifuba 9kikaba nikingana omu mbaju zaakyo ina; kandi kikozirwe kikubiraine, kikikubwa kiba kimwe omu buraingwa n'ekita kimwe omu bukiika. 10Haza baakibambatikaho embu ina z'amabaare. Orw'okubanza rurimu aga sarudio na topazi na barekeesi. 11Orubu rwa kabiri baatamu aga emeralido, na safiro na alimaasi. 12Orwa kashatu, yakinto, agate na ametisiti. 13Reero orwa kana baarutaho aga berulo, onikisi na yasipi; goona baagahamiza omu mishorongo yaago n'ezaabu ekwegire. 14Gakaba gari amabaare ikumi n'abiri, gariho amaziina ga batabani ba Isiraeli. Gari nk'obumanyiso; buri ibaare risharwirweho eiziina ryaryo kumanyisa enganda ikumi na ibiri. 15Kandi aha ky'aha kifuba ekyo baakoreraho emikuufu ehotoire nk'emigoye, eri ey'ezaabu empuuhe. 16Reero baakora embu ibiri z'okuhamya ago mabaare omu zaabu ekwegire, n'empeta ibiri z'ezaabu. Ezo mpeta baazita aha mikugiro yombi ey'eky'aha kifuba. 17Mpaho baarabya emiyondo y'ezaabu omu mpeta zombi, aha mukugiro y'eky'aha kifuba. 18Emitwe y'emiyondo yombi baagihamiza aha mbu ibiri ez'ezaabu ekwegire, baagihamiza batyo omu maisho g'ebiremu by'aha mabega g'ekitaahiro. 19Bwanyima baakora empeta ibiri z'ezaabu, baazita aha mikugiro yombi ey'eky'aha kifuba, aha mukugiro gwakyo ogw'omunda, oguhereraine n'ekitaahiro. 20Reero baakora empeta ibiri z'ezaabu, baazihamiza omu maisho g'ekicweka kya ifo eky'ebiremu by'aha mabega g'ekitaahiro, ahi kirikuteeranira eruguru y'omweko gwakyo ogurukirwe omu buringaringo. 21Mpaho eky'aha kifuba baakikomesa empeta zaakyo, nibazikomera aha z'ekitaahiro n'akagoye ka bururu ngu kibone kuhamira aha mweko gw'ekitaahiro ogurukirwe omu buringaringo kandi ngu kitayuga kikataana n'ekyo kitaahiro; nk'oku Nyakubaho yaaragiire Musa. 22Kandi akakora ekanzu y'ekyo kitaahiro, yoona erukirwe omu mwenda gwa bururu. 23Haza amaraka gaayo yaagagira nk'oku bakora ag'ekindi kijwaro, yaatariza omukugiro gwago ngu gatakaataaguka. 24Aha mukugiro gwayo ogwa ifo baabaziiraho ebirikushusha amakoma mahanga omu huuzi za bururu n'eza bujwa, n'eza karari n'eza kitaani nungi ezoogosirwe enyabubiri. 25Kandi baaheesha amajugo omu zaabu empuuhe, baagata ahagati y'amakoma-mahanga, aha mukugiro gwa ifo ogw'ekanzu, gaagwehinguririza, nibaguhunda ahagati y'amakoma-mahanga; 26buri ijugo nirikuratwa eikoma-mahanga, okwehinguririza omukugiro gwa ifo egw'ekanzu y'okuheererezamu; nk'oku Nyakubaho yaaragiire Musa. 27Kandi baakorera Arooni n'abatabani amakooti garukiisiibwe ehuuzi za kitaani enungi, 28n'ekikwemba ky'omu mutwe ekya kitaani enungi, n'enkofiira za kitaani enungi, n'empare ndaingwa eza kitaani enungi erukirwe enyabubiri; 29hamwe n'omweko gw'omwenda gw'ehuuzi za kitaani enungi ezoogosirwe enyabubiri, n'eza bururu n'eza bujwa n'eza karari, ezibaziirwemu ebicwererane; nk'oku Nyakubaho yaaragiire Musa.
30Reero baakora ekipande ky'aha kirunga ekirikwera omu zaabu empuuhe, baakihandiikaho nk'oku basharura akamanyiso bati: Oyereziibwe Nyakubaho. 31Haza baakikomesa akagoye ka bururu kukihamiza eruguru y'ekikwemba ky'omu mutwe; nk'oku Nyakubaho yaaragiire Musa.
Okuheza omurimo gw'obutaaho oburikwera
32Oku nikwo baaherize omurimo gw'okwombeka obutaaho oburikwera obw'eihema ry'okubugabuganiramu; kandi Abaisiraeli bakakora byona, nk'oku Nyakubaho yaaragiire Musa, baaba nikwo baakora. 33Batyo baareetera Musa obutaaho oburikwera, eihema n'ebirikurikoresibwamu byona, ebikwatsi byaryo, embaaho zaaryo, embazi zaaryo, enyomyo zaaryo, n'ebiina byaryo, 34empu zihazire ez'engondoore z'entaama ez'okurisangira n'ez'engongi n'omukingo gw'okukingira Obutaaho, 35eshanduukye y'eby'obuhamya n'emigamba yaayo n'ekitebe ky'okusaasira, 36emeeza n'ebirikugikoresibwaho, n'emigaati y'okumurikwa; 37taho ekikondo ky'eitabaaza eky'ezaabu empuuhe, n'amatabaaza gaakyo g'okukitaho, n'eby'okukikoresaho byona n'amajuta g'okuhemba; 38eitambiro ry'ezaabu, amajuta g'okusiiga, n'obubaani burikutaamirana omugaju, n'omukingo gw'aha muryango gw'eihema, 39eitambiro ry'omuringa, n'ekyoma kyaryo ky'omuringa ekirabainemu nk'akatimba; emigamba yaaryo, n'ebirikurikoresibwaho byona; ekinaabiro n'ekibunu kyakyo, 40emikingo y'ekibuga n'enyomyo zaakyo n'ebiina byakyo n'omukingo gw'aha irembo ryakyo, emigoye yaakyo, ebikondo byakyo, na byona eby'okukoresibwa nibaheereza omu butaaho n'omu ihema ry'okubugabuganiramu, 41ebijwaro bibaziirwe gye eby'okuheererezamu omu Mwanya Ogurikwera, n'ebijwaro ebirikwera ebya Arooni omuhongyerezi n'eby'abatabani kukoresa emirimo y'obuhongyerezi. 42Abaisiraeli batyo baakora omurimo gwona nk'oku Nyakubaho yaaragiire Musa. 43Musa nawe yaareeba ogwo murimo yaashanga bagukozire nk'oku Nyakubaho yaaragiire; haza nikwo baagukozire. Musa atyo yaabashabira omugisha.
Okwemereza eihema n'okuhaasirira ebyamwo
Currently Selected:
Kur 39: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 39
39
1Reero omu myenda ya bururu n'eya bujwa n'eya karari, bakakoramu ebijwaro birungi by'abahongyerezi kujwara nibaheereza omu Mwanya Ogurikwera. Baakorera na Arooni ebijwaro ebirikwera nk'oku Nyakubaho yaaragiire Musa.
2Kandi baakora ekitaahiro ky'emikwegye y'ezaabu, n'omwenda gwa kitaani enungi ogw'ehuuzi za bururu n'eza bujwa n'eza karari, ezoogosirwe enyabubiri. 3Baaheesha ezaabu yaaba obubabi, baabwihamu emikwegye y'okucwererana amabara g'emyenda y'ehuuzi za bururu n'eza bujwa n'eza karari na kitaani enungi eyogosirwe enyabubiri nk'oku abanyamyoga b'obwengye bakora. 4Ekyo kitaahiro baakitaho ebiremu by'aha mabega, ebiteerainwe nakyo aha mikugiro yaakyo yombi. 5Reero omweko ogukiriho ogw'okukyezirikisa, ogurukirwe abanyamyoga omu buringaringo, baagukora omu bintu bimwe, n'omu muringo gumwe nkakyo, omu zaabu n'omu mwenda gw'ehuuzi za bururu n'eza bujwa n'eza karari n'eza kitaani enungi ezoogosirwe enyabubiri, nk'oku Nyakubaho yaaragiire Musa. 6Bakashemeza amabaare g'erangi zitarikushushana, baagahamisa ezaabu ekwegire; kandi baagasharura nk'oku basharura obumanyiso, nibagataho amaziina ga batabani ba Isiraeli. 7Ago mabaare yaagata aha biremu by'aha mabega g'ekitaahiro kuba ag'okwijukiraho batabani ba Isiraeli; nk'oku Mukama yaaragiire Musa.
8Kandi akakora eky'okujwara aha kifuba omu buringaringo, nk'oku abanyamyoga baakozire ekitaahiro, omu zaabu n'omwenda gw'ehuuzi za bururu na bujwa na karari na kitaani enungi eyogosirwe enyabubiri. Eky'okujwara aha kifuba 9kikaba nikingana omu mbaju zaakyo ina; kandi kikozirwe kikubiraine, kikikubwa kiba kimwe omu buraingwa n'ekita kimwe omu bukiika. 10Haza baakibambatikaho embu ina z'amabaare. Orw'okubanza rurimu aga sarudio na topazi na barekeesi. 11Orubu rwa kabiri baatamu aga emeralido, na safiro na alimaasi. 12Orwa kashatu, yakinto, agate na ametisiti. 13Reero orwa kana baarutaho aga berulo, onikisi na yasipi; goona baagahamiza omu mishorongo yaago n'ezaabu ekwegire. 14Gakaba gari amabaare ikumi n'abiri, gariho amaziina ga batabani ba Isiraeli. Gari nk'obumanyiso; buri ibaare risharwirweho eiziina ryaryo kumanyisa enganda ikumi na ibiri. 15Kandi aha ky'aha kifuba ekyo baakoreraho emikuufu ehotoire nk'emigoye, eri ey'ezaabu empuuhe. 16Reero baakora embu ibiri z'okuhamya ago mabaare omu zaabu ekwegire, n'empeta ibiri z'ezaabu. Ezo mpeta baazita aha mikugiro yombi ey'eky'aha kifuba. 17Mpaho baarabya emiyondo y'ezaabu omu mpeta zombi, aha mukugiro y'eky'aha kifuba. 18Emitwe y'emiyondo yombi baagihamiza aha mbu ibiri ez'ezaabu ekwegire, baagihamiza batyo omu maisho g'ebiremu by'aha mabega g'ekitaahiro. 19Bwanyima baakora empeta ibiri z'ezaabu, baazita aha mikugiro yombi ey'eky'aha kifuba, aha mukugiro gwakyo ogw'omunda, oguhereraine n'ekitaahiro. 20Reero baakora empeta ibiri z'ezaabu, baazihamiza omu maisho g'ekicweka kya ifo eky'ebiremu by'aha mabega g'ekitaahiro, ahi kirikuteeranira eruguru y'omweko gwakyo ogurukirwe omu buringaringo. 21Mpaho eky'aha kifuba baakikomesa empeta zaakyo, nibazikomera aha z'ekitaahiro n'akagoye ka bururu ngu kibone kuhamira aha mweko gw'ekitaahiro ogurukirwe omu buringaringo kandi ngu kitayuga kikataana n'ekyo kitaahiro; nk'oku Nyakubaho yaaragiire Musa. 22Kandi akakora ekanzu y'ekyo kitaahiro, yoona erukirwe omu mwenda gwa bururu. 23Haza amaraka gaayo yaagagira nk'oku bakora ag'ekindi kijwaro, yaatariza omukugiro gwago ngu gatakaataaguka. 24Aha mukugiro gwayo ogwa ifo baabaziiraho ebirikushusha amakoma mahanga omu huuzi za bururu n'eza bujwa, n'eza karari n'eza kitaani nungi ezoogosirwe enyabubiri. 25Kandi baaheesha amajugo omu zaabu empuuhe, baagata ahagati y'amakoma-mahanga, aha mukugiro gwa ifo ogw'ekanzu, gaagwehinguririza, nibaguhunda ahagati y'amakoma-mahanga; 26buri ijugo nirikuratwa eikoma-mahanga, okwehinguririza omukugiro gwa ifo egw'ekanzu y'okuheererezamu; nk'oku Nyakubaho yaaragiire Musa. 27Kandi baakorera Arooni n'abatabani amakooti garukiisiibwe ehuuzi za kitaani enungi, 28n'ekikwemba ky'omu mutwe ekya kitaani enungi, n'enkofiira za kitaani enungi, n'empare ndaingwa eza kitaani enungi erukirwe enyabubiri; 29hamwe n'omweko gw'omwenda gw'ehuuzi za kitaani enungi ezoogosirwe enyabubiri, n'eza bururu n'eza bujwa n'eza karari, ezibaziirwemu ebicwererane; nk'oku Nyakubaho yaaragiire Musa.
30Reero baakora ekipande ky'aha kirunga ekirikwera omu zaabu empuuhe, baakihandiikaho nk'oku basharura akamanyiso bati: Oyereziibwe Nyakubaho. 31Haza baakikomesa akagoye ka bururu kukihamiza eruguru y'ekikwemba ky'omu mutwe; nk'oku Nyakubaho yaaragiire Musa.
Okuheza omurimo gw'obutaaho oburikwera
32Oku nikwo baaherize omurimo gw'okwombeka obutaaho oburikwera obw'eihema ry'okubugabuganiramu; kandi Abaisiraeli bakakora byona, nk'oku Nyakubaho yaaragiire Musa, baaba nikwo baakora. 33Batyo baareetera Musa obutaaho oburikwera, eihema n'ebirikurikoresibwamu byona, ebikwatsi byaryo, embaaho zaaryo, embazi zaaryo, enyomyo zaaryo, n'ebiina byaryo, 34empu zihazire ez'engondoore z'entaama ez'okurisangira n'ez'engongi n'omukingo gw'okukingira Obutaaho, 35eshanduukye y'eby'obuhamya n'emigamba yaayo n'ekitebe ky'okusaasira, 36emeeza n'ebirikugikoresibwaho, n'emigaati y'okumurikwa; 37taho ekikondo ky'eitabaaza eky'ezaabu empuuhe, n'amatabaaza gaakyo g'okukitaho, n'eby'okukikoresaho byona n'amajuta g'okuhemba; 38eitambiro ry'ezaabu, amajuta g'okusiiga, n'obubaani burikutaamirana omugaju, n'omukingo gw'aha muryango gw'eihema, 39eitambiro ry'omuringa, n'ekyoma kyaryo ky'omuringa ekirabainemu nk'akatimba; emigamba yaaryo, n'ebirikurikoresibwaho byona; ekinaabiro n'ekibunu kyakyo, 40emikingo y'ekibuga n'enyomyo zaakyo n'ebiina byakyo n'omukingo gw'aha irembo ryakyo, emigoye yaakyo, ebikondo byakyo, na byona eby'okukoresibwa nibaheereza omu butaaho n'omu ihema ry'okubugabuganiramu, 41ebijwaro bibaziirwe gye eby'okuheererezamu omu Mwanya Ogurikwera, n'ebijwaro ebirikwera ebya Arooni omuhongyerezi n'eby'abatabani kukoresa emirimo y'obuhongyerezi. 42Abaisiraeli batyo baakora omurimo gwona nk'oku Nyakubaho yaaragiire Musa. 43Musa nawe yaareeba ogwo murimo yaashanga bagukozire nk'oku Nyakubaho yaaragiire; haza nikwo baagukozire. Musa atyo yaabashabira omugisha.
Okwemereza eihema n'okuhaasirira ebyamwo
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.