Kur 17
17
1Omutwe gwona ogw'Abaisiraeli gukaimutsya, gwaruga omu ihamba rya Siini, baagyenda nibaraarira, nk'oku Nyakubaho yaabaire naabaragiira. Baarugaho baasiisira Refidimu, kwonka abantu baaburwayo amaizi g'okunywa. 2Ekyo kyabareetera kutonganisa Musa, nibagira bati: Tuhe amaizi g'okunywa. Musa nawe abagira ati: Beitu nimuntonganisiza ki? Ahabw'enki nimugyeza Nyakubaho? 3Kwonka abantu ku baitiirweyo eiriho, baayetomboitera Musa nibagira bati: Mbwenu okatwihira ki Misiri, kutwitsa eiriho itwe n'abaana baitu n'amasyo gaitu? 4Musa nikwo kutakira Nyakubaho ati: Mbwenu aba bantu mbagire nta? Ka barangariire kunteera amabaare! 5Nawe nikwo kugira Musa ati: Irooko, ogyende oyebembeire abo bantu oine abakuru b'omu Baisiraeli, kandi okwaitse enkoni ei waateerize Omugyera. 6Mbwenu Nyowe okwo niinyija kukwemerera omu maisho, aha rukiri oruri Horebu. Haza iwe oteere orwo rukiri, amaizi garurugyemu, abantu babone kutunga eky'okunywa. Musa nawe yaakora atyo, abakuru b'omu Baisiraeli nibamureeba. 7Ogwo mwanya yaagweta Maasa na Meriba, ngu ahabw'okuba Abaisiraeli bakamutonganisizaho, kandi baagyeza Mukama nibagira bati: Ebyo Nyakubaho atwine, nari tatwine?
Orugamba rw'Abaamaleki n'Abaisiraeli
8Bwanyima hakaija Abaamaleki, baarwanisiza Abaisiraeli Refidimu. 9Musa yaagambira Yoshwa ati: Tutooranire abantu, mugyende murwanise Abaamaleki. Naanye nyencakare niinyija kwemerera aha mutwe gw'akabungo, nkwaitse enkoni ya Ruhanga. 10Mpaho Yoshwa akora nk'oku Musa yaamugambira, arwanisa Abaamaleki. Reero Musa na Arooni na Huuri bainamuka, bahika aha mutwe gw'ekibungo. 11Musa ku yaabaire aimutsya emikono ye, Abaisiraeli basinga; kandi ku yaabaire agigwisa, Abaamaleki basinga. 12Kwonka emikono ya Musa ekarugaho yaaruha, nabo nikwo kureeta eibaare bakarimutega akarishutamaho, haza Arooni na Huuri bakaguma baramiire emikono ye, omwe aha rubaju rumwe n'ondi aha rundi. Emikono ye yaaguma etyo ehamire, okuhitsya obu eizooba ryarengire. 13Yoshwa akasingurira kimwe Amaleki n'engabo ze akaziitsa rurara z'obwogi.
14Mukama yaagambira Musa ati: Handiika eki omu kitabo, kibe ekiijutsyo, kandi okigambire Yoshwa akyehuririire oti: Ndyamariraho kimwe Amaleki, abure kwijukwa aha nsi y'eiguru. 15Bwanyima Musa yaayombeka eitambiro, yaaryeta Yahweniisi; 16amakuru ngu, Nyakubaho niwe bendera yangye!
Yetero okuzindukira Musa
Currently Selected:
Kur 17: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
