Kur 14
14
1Bwanyima Nyakubaho akagambira Musa ati: 2Gambira Abaisiraeli bagarukye enyima, basiisire omu maisho ga Pihahirooti, ahagati ya Migidooli n'Enyanja, aharikureebana na Baalizefooni; kandi musiisire aha rubaju rw'enyanja ahashungaine naho. 3Manya Faraaho naija kugamba aha Baisiraeli ati: Bakubakubiirwe omu nsi, eihamba ribaturukire oku n'oku. 4Reero niinyija kugangaaza Faraaho omutima abakurate ababingire, naanye nyetungire ekitiinisa ahari uwe n'amahe ge goona, haza Abanyamisiri bamanye ku Niinye Nyakubaho. Abaisiraeli baakora batyo.
5Omugabe wa Misiri ku baamugambiire ku abo bantu bacwire, uwe n'abakungu be baateekateeka okundi ahari abo bantu. Baagira bati: Mbwenu tukozire ki okwikiriza Abaisiraeli kugyenda bakareka kutuheereza? 6Atyo atebeekanisa ekigaari kye eky'okurwanisa, agyenda n'eihe rye, 7atwara ebigaari magana mukaaga by'okurwanisa n'ebindi bigaari bya Misiri byona, biine bakuru baabyo. 8Mukama agangaaza atyo omutima gwa Faraaho omugabe wa Misiri, akurata Abaisiraeli abaagyenzire nibeekiita. 9Abanyamisiri batyo bababinga baine embaraasi za Faraaho zoona n'ebigaari n'abantu be barikurwanira aha mbaraasi, n'eihe rye, babahambya basiisiire aha nyanja haihi na Pihahirooti ahashungaine na Baalizefooni.
10Faraaho ku yaahikire haihi, Abaisiraeli baanaga amaisho baareeba Abanyamisiri babakuratiire, baatiina munonga, baatakira Nyakubaho. 11Baagambira Musa bati: Beitu waatureeta ngu tugwe omuri eri ihamba ngu ahabw'okuba ebituuro bibuzire omuri Misiri? Mbwenu otugiriire biiha okutwihayo? 12Ekyo tikyo twakugambiriireyo, tuti: Turekye, tuheereze Abanyamisiri? Manya embu y'okugwa omu ihamba, haakiri tubakorera! 13Musa agira abo bantu ati: Mutatiina, muhame, haza mureebe eki Mukama araakore kubajuna eri izooba. Manya Abanyamisiri bu murikureeba eri izooba, timuribareeba bundi. 14Nyakubaho naija kubarwanirira, kwonka imwe ekyanyu n'okuhama.
Abaisiraeli okwambuka Enyanja Erikutukura
15Nyakubaho akagambira Musa ati: Ahabw'enki nontakira? Gambira Abaisiraeli bagumizemu bagyende. 16Mbwenu imutsya enkoni yaawe, ogorore omukono gwawe aha nyanja ogibaganise, Abaisiraeli babone kugyambuka nibaraba ahoomire. 17Naanye niinyija kugangaaza emitima y'Abanyamisiri, baragaremu babakuratiire, haza nyetungire ekitiinisa ahari Faraaho n'eihe rye ryona, n'ebigaari bye, n'abantu be ab'aha mbaraasi. 18Mpaho Abanyamisiri bamanye ku Niinye Nyakubaho, naaheza kwetungira ekitiinisa ahari Faraaho, n'ebigaari bye, n'aha bantu be ab'aha mbaraasi. 19Bwanyima Maraika wa Ruhanga, owaabaire ayebembeire eihe ry'Abaisiraeli atyo akuba, aza enyima yaabo; n'enyomyo y'ekicu nayo ebaruga omu maisho ebagaruka enyima, 20eza ahagati y'eihe rya Misiri n'erya Isiraeli. Kityo ekicu kireeta omwirima aha rubaju orumwe, n'okumurikirwa aha rubaju orundi. Burugaho busheesha hatariho ihe rihikaine na rigyenzi ryaryo ekyo kiro.
21Reero Musa agorora omukono gwe aha nyanja, na Nyakubaho agicungiza omuyaga gw'amaani ogwa burugwa-izooba, agyomya, amaizi geebaganisamu, haba eitaka ryomire. 22Abaisiraeli baragara ahagati y'egyo nyanja nibaraba aha itaka ryomire, obwo amaizi gari ekisiika aha rubaju rwabo rwa buryo n'aha rwa bumosho. 23Haza Abanyamisiri baija bababingire, bahika ahagati y'egyo nyanja babakuratiire, baine embaraasi za Faraaho zoona, n'ebigaari bye, n'abashaija be ab'aha mbaraasi. 24Omushekye gutakajugutsire, ahu abarinzi barikuhereeruka batandikira, Nyakubaho ayema omu nyomyo y'omuriro n'ey'ekicu, areeba eihe ry'Abanyamisiri arirabanisamu. 25Ashaayisa enyamuziga z'ebigaari byabo, bigira eikurura. Abanyamisiri nikwo kugira bati: Ka tuhungye Abaisiraeli, ahabw'okuba Nyakubaho akwataniise nabo kutukombeera.
26Bwanyima Nyakubaho agira Musa ati: Gorora omukono gwawe aha nyanja, amaizi gaayo gabone kugaruka, gashwekye Abanyamisiri n'ebigaari byabo n'abashaija baabo ab'aha mbaraasi. 27Musa atyo agororera egyo nyanja omukono, egaruka aha buteeka bwayo obwire nibutaagurikana. Abanyamisiri omu kuhunga babugabugana nayo, Mukama agibahwerekyererezamu. 28Amaizi gagaruka, gamira ebyo bigaari, n'ab'aha mbaraasi, n'eihe rya Faraaho ryona eryabaire ribakuratiire omuri egyo nyanja; tihagira n'omwe omuribo owaatsigaraho. 29Abaisiraeli bo baraba omu nyanja nibaribata aha itaka ryomire, n'amaizi gababeera ekisiika aha rubaju rwabo orwa buryo n'orwa bumosho.
30Mukama eryo izooba nikwo yaajunire atyo Abaisiraeli, akabaiha omu mikono y'Abanyamisiri; Abaisiraeli nabo bakareeba emitumbi y'Abanyamisiri erambiriraine aha mwegyeego gw'enyanja. 31Abaisiraeli ku baareebire ekikoro ky'amaani eki Nyakubaho yaakozire Abanyamisiri, baamutiina kandi baamwikiriza hamwe n'omugaragwa we Musa.
Ekyeshongoro kya Musa n'Abaisiraeli
Currently Selected:
Kur 14: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 14
14
1Bwanyima Nyakubaho akagambira Musa ati: 2Gambira Abaisiraeli bagarukye enyima, basiisire omu maisho ga Pihahirooti, ahagati ya Migidooli n'Enyanja, aharikureebana na Baalizefooni; kandi musiisire aha rubaju rw'enyanja ahashungaine naho. 3Manya Faraaho naija kugamba aha Baisiraeli ati: Bakubakubiirwe omu nsi, eihamba ribaturukire oku n'oku. 4Reero niinyija kugangaaza Faraaho omutima abakurate ababingire, naanye nyetungire ekitiinisa ahari uwe n'amahe ge goona, haza Abanyamisiri bamanye ku Niinye Nyakubaho. Abaisiraeli baakora batyo.
5Omugabe wa Misiri ku baamugambiire ku abo bantu bacwire, uwe n'abakungu be baateekateeka okundi ahari abo bantu. Baagira bati: Mbwenu tukozire ki okwikiriza Abaisiraeli kugyenda bakareka kutuheereza? 6Atyo atebeekanisa ekigaari kye eky'okurwanisa, agyenda n'eihe rye, 7atwara ebigaari magana mukaaga by'okurwanisa n'ebindi bigaari bya Misiri byona, biine bakuru baabyo. 8Mukama agangaaza atyo omutima gwa Faraaho omugabe wa Misiri, akurata Abaisiraeli abaagyenzire nibeekiita. 9Abanyamisiri batyo bababinga baine embaraasi za Faraaho zoona n'ebigaari n'abantu be barikurwanira aha mbaraasi, n'eihe rye, babahambya basiisiire aha nyanja haihi na Pihahirooti ahashungaine na Baalizefooni.
10Faraaho ku yaahikire haihi, Abaisiraeli baanaga amaisho baareeba Abanyamisiri babakuratiire, baatiina munonga, baatakira Nyakubaho. 11Baagambira Musa bati: Beitu waatureeta ngu tugwe omuri eri ihamba ngu ahabw'okuba ebituuro bibuzire omuri Misiri? Mbwenu otugiriire biiha okutwihayo? 12Ekyo tikyo twakugambiriireyo, tuti: Turekye, tuheereze Abanyamisiri? Manya embu y'okugwa omu ihamba, haakiri tubakorera! 13Musa agira abo bantu ati: Mutatiina, muhame, haza mureebe eki Mukama araakore kubajuna eri izooba. Manya Abanyamisiri bu murikureeba eri izooba, timuribareeba bundi. 14Nyakubaho naija kubarwanirira, kwonka imwe ekyanyu n'okuhama.
Abaisiraeli okwambuka Enyanja Erikutukura
15Nyakubaho akagambira Musa ati: Ahabw'enki nontakira? Gambira Abaisiraeli bagumizemu bagyende. 16Mbwenu imutsya enkoni yaawe, ogorore omukono gwawe aha nyanja ogibaganise, Abaisiraeli babone kugyambuka nibaraba ahoomire. 17Naanye niinyija kugangaaza emitima y'Abanyamisiri, baragaremu babakuratiire, haza nyetungire ekitiinisa ahari Faraaho n'eihe rye ryona, n'ebigaari bye, n'abantu be ab'aha mbaraasi. 18Mpaho Abanyamisiri bamanye ku Niinye Nyakubaho, naaheza kwetungira ekitiinisa ahari Faraaho, n'ebigaari bye, n'aha bantu be ab'aha mbaraasi. 19Bwanyima Maraika wa Ruhanga, owaabaire ayebembeire eihe ry'Abaisiraeli atyo akuba, aza enyima yaabo; n'enyomyo y'ekicu nayo ebaruga omu maisho ebagaruka enyima, 20eza ahagati y'eihe rya Misiri n'erya Isiraeli. Kityo ekicu kireeta omwirima aha rubaju orumwe, n'okumurikirwa aha rubaju orundi. Burugaho busheesha hatariho ihe rihikaine na rigyenzi ryaryo ekyo kiro.
21Reero Musa agorora omukono gwe aha nyanja, na Nyakubaho agicungiza omuyaga gw'amaani ogwa burugwa-izooba, agyomya, amaizi geebaganisamu, haba eitaka ryomire. 22Abaisiraeli baragara ahagati y'egyo nyanja nibaraba aha itaka ryomire, obwo amaizi gari ekisiika aha rubaju rwabo rwa buryo n'aha rwa bumosho. 23Haza Abanyamisiri baija bababingire, bahika ahagati y'egyo nyanja babakuratiire, baine embaraasi za Faraaho zoona, n'ebigaari bye, n'abashaija be ab'aha mbaraasi. 24Omushekye gutakajugutsire, ahu abarinzi barikuhereeruka batandikira, Nyakubaho ayema omu nyomyo y'omuriro n'ey'ekicu, areeba eihe ry'Abanyamisiri arirabanisamu. 25Ashaayisa enyamuziga z'ebigaari byabo, bigira eikurura. Abanyamisiri nikwo kugira bati: Ka tuhungye Abaisiraeli, ahabw'okuba Nyakubaho akwataniise nabo kutukombeera.
26Bwanyima Nyakubaho agira Musa ati: Gorora omukono gwawe aha nyanja, amaizi gaayo gabone kugaruka, gashwekye Abanyamisiri n'ebigaari byabo n'abashaija baabo ab'aha mbaraasi. 27Musa atyo agororera egyo nyanja omukono, egaruka aha buteeka bwayo obwire nibutaagurikana. Abanyamisiri omu kuhunga babugabugana nayo, Mukama agibahwerekyererezamu. 28Amaizi gagaruka, gamira ebyo bigaari, n'ab'aha mbaraasi, n'eihe rya Faraaho ryona eryabaire ribakuratiire omuri egyo nyanja; tihagira n'omwe omuribo owaatsigaraho. 29Abaisiraeli bo baraba omu nyanja nibaribata aha itaka ryomire, n'amaizi gababeera ekisiika aha rubaju rwabo orwa buryo n'orwa bumosho.
30Mukama eryo izooba nikwo yaajunire atyo Abaisiraeli, akabaiha omu mikono y'Abanyamisiri; Abaisiraeli nabo bakareeba emitumbi y'Abanyamisiri erambiriraine aha mwegyeego gw'enyanja. 31Abaisiraeli ku baareebire ekikoro ky'amaani eki Nyakubaho yaakozire Abanyamisiri, baamutiina kandi baamwikiriza hamwe n'omugaragwa we Musa.
Ekyeshongoro kya Musa n'Abaisiraeli
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.