Kur 15
15
1Ebyo ku byahwaire Musa n'Abaisiraeli baayeshongorera Nyakubaho ekyeshongoro eki, nibagira bati:
Ka nyeshongorere Nyakubaho
ahabw'okuba asingwire n'ekitiinisa;
embaraasi n'ogitembire
yaabinaga omu nyanja.
2Nyakubaho niwe maani gangye
kandi obuhungiro bwangye,
ahabw'okuba niwe anjunire.
Ogwo niwe Ruhanga wangye,
ou ndaagume ninkugisiriza.
3Nyakubaho n'emanzi omu rugamba;
Nyakubaho niryo iziina rye.
4Ebigaari bya Faraaho n'eihe rye
akabinaga omu nyanja.
Abakuru b'amahe ge entoore
yaabarohamya omu Nyanja Erikutukura.
5Engyezi ekabamira,
baatobera okuzimu nk'eibaare.
6Ai Nyakubaho, enkubito
y'omukono gwawe gwa buryo neetiinisa!
ahabw'okuba gusheenyagura abazigu!
7Omu businguzi bwawe obw'amaani
oikarira ababisha baawe.
Ku obooherereza ekiniga kyawe
kibamaraho
nk'oku omuriro gwokyeza kimwe
obunyaatsi.
8Ku waikiize oti omu nyindo,
amaizi gaatuumeera;
emyegyemure yaayerunda omutuumo,
okuzimu aha nsi y'enyanja haaguma.
9Ogwo muzigu ku yaagizire ati:
Niinyija kubakurata mbabingire,
mbahambye, mbagane eminyago,
mbeemarireho ak'aha mutima,
nsyoreyo rurara yangye,
haza omukono gwangye gubacwekyereze.
10Kwonka iwe okahuuhisa omuyaga,
enyanja yaabamira.
Baamirwa nka risasi egwire omu
maizi garikutiinisa.
11Ai Nyakubaho, mbwenu omuri
baaruhanga,
orikushushana naiwe n'oha?
N'oha ori nkaiwe,
ou oburikwera bwe burikurangaanwa,
orikukora ebirikutangaaza
n'eby'amaani ebirikutiinisa?
12Manya ku waagoroire omukono
gwawe gwa buryo,
ensi yaabamira.
13Abantu bu waacungwire,
okabeebembera obainiire rukundo
etahararuka.
Ahabw'amaani gaawe waabahabura
omuhanda
oguraabahitsye omu mwanya gwawe
ogurikwera.
14Amahanga gaakihurira, gaatetema.
Abatwire Filisitiya baagira obujune.
15Mbwenu abatware ba Edomu bahahaire,
abakuru ba Moabu bakwatsirwe orutetema,
n'abatwire Kanaani
emitima ebahwaire omu nda.
16Baitsirwe obwoba n'okutiina
ahabw'enkubito y'omukono gwawe,
baaguma batarikwehiga bari nk'eibaare;
okuhitsya obu abantu baawe,
ai Nyakubaho,
baraahingure, okuhitsya obu abo bantu
baawe ahabwawe baraarabeho.
17Oryabahitsya omuri egyo nsi,
obatuuze aha rushozi rwawe orurikwera,
omwanya, ai Nyakubaho, ogu waayeteereireho
kuba obutaaho bwawe,
omwanya ogurikwera, ogu Iwe Nyakubaho
waahamize n'emikono yaawe.
18Nyakubaho aryaguma ari Omugabe
ebiro byona.
19Manya embaraasi za Faraaho ku zaagiire omu nyanja hamwe n'ebigaari bye, n'engabo ze ez'aha mbaraasi, Nyakubaho yaagaruraho amaizi gaabishweka. Kwonka Abaisiraeli bo baaraba omu nyanja, nibaribata aha itaka ryomire. 20Reero Miriyamu omurangikazi, munyaanya wa Arooni, yaakwata enshandaazo, n'abakazi boona baagyenda bamukuratiire nibagurukyeera.
21Mpaho Miriyamu yaabeeshongorera nibamwakiira ati:
Mweshongorere Nyakubaho
ahabw'okuba asingwire n'ekitiinisa,
embaraasi n'ogitembire
yaabinaga omu nyanja.
Eby'amaizi ga Maara
22Bwanyima Musa akeebembera Abaisiraeli, baaruga aha Nyanja Erikutukura, baagumizamu baahika omu ihamba rya Shuuri. Baamara ebiro bishatu omuri eryo ihamba nibagyenda baburiirwe amaizi. 23Ku baahikire Maara baaremwa kunywa amaizi gaayo, ahabw'okuba gakaba nigashaarira. Nikyo ogwo mwanya gwayeteirwe Maara. 24Abo bantu baayetomboitera Musa nibamugira bati: Mbwenu tunywe ki? 25Nawe yaatakira Nyakubaho, Nyakubaho yaamworeka ekiti. Onu yaakinaga omuri ago maizi, gaanura. Okwo niyo Mukama yaabaheereire ekiragiro, n'okubahabura oku baraatwaze. Kandi okwo niyo yaabagyereize, 26akabagira ati: Ku murita omutima aha bi Nyowe Mukama Ruhanga waanyu ndikubagambira, mwakora ebihikire omu maisho gangye, mwata omutima aha biragiro byangye, kandi mwarinda byona ebi naataireho, tindibateeza bibonaboneso nk'ebi naateerize Abanyamisiri, ahabw'okuba Niinye Nyakubaho obakiza.
27Bwanyima baahika Elimu, ahu enshuro z'amaizi ikumi na ibiri n'emikindo makumi mushanju byabaire biri, baasiisira aha rubaju rw'ago maizi.
Abaisiraeli okwetomboita ahabw'enjara
Currently Selected:
Kur 15: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 15
15
1Ebyo ku byahwaire Musa n'Abaisiraeli baayeshongorera Nyakubaho ekyeshongoro eki, nibagira bati:
Ka nyeshongorere Nyakubaho
ahabw'okuba asingwire n'ekitiinisa;
embaraasi n'ogitembire
yaabinaga omu nyanja.
2Nyakubaho niwe maani gangye
kandi obuhungiro bwangye,
ahabw'okuba niwe anjunire.
Ogwo niwe Ruhanga wangye,
ou ndaagume ninkugisiriza.
3Nyakubaho n'emanzi omu rugamba;
Nyakubaho niryo iziina rye.
4Ebigaari bya Faraaho n'eihe rye
akabinaga omu nyanja.
Abakuru b'amahe ge entoore
yaabarohamya omu Nyanja Erikutukura.
5Engyezi ekabamira,
baatobera okuzimu nk'eibaare.
6Ai Nyakubaho, enkubito
y'omukono gwawe gwa buryo neetiinisa!
ahabw'okuba gusheenyagura abazigu!
7Omu businguzi bwawe obw'amaani
oikarira ababisha baawe.
Ku obooherereza ekiniga kyawe
kibamaraho
nk'oku omuriro gwokyeza kimwe
obunyaatsi.
8Ku waikiize oti omu nyindo,
amaizi gaatuumeera;
emyegyemure yaayerunda omutuumo,
okuzimu aha nsi y'enyanja haaguma.
9Ogwo muzigu ku yaagizire ati:
Niinyija kubakurata mbabingire,
mbahambye, mbagane eminyago,
mbeemarireho ak'aha mutima,
nsyoreyo rurara yangye,
haza omukono gwangye gubacwekyereze.
10Kwonka iwe okahuuhisa omuyaga,
enyanja yaabamira.
Baamirwa nka risasi egwire omu
maizi garikutiinisa.
11Ai Nyakubaho, mbwenu omuri
baaruhanga,
orikushushana naiwe n'oha?
N'oha ori nkaiwe,
ou oburikwera bwe burikurangaanwa,
orikukora ebirikutangaaza
n'eby'amaani ebirikutiinisa?
12Manya ku waagoroire omukono
gwawe gwa buryo,
ensi yaabamira.
13Abantu bu waacungwire,
okabeebembera obainiire rukundo
etahararuka.
Ahabw'amaani gaawe waabahabura
omuhanda
oguraabahitsye omu mwanya gwawe
ogurikwera.
14Amahanga gaakihurira, gaatetema.
Abatwire Filisitiya baagira obujune.
15Mbwenu abatware ba Edomu bahahaire,
abakuru ba Moabu bakwatsirwe orutetema,
n'abatwire Kanaani
emitima ebahwaire omu nda.
16Baitsirwe obwoba n'okutiina
ahabw'enkubito y'omukono gwawe,
baaguma batarikwehiga bari nk'eibaare;
okuhitsya obu abantu baawe,
ai Nyakubaho,
baraahingure, okuhitsya obu abo bantu
baawe ahabwawe baraarabeho.
17Oryabahitsya omuri egyo nsi,
obatuuze aha rushozi rwawe orurikwera,
omwanya, ai Nyakubaho, ogu waayeteereireho
kuba obutaaho bwawe,
omwanya ogurikwera, ogu Iwe Nyakubaho
waahamize n'emikono yaawe.
18Nyakubaho aryaguma ari Omugabe
ebiro byona.
19Manya embaraasi za Faraaho ku zaagiire omu nyanja hamwe n'ebigaari bye, n'engabo ze ez'aha mbaraasi, Nyakubaho yaagaruraho amaizi gaabishweka. Kwonka Abaisiraeli bo baaraba omu nyanja, nibaribata aha itaka ryomire. 20Reero Miriyamu omurangikazi, munyaanya wa Arooni, yaakwata enshandaazo, n'abakazi boona baagyenda bamukuratiire nibagurukyeera.
21Mpaho Miriyamu yaabeeshongorera nibamwakiira ati:
Mweshongorere Nyakubaho
ahabw'okuba asingwire n'ekitiinisa,
embaraasi n'ogitembire
yaabinaga omu nyanja.
Eby'amaizi ga Maara
22Bwanyima Musa akeebembera Abaisiraeli, baaruga aha Nyanja Erikutukura, baagumizamu baahika omu ihamba rya Shuuri. Baamara ebiro bishatu omuri eryo ihamba nibagyenda baburiirwe amaizi. 23Ku baahikire Maara baaremwa kunywa amaizi gaayo, ahabw'okuba gakaba nigashaarira. Nikyo ogwo mwanya gwayeteirwe Maara. 24Abo bantu baayetomboitera Musa nibamugira bati: Mbwenu tunywe ki? 25Nawe yaatakira Nyakubaho, Nyakubaho yaamworeka ekiti. Onu yaakinaga omuri ago maizi, gaanura. Okwo niyo Mukama yaabaheereire ekiragiro, n'okubahabura oku baraatwaze. Kandi okwo niyo yaabagyereize, 26akabagira ati: Ku murita omutima aha bi Nyowe Mukama Ruhanga waanyu ndikubagambira, mwakora ebihikire omu maisho gangye, mwata omutima aha biragiro byangye, kandi mwarinda byona ebi naataireho, tindibateeza bibonaboneso nk'ebi naateerize Abanyamisiri, ahabw'okuba Niinye Nyakubaho obakiza.
27Bwanyima baahika Elimu, ahu enshuro z'amaizi ikumi na ibiri n'emikindo makumi mushanju byabaire biri, baasiisira aha rubaju rw'ago maizi.
Abaisiraeli okwetomboita ahabw'enjara
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.