Kur 13
13
1Nyakubaho akagambira Musa ati: 2Mumpongyere emijigaijo yoona. Ekiigura-nda kyona eky'omu Baisiraeli, yaaba muntu nari enyamaishwa, n'ekyangye. 3Musa yaagambira abantu ati: Mugume mwijukye ekiro ki mwarugiiremu Misiri, ei mwatwire muri abahuuku. Manya Nyakubaho akabaihisayo omukono gwe ogw'amaani. N'ahabw'ekyo hatarigira owaarya omugaati gutumbisiibwe. 4Eki kiro ky'okwezi Abibu#13:4 Abibu: Katumba. nikyo mwaza kurugiramu Misiri. 5Haza Nyakubaho ku aribahitsya omu nsi y'Abanyakanaani n'Abahiiti n'Abaamori n'Abahiivi n'Abayebusi, ei yaarahiire kugibaha, ensi erikuhimintika amate n'obwoki, mugume mukore ogu mugyenzo omuri oku kwezi. 6Muryaguma mumare ebiro mushanju nimurya emigaati etatumbisiibwe; kandi aha kiro kya mushanju habeho obugyenyi bw'okusingiza Nyakubaho. 7Emigaati etatumbisiibwe niyo eririibwa omuri ebyo biro mushanju. Omuriimwe hatarizookamu omugaati gutumbisiibwe, nobu kwakuba okushangwa mwine ekitumbisa omu nsi yaanyu yoona. 8Kandi eryo izooba oryagambira mutabani waawe oti: Eki nikimanyisa eki Nyakubaho yankoreire ninduga Misiri. 9Ogwo mugyenzo guryababeera nk'akamanyiso k'aha mukono, nari ekiijutsyo ky'aha buso, ngu eiteeka rya Mukama rirekye kukuruga aha rurimi; ahabw'okuba akakwiha Misiri n'omukono gwe ogw'amaani. 10N'ahabw'ekyo oryaguma ohitsye ekiragiro ky'ogu mugyenzo buri mwaka omu bunaku bwagwo obwatairweho.
11Mbwenu Nyakubaho ku aribahitsya omu nsi y'Abanyakanaani, nk'oku yaabarahiire imwe na baashwenkuriimwe, yaabaha egyo nsi, 12muryamuhongyera ebiigura-nda byona. Emijigaijo y'amatungo gaanyu emishaija yoona eryaba eye. 13Omujigaijo gwona ogw'endogoya muryagucunguza omwana gw'entaama; nari ku muriba mutagucungwire muguhende ebitsya. Omujigaijo gwona ogw'omuntu ogw'omuri batabani baanyu muryagucungura. 14Kandi omu biro ebiriija, mutabani waawe ku arikubuuza ati: Ogu mugyenzo nigumanyisa ki? Omugire oti: Nyakubaho akatwiha Misiri n'omukono gwe ogw'amaani, ei twatwire turi abahuuku. 15Manya Faraaho ku yaagangaire yaayanga kutureka tukagyenda, Nyakubaho yaita emijigaijo yoona ey'omu nsi ya Misiri, ey'abantu n'ey'amatungo. Nikyo ndikutambirira Nyakubaho ebiigura-nda byona ebishaija; reero batabani bangye boona emijigaijo nkabacungura. 16Ogwo mugyenzo guryababeera nk'akamanyiso k'aha mukono nari k'aha buso, gubaijutsye oku Nyakubaho yaatwihire Misiri n'omukono gwe ogw'amaani.
Abaisiraeli okwebemberwa enyomyo
17Faraaho ku yaikiriize abo bantu kugyenda, Ruhanga tarabarabize muhanda gurikuza omu nsi y'Abafilisiti, nobu guraabe gwabaire nigucwekanisa, ahabw'okuba akagira ati: Abo bantu batakaabuganayo ab'okubarwanisa, bakeefuuza bakagarukayo Misiri. 18Kureka Ruhanga akeekiikuuza abo bantu, naabarabya ogw'omu ihamba ogurikuza aha Nyanja Erikutukura. Kandi Abaisiraeli abo bakaruga omu nsi ya Misiri bahagatiire eby'orugamba. 19Na Musa yaatwara amagufa ga Yosefu, ahabw'okuba Yosefu akaba arahiize Abaisiraeli naabagira ati: Buzimazima Ruhanga aryaija kubashuura. Haza obunaku ku burihika, mwaba nimuruga egi, mutware amagufa gangye. 20Batyo baimutsya orugyendo baaruga Sukooti, baasiisira Etamu aha munwa gw'eihamba. 21Reero Nyakubaho yaagyenda abeebembeire, nyomushana ari omu nyomyo y'ekicu kubahabura omuhanda, na nyekiro ari omu nyomyo y'omuriro kubahwezesa, ngu babaase kugyenda nyomushana na nyekiro, 22obwo enyomyo y'ekicu nyomushana kandi ey'omuriro nyekiro etabarugire omu maisho.
Abaisiraeli okugyenda babingire Abaisiraeli
Currently Selected:
Kur 13: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 13
13
1Nyakubaho akagambira Musa ati: 2Mumpongyere emijigaijo yoona. Ekiigura-nda kyona eky'omu Baisiraeli, yaaba muntu nari enyamaishwa, n'ekyangye. 3Musa yaagambira abantu ati: Mugume mwijukye ekiro ki mwarugiiremu Misiri, ei mwatwire muri abahuuku. Manya Nyakubaho akabaihisayo omukono gwe ogw'amaani. N'ahabw'ekyo hatarigira owaarya omugaati gutumbisiibwe. 4Eki kiro ky'okwezi Abibu#13:4 Abibu: Katumba. nikyo mwaza kurugiramu Misiri. 5Haza Nyakubaho ku aribahitsya omu nsi y'Abanyakanaani n'Abahiiti n'Abaamori n'Abahiivi n'Abayebusi, ei yaarahiire kugibaha, ensi erikuhimintika amate n'obwoki, mugume mukore ogu mugyenzo omuri oku kwezi. 6Muryaguma mumare ebiro mushanju nimurya emigaati etatumbisiibwe; kandi aha kiro kya mushanju habeho obugyenyi bw'okusingiza Nyakubaho. 7Emigaati etatumbisiibwe niyo eririibwa omuri ebyo biro mushanju. Omuriimwe hatarizookamu omugaati gutumbisiibwe, nobu kwakuba okushangwa mwine ekitumbisa omu nsi yaanyu yoona. 8Kandi eryo izooba oryagambira mutabani waawe oti: Eki nikimanyisa eki Nyakubaho yankoreire ninduga Misiri. 9Ogwo mugyenzo guryababeera nk'akamanyiso k'aha mukono, nari ekiijutsyo ky'aha buso, ngu eiteeka rya Mukama rirekye kukuruga aha rurimi; ahabw'okuba akakwiha Misiri n'omukono gwe ogw'amaani. 10N'ahabw'ekyo oryaguma ohitsye ekiragiro ky'ogu mugyenzo buri mwaka omu bunaku bwagwo obwatairweho.
11Mbwenu Nyakubaho ku aribahitsya omu nsi y'Abanyakanaani, nk'oku yaabarahiire imwe na baashwenkuriimwe, yaabaha egyo nsi, 12muryamuhongyera ebiigura-nda byona. Emijigaijo y'amatungo gaanyu emishaija yoona eryaba eye. 13Omujigaijo gwona ogw'endogoya muryagucunguza omwana gw'entaama; nari ku muriba mutagucungwire muguhende ebitsya. Omujigaijo gwona ogw'omuntu ogw'omuri batabani baanyu muryagucungura. 14Kandi omu biro ebiriija, mutabani waawe ku arikubuuza ati: Ogu mugyenzo nigumanyisa ki? Omugire oti: Nyakubaho akatwiha Misiri n'omukono gwe ogw'amaani, ei twatwire turi abahuuku. 15Manya Faraaho ku yaagangaire yaayanga kutureka tukagyenda, Nyakubaho yaita emijigaijo yoona ey'omu nsi ya Misiri, ey'abantu n'ey'amatungo. Nikyo ndikutambirira Nyakubaho ebiigura-nda byona ebishaija; reero batabani bangye boona emijigaijo nkabacungura. 16Ogwo mugyenzo guryababeera nk'akamanyiso k'aha mukono nari k'aha buso, gubaijutsye oku Nyakubaho yaatwihire Misiri n'omukono gwe ogw'amaani.
Abaisiraeli okwebemberwa enyomyo
17Faraaho ku yaikiriize abo bantu kugyenda, Ruhanga tarabarabize muhanda gurikuza omu nsi y'Abafilisiti, nobu guraabe gwabaire nigucwekanisa, ahabw'okuba akagira ati: Abo bantu batakaabuganayo ab'okubarwanisa, bakeefuuza bakagarukayo Misiri. 18Kureka Ruhanga akeekiikuuza abo bantu, naabarabya ogw'omu ihamba ogurikuza aha Nyanja Erikutukura. Kandi Abaisiraeli abo bakaruga omu nsi ya Misiri bahagatiire eby'orugamba. 19Na Musa yaatwara amagufa ga Yosefu, ahabw'okuba Yosefu akaba arahiize Abaisiraeli naabagira ati: Buzimazima Ruhanga aryaija kubashuura. Haza obunaku ku burihika, mwaba nimuruga egi, mutware amagufa gangye. 20Batyo baimutsya orugyendo baaruga Sukooti, baasiisira Etamu aha munwa gw'eihamba. 21Reero Nyakubaho yaagyenda abeebembeire, nyomushana ari omu nyomyo y'ekicu kubahabura omuhanda, na nyekiro ari omu nyomyo y'omuriro kubahwezesa, ngu babaase kugyenda nyomushana na nyekiro, 22obwo enyomyo y'ekicu nyomushana kandi ey'omuriro nyekiro etabarugire omu maisho.
Abaisiraeli okugyenda babingire Abaisiraeli
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.