Ŋúnuyɔ 82
82
Kulocɛlɛlɛ nɛ kàyuʔu nyu gè kàyuʔujuufɔlilɔ nɛ̄ bèle
1Asafi ŋúnudanʔa gī gàa pe ŋú nɛ́ yakpuɔnrɔ ní dè#82.1 Wéli baa 50.1 kaliwɛgɛ ki táanmɛ gè..
Kulocɛliɛ wi 'yéri wi nàkpanʔa nī gè wi gboli sunʔɔmɔ nī bè;
kulocɛlɛlɛ sunʔɔmɔ nī bè, wiī nɛ kàyuʔu nyu gè#82.1 Wéli baa Eza 3.13; 66.16.:
2«Lɛ̀lɛ jori nī yeli béri kàyuʔu nyu gè sínnɛfun wuʔu gè,
béri tànʔa kanʔa siɛnpiile mɛ́ bèle ? Ye‑ ŋɔ́ cɛ̀.
3Yeri kàyuʔu nyu gè nɛ́ sínmɛ ní
fɔ̀ngɔfɔlilɔ mɛ́ bèle nɛ́ círile ní bèle,
yeri kányiʔɛ nyu gè de síngi
fuunmɔfɔlilɔ mɛ́ bèle nɛ́ bàli ní pe 'wuʔɔ bèle#82.3 Wéli baa Yir 22.21-22; Fàn 24.17; Ŋún 140.12; Eza 1.17; 3.14-15; 11.4; Zer 5.28; 22.3,16..
4Ye‑ fɔ̀ngɔfɔlilɔ píle bèle ye suɔ, nɛ́ fùrɔgɔfɔlilɔ ní bèle,
ye‑ pe yige siɛnpiile kiyɛ nī yè.
5Kàyuʔujuulo bálì piyē sícilimɛ fùn, piyē yafiɛn cɛ́nʔ.
Piyē nɛ kúrugi nɛ mári yebilige nī gè,
nɛ̀ ki taa duniya kàkpuɔnnɔ pe mìɛni yē nɛ cúungu.
6Mi Kulocɛliɛ wè#82.6 Weli 'tiʔɛ gáà siɛnrɛ taʔa dè baa wī bè ti lúʔugɛnnɛ cìile lè., mi sí cé ki juu nɛ́ jo: ‹Yeli yē kulocɛlɛlɛ,
ʔaan, wire ŋàa wī Duniya wi Mìɛni Nyùgo nɛ̄ gè,
ye mìɛni yē wi jaala#82.6 Zezi wi 'ki juu baa Zan 10.34..
7Cíʔ ! ʔmʔm ! Yeli míɛni bé kùu bɛ̀ lewiile tíɛlɛ bèle,
yeli mìɛni bè tuu bɛ̀ duniya kàfɔlilɔ tíɛlɛ bèle.› »
8Kulocɛliɛ yo, ma yɛ̀ ! Ma kàyuʔu juu gè dàala siɛnnɛ nɛ̄ lè !
Nɛ́ ki cɛ́n kùlogolo ke mìɛni yē muɔ wuʔulo#82.8 Wéli baa Tìɛ 11.15..
Currently Selected:
Ŋúnuyɔ 82: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
