Ŋúnuyɔ 8
8
Yewe kpuɔmɔ nɛ́ siɛn wobo bè
1Ŋúnuŋuminɔ yiɛginiwɛ wuʔu gī. Dawuda ŋúnudanʔa gī gàa pe ŋú nɛ́ yakpuɔnrɔ ní dè, Gatiyé#8.1 Kiì fílige nɛ̀ cɛ́nʔ. Eburu siɛnrɛ nī dè, ki kɔri wi bé gbɛ̀ puu nyasiɛnkɛnigɛ káà gàa ki ŋúnugo kɛnmɛ tìí bè; dùʔɔ ki bé gbɛ̀ nyaa gɔri wáà felige ŋàa wi 'puu Gati kàʔa wuulo mɛ́ bèle, Filisiti kùlo nī lè. gɔri wè.
2ʔé Yewe, weli Kàfɔli, kányiʔɛ nɛ̄,
muɔ míʔɛ ki tɔ̀ni yē kpuʔɔ dàala ni mìɛni nī díɛʔ !
Muɔ kpuɔmɔ pi 'kpúʔɔ nɛ̀ tóri nyìʔɛnɛ kpuɔmɔ nɛ̄ bè.
3Muɔ 'ki kpíʔile pìile nɛ́ pìfiɛnyɛ yi‑ muɔ gbùʔɔrɔ#8.3 Ki siɛnrɛ ti 'juu baa Mat 21.16 nɛ̀ yɛli nɛ́ girɛki siɛnliɛrɛ ní dè. Eburu siɛnrɛ nī dè, ti 'ki juu nɛ́ jo: pìile nɛ́ pìfiɛnyɛ yi- kò tiɛlirige.
bè muɔ leguulo pe nyuɔyɔ tɔ́n yè,
kire ga buu pe fǎga pe fuʔɔ tɔ́n gèʔ.
4A mi 'nyìʔɛnɛ wéli lè, nàa nī muɔ kiyɛ yakpiʔilige gè,
yege gè nɛ́ ŋɔgɔlɔ ní gèle gàli muɔ 'kóri nɛ̀ yérige nyìʔɛnɛ nī lè,
5ŋáa wī siɛn wè, dí muɔ de sɔ̀ngí de taʔa nɛ́ wi ní wè,
lewiile bèle, dí muɔ de pe wuʔu sɔ̀ngí gè#8.5 Wéli baa 144.3; Zɔbi 7.17-18. Koliyo 5-7 wuʔu nī gè, ki 'juu baa Eb 2.6-8. ?
6Muɔ 'siɛn kpíʔile wè nɛ̀ wi cɛ́rigɛ cɛ̀ muɔ tíimɛ nɛ̄, Kulocɛliɛ#8.6 wi cɛ́rigɛ cɛ̀ muɔ tíimɛ nɛ̄, Kulocɛliɛ: Bàli pe 'siɛnrɛ yiʔɛ dè, pe 'ti yiʔɛ tiɛyɛ yáà nī nɛ̀ jo: wi cɛ́rigɛ cɛ̀ nyìʔɛnɛ tundunminɔ nɛ̄ bèle..
Muɔ 'kùlofɔli ndɔ̀ngɔ tɔ́n gè wi nɛ̄
bè kpuɔmɔ nɛ́ kpuʔɔrɔ taʔa dè wi nɛ̄.
7Muɔ 'siɛn tɛ́ngɛ wè muɔ kɔli yafaanra ti mìɛni nyùgo nɛ̄,
nɛ́ yɛrɛ ti mìɛni tɛ́ngɛ wi tɔliyɔ láara yè#8.7 Ki siɛnrɛ ti 'juu baa Kor1 15.27; Efɛ 1.22. Wéli baa Sél 1.26-30.:
8sìnbaala nɛ́ nìɛyɛ yi mìɛni yè, nɛ́ míɛni nyàʔayɛrɛ ní dè,
9nɛ́ yafinide ní dè dàa dī nyìʔɛnɛ nī lè, nɛ́ fúɔlɔ ní bèle kuʔɔjii luʔɔ nī gè,
nɛ́ yɛrɛ ti mìɛni ní dè dàa ti tòrí kuʔɔjii koliyo nī yè.
10ʔé Yewe, weli Kàfɔli, kányiʔɛ nɛ̄,
muɔ míʔɛ ki tɔ̀ni yē kpuʔɔ dàala ni mìɛni nī lè díɛʔ !
Currently Selected:
Ŋúnuyɔ 8: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
