Ŋúnuyɔ 16
16
Siɛn 'yɛli wi- wi sɔ̀ngirɔ taʔa dè Kulocɛliɛ wire nɛ̄
1 Dawuda ŋúnuzɛbɛgɛ#16.1 Náʔa gè, eburu siɛnrɛ nī dè kiì fílige nɛ̀ cɛ́nʔ. Eburu nyasiɛnkɛnigɛ ki bé gbɛ̀ jo: náarigɛ kire ga laa kasɛbɛlɛ. gī.
Kulocɛliɛ yo, ‑mi màʔa ma suʔu,
nɛ́ ki cɛ́n mi nyɛ́nì líʔire jó muɔ mɛ́.
2Mi 'ki juu Yewe mɛ́ nɛ́ jo: «Muɔ wī mi Kàfɔli wè,
mi nɛ mi yanyige ki mìɛni taʔa muɔ nī.»
3Bàli bīɛlɛ muɔ wuulo bèle#16.3 Bàli bīɛlɛ muɔ wuulo bèle: Náʔa gè, eburu siɛnrɛ nī dè kiì fílige nɛ̀ cɛ́nʔ. Eburu nyasiɛnkɛnigɛ gáà ki bé gbɛ̀ jo nyìʔɛnɛ tundunminɔ kire ga laa siɛnsinminɛ bálì pe 'taʔa Kulocɛliɛ nɛ̄. kùlo nī lè,
bàli bīɛlɛ kùlo yiɛgininɛ bèle,
pe nyɛ́nì mi sɔ́migɔ nɛ̀ dɛ́ni kányiʔɛ ní.
4Bìli bīɛlɛ pe pɛ́nì láʔa muɔ nɛ̄ nɛ yɛrɛ táà tiiyɛ sungu dè,
pe bé ní kàa fàri pe wuʔɔgɔ nɛ̄ gè#16.4 Eburu siɛnrɛ nī dè náʔa gè, siɛnrɛ dáà tiì fíligeʔ..
Miǐ ga tíi pe yajuuro sìsiɛn líɛ gè bè wo kakuɔrɔʔ,
mi nyuɔ kiǐ ní ga tíi pe yasunro míɛyɛ yeri yè cíginiʔ.
5Yewe muɔ yē mi kɔrigɔ nɛ́ ní mi tɔ̀ni nɛ̀jogo;
mi mbànʔa kele kiyē muɔ kiyɛ nī.
6Láʔagɛlɛ gálì muɔ 'tìɛ mi nɛ̄ gèle, ke tiɛyɛ yiī cɛ̀nyɛ;
ʔaan, kányiʔɛ nɛ̄, mi nyɛ́nì kɔrigɔ taa gìi ki sɔ́migɔ nɛ̀ nyuɔ gè.
7Mi nɛ kpuʔɔrɔ tari dè Yewe nɛ̄ wè,
wire ŋáà wi nyu nɛ tìí mi nɛ̄ wè.
ʔaan, pìlige nī gè, mi fungo ki nìɛ mi tɛnmɛ.
8Mi Yewe kínigi wè mi yiʔɛ mɛ́ kire ga buu wi‑ kò baa súuri;
bɛ̀ wi yē mi kàliige mɛ́ gè, miǐ gbɛ̀ cúungoʔ#16.8 Koliyo nyáà nī yè 8-11, ki 'juu baa Kakpi 2.25-28 nɛ̀ yɛli nɛ́ girɛki siɛnliɛrɛ ní dè, bè juu Zezi Kirisi nyɛ́yirile wuʔu nɛ̄ gè..
9Kire nɛ̄ mi nàzɔn wiī fundaanra nɛ̄,
nɛ́ míɛni mi fungo kiī nɛ muguri.
ʔaan, mi céri tiī ŋɔ́daala nɛ̄.
10Nɛ́ ki cɛ́n muɔ sǐ ga tíi mi yaʔa kusiʔi nī gèʔ,
muɔ míɛni sǐ fɔ̀li bè mi yaʔa baa nyɛgɛ nī gèʔ,
mi ŋáà wī puɔwɔ muɔ nɛ̄ wè#16.10 Ki siɛnrɛ ti 'juu baa Kakpi 13.35 nɛ̀ yɛli nɛ́ girɛki siɛnliɛrɛ ní dè, bè juu Zezi Kirisi nyɛ́yirile wuʔu nɛ̄ gè..
11Muɔ bé fɔ̀li bè sìi koligo tìɛ gè mi nɛ̄;
m'bé fundaangbuɔrɔ taa muɔ yiʔɛ mɛ́ gè,
nɛ́ katanʔana ní muɔ kàliige kɔli mɛ́ gè lɛ̀lɛ ó lɛ̀lɛ nī.
Currently Selected:
Ŋúnuyɔ 16: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
