Ŋúnuyɔ 15
15
Ŋáa wi bé gbɛ̀ kò nɛ́ Yewe ní wè ?
1 Dawuda ŋúnudanʔa gī gàa pe ŋú nɛ́ yakpuɔnrɔ ní dè.
Yewe yo, ŋáa wi bé gbɛ̀ súɔn muɔ kòridiʔɛ nī gè ?
Ŋáa wi bé gbɛ̀ kò muɔ nyagurugo wàlidɛngɛgɛ nɛ̄ gè ?
2Siɛn ŋáà wi tári nɛ́ funviige ní gè,
níɛ kasingele kpínʔini gèle,
níɛ kányiʔɛ nyu nɛ̀ yɛli nɛ́ wi fungo ki mìɛni ní gè,
3siɛn ŋáà nyinɛ niì wi jáa lèʔ,
ŋàa wiì kapiʔi kpíʔile wi siinyɛni nɛ̄ wèʔ,
ŋàa wi wè wi siɛnnyɛni míʔɛ córi gèʔ.
4Wi wè fɔ̀ligí siɛncuʔɔwɔ nɛ̄ wèʔ,
nɛ̀ sí ki yaʔa wiī nɛ kpuʔɔrɔ tari bàli nɛ̄ pe Yewe fìʔɛ́ wè.
A wi 'kàli nɛ̀ kɛn siɛn mɛ́, wi nɛ̂ ti fori;
wi nɛ̌ siɛnrɛ yiʔɛ dèʔ a ki cɛ́nì gbɛ̀n gè.
5A wi 'wali fuʔɔ le siɛn nɛ̄ wè, wi nɛ̌ de tɔ̀ni caa ki nīʔ#15.5 Wéli baa Yir 22.24; Fàn 23.20..
Wi nɛ̌ fɔ̀li bè wali nùʔɔrɔ suɔʔ,
bè sí jo kanaasingbiʔiliwe wi 'finɛ.
A siɛn wiī nɛ tári kɛnmɛ báà nɛ̄ bè, yakaa sǐ gbɛ̀ wi cúungoʔ.
Currently Selected:
Ŋúnuyɔ 15: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
