Rumawaraita 3
3
Paulu usuaxara ainta
1Maitaa aintauriku purangawaa amuita sui kuaita judewita? Maitaa uajudari ainta kua sirkunsizão?
2Supite panye maa rese. Yayupiru yambeu, nyãse Deus uxari judewita supe inyenga.
3Asui maitaa ainta tirame aintauruyari yepeyepe aintasuiwara? Maitaa tiresewara aintauruyari uxari tisupiwa kua Deus?
4Umbaa. Pexari supiwa kua Deus aintauganani rame maa panye apigawaita. Kuaye aintaumpinimawaa yawe kuera: "Nenyenga irumu puranga aintaumaa inde, remuserana ainta aintaumbeu irumu neresewara."
5Maitaa kuri yambeu yanepuxuwerasawa uxari rame yakuawa purangawaa kua Deus? Maitaa puxi Deus umunya ipiaiwa resewara umaa yande? Ixe hapurungita kuaye apigawa yawe.
6Umbaa. Yawe rame ape maa upuderi umbeu aintaresewara kuaita mundu puraita.
7Asui haganani rame uxari rame aintaukuawa supiwa kua Deus aintaumee arama ixupe arama purangawaa, ape marantaa aintaumbeu serese puxuwerawa ixe?
8Asui marantaa tiyamunya aintayawe yepeyepe ugananiwaita yanerese, aintaumbeu:
—Yasu yamunya yanepuxuwerasawa usemu arama purangawaa isui kua yamunya. Puxi kuri Deus umaa ainta.
Puxuwerawa panye miraita
9Asui maitaa? Maitaa yariku purangawaa yande judewita aintasui kuaita amuita? Umbaa. Nyãse hamukameana aintaumaa puxuwerawaita yande panye, yawete yuiri kuaita judewita panye greguita yuiri.
10Kuaye aintaumpinimawaa yawe: "Tiyamaa purangawaa, nẽ yepe.
11Tiawa ukuawa puranga, tiawa uputari Deus.
12Uyusupariwaa ainta panye, yepewasute aintauyumutenyuntu, tiawa umunya puranga, tiyamaa yepe purangawaa.
13Aintakurukawa iwi kuara rukena, aintaapeku irumu aintauganani, buya venenu uiku aintayuru upe.
14Teresemu aintayuru puxuwerawa irumu irawa irumu yuiri.
15Aintaipi kutara urasu ainta aintaumburi arama tuwi,
16aintaumuaiwa panye maa kiti aintauwata aintaupuraki yuiri.
17Tiaintaukuawa kua timaaresesawa pee.
18Tiaintausikie Deus sui."
Deus nyenga kuximawara tiumukaturu
19Kuiri pekuawa kua Deus nyenga kuximawara umbeuwaa umbeu ainta supe arama panye kuaita iwira kiti aintaukiriri arama panye, aintauriku arama kuri puxuwerawa panye kuaita mundu puraita Deus umaa.
20Tiawa puranga umaa uruyari resewara kua Deus nyenga kuximawara, nyãse kua Deus nyenga Kuximawara umbeu satambika yanepuxuwerasawa rese.
Puranga yande yaruyari resewara Jesus
21Maa kuiri Deus nyenga kuximawara sui Deus uxari yakuawa purangawaa ae, asui Deus nyenga kuximawara umbeu sesewara, aintayuiri kuaita utitikawaita.
22Purangawaa Deus umaa ainta supe panye kuaita uxariwaita aintapia Jesus Kristu rese. Nyãse tiuparawaka umaa kuaita miraita.
23Nyãse aintaumunya aintapuxuwerasawa panye, asui watari ainta supe ipurangasawa kua Deus.
24Asui uxari penye purangawaa irumu kua ipurangasawa irumu kua salvasão Kristu Jesus rese.
25Asui kua Deus uxariwaa upiripana yande suwi irumu yaruyari resewara ae. Yawe umunya uxari arama yakuawa purangawaa kua Deus nyãse purangawaa resewara ipia uxari yanepuxuwerasawa kuximawara usasawa yanesui.
26Uputari uxari yakuawa kuiri umee kua purangawaa umee kua umpurangasara panye kuaita uruyariwaita Jesus.
27Asui maitaa kuri kua yambeuwaa puranga yaneresewara? Sikuyaraimawaa ae. Maa resewarataa sikuyaraimawaa ae? Maitaa sikuyaraimawaa ae yamunyawaita resewara? Umbaa, maa sikuyaraimawaa ae sesewara kua yaruyariwaa.
28Nyãse yambeu puranga Deus umaa kuaita apigawaita aintauxari resewara aintapia sese isui kua panye aintaumunyawaita.
29Maitaa anyunte judewita Deus kua Deus? Maitaa tiserá aintaDeus kuaita tiwaita judeu? Ẽẽ, aete aintaDeus yuiri kuaita tiwaita judeu.
30Yepenyute kua Deus. Puranga kuri umaa kuaita usirkunsidariwaita aintauxari resewara aintapia sese, asui puranga kuri umaa kuaita tiwaita usirkunsidariwaita aintauxari resewara aintapia sese.
31Maitaa yamutenyuntu Deus nyenga kuximawara irumu kua yaruyariwaa? Umbaa, anyunte yaxari kirimbawa ae.
Currently Selected:
Rumawaraita 3: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
