Rumawaraita 4
4
Puranga Abraão uruyari
1Asui maitaa hambeu sese kua urikuwaa kua yaneramunya Abraão?
2Nyãse puranga rame Deus umaa Abraão umunyawaita resewara, ape upuderi umbeu purangawaa sesepawate, maa tiDeus ixupe arama.
3Maitaa umbeu kua aintaumpinimawaa? Yawe umbeu: "Abraão uxari ipia Deus rese ape purangawaa yawe Deus umaa ae."
4Asui kua upurakiwaa umbaa sikuyaraimawaa kua upurakiwaa kua upurakiwaa rikuyara, maa uganyariwaa ae.
5Maa kua tiwa upuraki maa uxari ipia sese kua umukaturuwaa kuaita puxuwerawaita, purangawaa yawe umaa ae uxari resewara ipia sese.
6Yawe Davi umbeu yuiri: "Suuri kuri kua apigawa purangawaa Deus umaa ae imuraki sui.
7Suuri kuri kuaita uperduariwaita aintasui aintapuxuwerasawa, aintayuiri kuaita uyumimiwaa isui aintapekadu.
8Suuri kuri kua apigawa tiwa yaneruixawa Deus umaa sese ipekadu."
9Maitaa suuri anyunte kuaita usirkunsidariwaita u aintayuiri kuaita tiwaita usirkunsidariwaita? Nyãse yambeu:
—Purangawaa yawe Deus umaa Abraão uruyari resewara ae.
10Mairametaa purangawaa Deus umaa ae, u usirkunsidari rire ae u senundere usirkunsidari ae? Umbaa sakakuera ae, maa senundere usirkunsidari ae.
11Uxari ixupe arama kua sirkunsizão umukame arama purangawaa umaa ae uruyari resewara ae senundere usirkunsidari ae. Aintapaya arama ae panye kuaita purangawaita umaa aintauruyari resewara ae kuaita tiwaita usirkunsidari.
12Aintapaya yuiri ae kuaita usirkunsidariwaita, kuaita urikuwaita kua sirkunsizão uruyariwaita kuaye uruyariwaa yawe kuera kua yaneramunya Abraão senundere usirkunsidari.
13Kua Deus umbeuwaa Abraão supe ximiariruita supe yuiri aintayara arama kuri kua mundu, umbaa aintaumunya resewara kuaye Deus nyenga kuximawara umbeuwaa maa umaa resewara purangawaa yawe aintauruyari resewara ae.
14Aintayara kuri kua mundu kuaita umunyawaita kuaye Deus nyenga kuximawara umbeuwaa, asui anyunte retentu kuri kua yaruyariwaa, asui sikuyaraimawaa yuiri kuri kua umeewaa.
15Nyãse kua Deus nyenga kuximawara irumu yuiri ipiaiwasawa, mame tiyamaa Deus nyenga kuximawara ape tiyamunya puxuwera.
16Sesewara yarikute yaruyari, umbeuwaa peiku arama puranga sese kirimbawa ae ainta supe panye kuaita ximiariruita, umbaa anyunte kuaita uikuwaita Deus nyenga kuximawara rese maa aintayuiri kuaita uruyariwaita kuaye Abraão uruyariwaa yawe, nyãse aete yanepaya muiri yande.
17Kuaye aintaumpinimawaa yawe: "Haxari aintapaya arama inde kuaita miraita siyawaita." Umaawaa upe kua Deus uxariwaa ipia sese, kua uxariwaa aintaupaka kuaita umanuwaita, kua uxariwaa yamaa panye kuaita tiwaita yamaa.
18Abraão usaru umaa kua tiwa yapuderi yamaa, ukuawa ipia upe aintapaya kuri ae kuaita siyawaita miraita kuaye Deus umbeuwaa yawe ixupe:
—Yawe kuri kuaita nerimiariruita.
19Umbaa pitua uruyari umanduari irumu yawaite pituasawa uyuká ipira, nyãse urikuana sem akayu asui waimiana yuiri kua Sara.
20Umbaa mukuĩ umanduarisawa Deus umbeuwaa rese uruyari resewara ae, maa uyumukirimbawa uxari irumu purangawaa Deus supe.
21Kirimbawa umanduari Deus upuderi umunya ixupe kuaye umbeuwaa yawe.
22Ape uruyari resewara purangawaa yawe Deus umaa ae.
23Asui tianyunte Abraão resewara aintaumpinima sese puranga Deus umaa ixupe.
24Maa yaneresewara yuiri. Puranga kuri umaa yande arama yande yaxari yanepia sese kua usupiriwaa yaneruixawa Jesus manusawa sui.
25Kua aintauyukáwaa yanepuxuwerasawa resewara kua usupiriwaa manusawa sui puranga resewara umaa yande.
Currently Selected:
Rumawaraita 4: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
