Atu 24
24
Aintaumbeu puxi Paulu rese
1Asui sinku ara rire uri kua saserdutita ruixawa serawaa Anania aintairumu kuaita serakuenawaita asui yepe upurungitasara serawaa Tertuliu, asui aintaumbeu guvernaduru supe sesewara kua Paulu.
2Asui aintausenui rire Paulu, arame Tertuliu uyupiru umbeu puxi sese kua Paulu, umbeu:
—Inde Felix purangawaa inde, rexari timaarese yaiku puranga, rekuawa resewara remunya puranga rexari yaiku puranga panye yande miraita.
3Asui suuri yamaa inde sesewara kua remunyawaa yanerendawa yaweyawe.
4Asui tihaputari hapurungita turusu, ape hapurandu inde resendu yande arama kuaira nepia purangawaa sui.
5Nyãse yakuawate puxuwera kua apigawa umuapatuka panye kuaita judewita uyumusaĩwaita panye kua mundu kiti, asui aete kirimbawa aintairumu kuaita nazarenuita.
6Asui uputari yuiri umuaiwa yanetemplu, asui yapisika ae yambeu arama sese kuaye Deus nyenga kuximawara umbeuwaa yawe.
7Asui uri yanepiri kua kumandanti Lizia uyuka yaneipu sui ae kirimbawasawa irumu.
8Asui umundu aintauri nepiri kuaita umbeuwaita sesewara, asui inde kuri repurandu resendu ae, ape repuderi rekuawa sese panye kua yambeuwaa sese puxi.
9Asui kuaita judewita aintawajudari ae sesewara kua umbeuwaa, aintaumbeu supiwa ae.
Paulu umbeu sesewara
10Asui kua guvernaduru umukame ipu uxari arama Paulu ukuawa arama upuderi upurungita, asui Paulu unyee:
—Hakuawate siya akayu resaru kuaita miraita, ape suuri hambeu seresewara resendu arama.
11Kuaye rekuawate harikuana duzi ara hasu rire Jeruzalẽ kiti hamee arama purangawaa Deus supe.
12Asui tiaintauwasemu ixe hamuserana amuita, tiyuiri hayumpiaiwa miraita irumu, nẽ sinaguga upe nẽ aintarendawa upe yuiri.
13Tiyuiri aintaupuderi aintaumukame remaa supiwa panye kua aintaumbeuwaa serese.
14Maa hambeu inde arama, hasu kua pee rupi, kua aintaumbeu tenyuntuwara ae, hamanduari kua yaneramunyaita aintaDeus, haruyari Deus nyenga kuximawara umbeuwaa panye; aintaumpinimawaa kuaita aintaumpinimawaita kuaita utitikawaita.
15Asui aintayawe aintausaru hasaru yuiri Deus usupiri manusawa sui kuaita purangawaita puxuwerawaita yuiri.
16Ape kirimbawa haputari puranga sepia yawewarawate Deus umaa apigawaita umaa yuiri.
17Asui siya akayu rire hayuiri haxari prezenti pirasuawaita supe semiraita pitera rupi haxari yuiri Deus supe.
18Asui hamunya irumu ae hayumukaturu rire serimutara aintauwasemu ixe yepeyepe judewita Azia upewaita, tiyamaa siya miraita tiyuiri aintauyumpiaiwa ainta.
19Puranga maa aintauri nepiri aintaumbeu arama inde arama serese aintauputari rame aintaumbeu puxi serese.
20U rexari kuaita apigawaita umbeu inde arama maataa puxi aintauwasemu serese hapuamu irumu serakuenawaita umaa.
21Yepenyute hamunya hapuamu irumu aintapiterupi, hasasemu kirimbawa:
—Kuiri pembeu puxi serese sesewara kua yapuamuwaa manusawa sui.
Felix usendu Paulu
22Asui Felix uxari aintausaru aintaumbeu sese nyãse ukuawate puranga sese kua pee, unyee ainta supe:
—Uri irumu kua kumandanti Lizia hasendu kuri penye arama panye.
23Asui kua tuixawa umbeu yepe kapitão supe umprezure kua Paulu umunya arama ixupe puranga, tiupuderi usaisu sumuaraita uajudari ae.
24Asui yepeyepe ara rire uri kua Felix ximiriku irumu, judeu ae serawaa Druzila, asui umundu aintausenui ipiri kua Paulu, asui usendu irumu kua yaruyariwaa Kristu Jesus rese.
25Asui umbeu ixupe arama Deus purangasawa rese, mayetaa yapuderi tiyaxari yanepia upe puxuwerawa, asui umbeu yuiri ixupe arama Deus umbeu kuri aintapekadu panye, asui iakayemu kua Felix. Asui umbeu ixupe:
—Kuiri resuanare asui mairame kuri hapuderi hasenui yuiri inde.
26Asui umanduari Paulu uxari kuri ixupe dinyeru, asui siya viaji usenui ae upurungita arama irumu.
27Asui mukuĩ akayu rire Pursiu Festu uiku Felix uikuwaa kuera upe, asui uputari resewara puranga aintaumaa ixupe kuaita judewita Felix uxarire prezu kua Paulu.
Currently Selected:
Atu 24: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
