Atu 20
20
Usu Masedunia kiti Gresia kiti yuiri
1Asui aintaupituana aintaipiaiwa, asui Paulu umundu yepe usenui ipiri kuaita umbuewaita asui umusuuri rire ainta, umbeu sesewara asui usu Masedunia kiti.
2Asui usu panye aintaretama kiti umusuuri ainta turusu, asui usika Gresia kiti.
3Asui uiku aintairumu musapiri yasi. Asui uputari irumu usu Siria kiti usendu aintaresewara kuaita judewita aintauputari aintauyuká ae uyumimisawa upe, asui umanduari purangate uyuiri Masedunia kiti.
4Asui usu irumu kua Supatru Bereya suiwara Piru raira ae, asui Aristarku yuiri Sekundu yuiri Tesalunika suiwaraita ainta, asui Gaiu kua Derbe suiwara asui Timuteu yuiri, asui kuaita Azia suiwaraita yuiri Tikiku Trufimu yuiri.
5Aintate usuwaa yanerunde, asui aintausaru yande Truadi upe.
6Asui nyã ara rire yambauwaa seẽwaa yasu Filipu sui, asui sinku ara rire yayariana aintarendawa kiti, asui yaiku aintairumu yepe semana.
Paulu uiku Truadi kiti
7Asui mitu rame yayumuatiri irumu yapixama arama pão, Paulu umbeu ainta supe nyãse uputari usu aintasui wirande kiti, asui uikupuku upurungita aintairumu ate pituna piterupi.
8Ape aikue siya turi uka kiti yayumuatiri akiti iwatewaa sualyu kiti.
9Asui yepe kurumiwasu serawaa Eutiku uwapika janela upe tipusi upisika ae ukiri uiku nyãse uikupuku upurungita kua Paulu, asui uwari iwate sui iwi kiti, asui aintausu usupiri ae umanuana.
10Asui Paulu uwie ipiri, asui uyawika uyumana ae, asui unyee ainta supe:
—Tepexari sasiyara pepia, nyãse upakare uiku.
11Asui uyuiri uyupiri, asui upixama pão uu ae, asui upurungita turusu ate kuema ae. Asui usu aintasui.
12Asui aintaurasu kua kurumiwasu upakate ae, asui turusu suuri ainta. Paulu usika Miletu kiti
13Maa yande yasure yawiye naviu upe yasu arama Asu kiti, yawasemu arama akiti Paulu, nyãse yawe umbeu yande arama, asui uwata pee rupi.
14Asui yasuanti ae Asu kiti uwiye yaneirumu naviu kiti, asui yasu Mitilene kiti.
15Asui yasu Mitilene sui, asui wirande kiti yasasawa Kiu ruaxara, asui wirande kiti yayari Samu kiti, asui amu ara rire yasika Miletu kiti.
16Nyãse Paulu umanduari usasawa Efezu nyãse tiuputari uiku Azia upe, nyãse usu putari kutara Jeruzalẽ kiti umaa arama aintairumu Pentekuste ara sã upuderi rame.
Umbue kuaita serakuenawaita
17Asui Miletu upe usenui ipiri kuaita ingreja serakuenawaita Efezu upewaita.
18Asui aintauyumuatiri ipiri unyee ainta supe:
—Penye pekuawate mayetaa hawata pepiterupi hayupiru hayuiri Azia kiti ate kuiri.
19Pirasuawaa yawe hapuraki yaneruixawa supe, siya viaji hayaxiu perese turusu, hapurara aintaresewara kuaita judewita uputari upisika ixe.
20Pekuawate tihasaisu pesui kua nyenga purangawaa maa hambue penye arama aintausenduwaa upe panye, panye uka upe yuiri.
21Hambeu sesewara kua Deus uputari sasiyara yamanduari yanepekadu sesewara kua uruyarisawa yaneruixawa Jesus rese, hambeu ainta supe panye judewita greguita yuiri.
22Asui seespiritu upuraki sepia upe hasu arama Jeruzalẽ kiti, maa tihakuawa mayetaa hasasawa akiti.
23Maa hakuawate kua Espiritu Santu umbeu ixe arama aintarendawa yaweyawe aintaumprezu kuri ixe akiti, hapurara kuri.
24Maa timaa arama ixe arama hamanu rame, maa haputari hambauwaa kua umunduwaa hamunya semuraki yuiri uxariwaa hamunya kua yaneruixawa Jesus, hambeu arama sese kua inyenga purangawaa Deus purangasawa rese.
25Kuiri hakuawa tikuri pemaa seruwa, panye penye hambuewaita sese kua yaneruixawa Deus miraita.
26Asui uyi ara hambeu penye arama tihariku kulpa ukanyemu rame kuri yepe pesuiwara Deus sui.
27Nyãse timaa hasaisu kua hambuewaa penye arama sese kua Deus nyenga.
28Kuiri pemaa pesui puranga, pesaru puranga kuaita Espiritu Santu uxariwaita penye arama pesaru arama, Deus ingrejaita kuaita upiripanawaita suwi irumu.
29Hakuawate hasu rire pesui aintauwike kuri pepiterupi kuaita yawarate nyãruwaita timaa kuri aintauxari ueskapari ingreja puraita.
30Asui pepiterupi sui yuiri kuri aintausemu kuaita apigawaita aintaumbeu kuri nyenga tenyuntuwaa aintausenui arama aintausu arama aintarakakuera kuaita uruyariwaita.
31Ape pemaa pesui puranga, pemanduari yawewarawate serese mayetaa hambue kuera penye muiri penye ate hayaxiu, musapiri akayu hambue penye muiri ara muiri pituna yuiri.
32Asui kuiri haputari yaneruixawa usaru penye puranga; haputari yuiri peiku puranga sesewara kua inyenga purangawaa rese, kua uxariwaa peyukiriari puranga Deus rese, uxari yuiri ixupe arama penye aintairumu panye kuaita umukaturuwaita.
33Tiawa irumu hamuasi prata, uru yuiri, nẽ rupa yuiri.
34Penyete pekuawa mayetaa hapuraki seipu irumu hariku arama kua watariwaa ixe arama ainta supe yuiri kuaita serumuaraita.
35Ape hamukameana pemaa yarikute yapuraki yapuderi arama yawajudari kuaita pirasuawaita, ape pemanduari Yaneruixawa Jesus umbeuwaa:
—Suuri piri kua umeewaa amuita supe arama isui kua usaruwaa aintaumee ixupe.
Upurandu Deus aintairumu
36Asui umbeu rire panye kua inyenga umunya benditu, upurandu Deus irumu aintairumu panye kuaita amuita.
37Asui aintauyaxiu turusu, asui aintauyumana ae nyãse aintaugustari resewara ae, asui aintaubejari Paulu.
38Asui sasiyara ainta turusu nyãse ainta, umbeu ainta supe:
—Tikuri pemaa seruwa mukuĩsawa asui aintausu irumu naviu kiti.
Currently Selected:
Atu 20: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
